ಗಂಗೊಳ್ಳಿಯಲ್ಲಿ ಅಖಂಡ ಭಾರತ ಸಂಕಲ್ಪ ದಿನಾಚರಣೆ


ಕುಂದಾಪುರ :- ಸ್ವಾತಂತ್ರ್ಯ ಚಳುವಳಿಯಲ್ಲಿ ಅದೆಷ್ಟೋ ಜನ ತಮ್ಮ ಜೀವನವನ್ನು ಮುಡಿಪಾಗಿಟ್ಟುಕೊಂಡು ಹುತಾತ್ಮರಾಗಿರುವ ಆ ಮಹಾನ್ ನಾಯಕರನ್ನು ಸ್ಮರಿಸುವ ಹಾಗೂ ತ್ರಿಖಂಡವಾಗಿರುವ ನಮ್ಮ ದೇಶವನ್ನು ಅಖಂಡ ಭಾರತ ದೇಶವನ್ನಾಗಿ ಮಾಡುವ ಸಂಕಲ್ಪ ಮಾಡುವ ದಿನವಾದ ಸ್ವಾತಂತ್ರ್ಯ ದಿನಾಚರಣೆಯನ್ನು ಯುವಜನತೆ ಮೋಜು ಮಸ್ತಿಯಲ್ಲಿ ಕಳೆಯುತ್ತಿದ್ದಾರೆ. ಅಖಂಡವಾಗಿರುವ ಭವ್ಯ ಭಾರತವನ್ನು ಮತ್ತೆ ಪುನ: ನಿರ್ಮಿಸಲು ಹಿಂದು ಸಮಾಜ ಜಾಗೃತಗೊಳ್ಳಬೇಕಿದೆ. ಆ ಮೂಲಕ ಭಾರತ ಮಾತೆ ವಿಶ್ವ ಗುರು ಆಗುವ ಸಮಯವನ್ನು ಎದುರು ನೋಡಬೇಕು ಎಂದು ಹಿಂದು ಜಾಗರಣ ವೇದಿಕೆಯ ಪ್ರಾಂತ ಕಾರ್ಯಕಾರಿಣಿ ಸದಸ್ಯ ಕುಮಾರ ಸುಬ್ರಹ್ಮಣ್ಯ ಹೇಳಿದರು.
ಅವರು ಇತ್ತೀಚಿಗೆ ಹಿಂದು ಜಾಗರಣ ವೇದಿಕೆ ಗಂಗೊಳ್ಳಿ ಇವರ ಆಶ್ರಯದಲ್ಲಿ ಗಂಗೊಳ್ಳಿಯಲ್ಲಿ ಅಖಂಡಭಾರತ ಸಂಕಲ್ಪ ದಿನಾಚರಣೆ ಹಾಗೂ ಪಂಜಿನ ಮೆರವಣಿಗೆ ಕಾರ್ಯಕ್ರಮದ ನಿಮಿತ್ತ ಶ್ರೀ ವೀರೇಶ್ವರ ಮಾಂಗಲ್ಯ ಮಂದಿರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪ್ರಮುಖ ಭಾಷಣ ಮಾಡಿದರು. ಆಗಿನ ಗಾಂಧಿ ಕುಟುಂಬದವರು ತಮ್ಮ ಸ್ವಾರ್ಥ ಉದ್ದೇಶಕ್ಕಾಗಿ ಅಖಂಡವಾಗಿರುವ ಭವ್ಯ ಭಾರತವನ್ನು ಒಡೆದು ಹೋಳು ಮಾಡಿದ್ದರು. ಇದರ ಫಲವಾಗಿ ದೇಶದೆಲ್ಲೆಡೆ ಜಿಹಾದಿ ಹೋರಾಟಗಳು, ಭಯೋತ್ಪಾದಕ ಚಟುವಟಿಕೆಗಳು ನಡೆಯುತ್ತಿದೆ. ಜಾಗೃತ ಹಿಂದು ಸಮಾಜ ನಿದ್ದೆಯಿಂದ ಎದ್ದರೆ ಏನಾಗಬಹುದು ಎಂಬುದಕ್ಕೆ ರಾಮಸೇತು, ಅಯೋಧ್ಯೆ ಹೋರಾಟ, ಅಮರನಾಥ ಹೋರಾಟಗಳ ಮೂಲಕ ತೋರಿಸಿಕೊಟ್ಟಿದೆ ಎಂದರು.
ಎಸ್.ವಿ.ಹಿರಿಯ ಪ್ರಾಥಮಿಕ ಶಾಲೆಯ ದೈಹಿಕ ಶಿಕ್ಷಣ ಶಿಕ್ಷಕ ಕೆ.ನಾರಾಯಣ ಶೆಟ್ಟಿ ಅಧ್ಯಕ್ಷತೆ ವಹಿಸಿದ್ದರು. ಹಿಂಜಾವೇ ಜಿಲ್ಲಾ ಪ್ರಮುಖ್ ಧನಂಜಯ ಕೋಟೇಶ್ವರ, ಬೈಂದೂರು ತಾಲೂಕು ಸಂಚಾಲಕ ಟಿ.ವಾಸುದೇವ ದೇವಾಡಿಗ, ಪ್ರಮುಖರಾದ ರವೀಂದ್ರ ಪಟೇಲ್, ಶ್ರೀಧರ ನಾಯ್ಕ್, ರಾಘವೇಂದ್ರ ಗಾಣಿಗ, ಮೋಹನ ಖಾರ್ವಿ ದಾಕುಹಿತ್ಲು, ಉಮಾನಾಥ ದೇವಾಡಿಗ, ಗಂಗೊಳ್ಳಿ ಗ್ರಾಪಂ ಸದಸ್ಯರಾದ ಲಕ್ಷ್ಮೀಕಾಂತ ಮಡಿವಾಳ, ಗೋಪಾಲ ಖಾರ್ವಿ ದಾವನಮನೆ, ತಾಪಂ ಮಾಜಿ ಸದಸ್ಯ ಸುರೇಂದ್ರ ಖಾರ್ವಿ, ನಿತ್ಯಾನಂದ ಖಾರ್ವಿ, ಮಣಿ ಖಾರ್ವಿ, ಯಶವಂತ ಖಾರ್ವಿ, ವಿಶ್ವನಾಥ ಪೂಜಾರಿ ಲೈಟ್‌ಹೌಸ್, ಮೊದಲಾದವರು ಉಪಸ್ಥಿತರಿದ್ದರು.
ಹಿಂಜಾವೇ ಗಂಗೊಳ್ಳಿ ಘಟಕದ ಸಂಚಾಲಕ ರತ್ನಾಕರ ಗಾಣಿಗ ಸ್ವಾಗತಿಸಿದರು. ನವೀನ್ ದೊಡ್ಡಹಿತ್ಲು ಕಾರ್ಯಕ್ರಮ ನಿರೂಪಿಸಿ, ಶಂಕರ ದೇವಾಡಿಗ ವಂದಿಸಿದರು. ಕಾರ್ಯಕ್ರಮಕ್ಕೂ ಮುನ್ನ ನಡೆದ ಪಂಜಿನ ಮೆರವಣಿಗೆಗೆ ಗಂಗೊಳ್ಳಿಯ ಮ್ಯಾಂಗನೀಸ್ ರೋಡ್‌ನ ಶ್ರೀ ಜಟ್ಟಿಗೇಶ್ವರ ದೇವಸ್ಥಾನದ ಬಳಿ ವಿಠೋಬ ಪಾಂಡುರಂಗ ಖಾರ್ವಿ ಚಾಲನೆ ನೀಡಿದರು. ಪಂಜಿನ ಮೆರವಣಿಗೆಯು ಬಂದರ್ ಬಸ್ ನಿಲ್ದಾಣದ ಮೂಲಕ ಮೇಲ್‌ಗಂಗೊಳ್ಳಿಯ ಶ್ರೀ ರಾಮ ಮಂದಿರವರೆಗೆ ತೆರಳಿ ಶ್ರೀ ವೀರೇಶ್ವರ ಮಾಂಗಲ್ಯ ಮಂದಿರದ ಬಳಿ ಸಮಾಪನಗೊಂಡಿತು.
ಕುಂದಾಪುರ ಉಪ ವಿಭಾಗದ ಡಿ ವೈ ಎಸ್ಪಿ ಸೀ ಬೀ ಪಾಟೀಲ್, ಕುಂದಾಪುರ ವ್ರತ್ತ ನಿರೀಕ್ಷಕರಾದ ದಿವಾಕರ ಪಿ ಎಂ, ಬೈಂದೂರು ವ್ರತ್ತ ನಿರೀಕ್ಷಕರಾದ ಸುದರ್ಶನ್ ಇವರ ನೇತ್ರತ್ವದಲ್ಲಿ ಹತ್ತಿರದ ಠಾಣೆಯ ತಾಣಾಧಿಕಾರಿಗಳು ಹಾಗೂ ಸಿಬ್ಬಂಧಿಗಳು ಬಿಗು ಪೊಲೀಸ್ ಬಂದೋಬಸ್ತ್ ಏರ್ಪಡಿಸಿದ್ದರು..ಉಡುಪಿ ಜಿಲ್ಲಾ ಶಶಸ್ತ್ರ ಮೀಸಲು ಪಡೆಯ ಎರಡು ತೂಕಡಿಯನ್ನೂ ಸಹ ನಿಯೋಜಿಸಲಾಗಿತ್ತು..

ಗಂಗೊಳ್ಳಿ:- ಪರಿಸರದ ಕೆಲ ಜನರ ವಿರೋಧ, ಮುಕ್ತಿ ಕಾಣದ ತ್ಯಾಜ್ಯ


20140820_134130
ಗಂಗೊಳ್ಳಿ:- ತ್ಯಾಜ್ಯದ ವಿಲೇವಾರಿಗೆ ಸರಿಯಾದ ಜಾಗವಿಲ್ಲದೆ ಕಳೆದ ಒಂದು ತಿಂಗಳಿಂದ ಕಸದ ತೊಟ್ಟಿಯಲ್ಲಿಯೇ ಇದ್ದು ದುರ್ನಾತ ಬೀರುತ್ತಿದ್ದ ತ್ಯಾಜ್ಯವನ್ನು ವಿಲೇವಾರಿ ಮಾಡಲು ಇಂದು ಗಂಗೊಳ್ಳಿ ಪಂಚಾಯತ್ ಮುಂದಾದರೂ, ವಿಲೇವಾರಿ ಮಾಡಲು ಹೋಗಿದ್ದ ಟಿಪ್ಪರ್ ಹಾಗೂ ಜೇ ಸಿ ಬಿ ವಾಹನವನ್ನು ತಡೆದ ಪರಿಸರದ ಕೆಲ ಸಾರ್ವಜನಿಕರು ತ್ಯಾಜ್ಯ ವಿಲೇವಾರಿ ಮಾಡಲು ಅವಕಾಶ ನೀಡದೆ, ಕೊನೆಗೆ ಠಾಣಾಧಿಕಾರಿಯವರ ಮಾತಿಗೆ ಬೆಲೆ ಕೊಟ್ಟು ವಿಲೇವಾರಿ ಮಾಡಲು ತೆಗೆದು ಕೊಂಡು ಹೋಗಿ ಹಾಕಲಾಗಿದ್ದ ತ್ಯಾಜ್ಯವನ್ನು ಮಾತ್ರ ವಿಲೇವಾರಿ ಮಾಡಲು ಅವಕಾಶ ನೀಡಿದ ಘಟನೆ ವರದಿಯಾಗಿದೆ..
ಗಂಗೊಳ್ಳಿ ಗ್ರಾಮದ ಮ್ಯಾಂಗನೀಸ್ ರಸ್ತೆ, ಅರೆಕಲ್ಲು ಬಳಿ ಹಾಗೂ ಜಾಮಿಯಾ ಮೊಹಲ್ಲಾದ ಎರಡು ಕಡೆ ಕಸದ ತೊಟ್ಟಿಗಳು ಕಳೆದ ಒಂದು ತಿಂಗಳಿಂದ ತ್ಯಾಜ್ಯದಿಂದ ತುಂಭಿ ತುಳುಕುತ್ತಿದ್ದವು.. ಇದರ ಬಗ್ಗೆ ಕಸದ ತೊಟ್ಟಿ ಇರುವ ಪ್ರದೇಶದ ಜನರು ಹಾಗೂ ಇನ್ನಿತರ ಕೆಲವರು ಸಂಬಂಧಪಟ್ಟವರ ಗಮನಕ್ಕೆ ತಂದಿದ್ದರು.. ಹಾಗೂ ಗಂಗೊಳ್ಳಿ ಆರೋಗ್ಯ ಇಲಾಖೆಯಿಂದಲೂ ಪಂಚಾಯತಿಗೆ ಪತ್ರ ಬರೆದಿತ್ತು..
20140820_170259
ಇದಕ್ಕೆ ಸ್ಪಂದಿಸಿದ್ದ ಗಂಗೊಳ್ಳಿ ಗ್ರಾಮ ಪಂಚಾಯತ್ ಇಂದು ಬೆಳಿಗ್ಗೆ ಜೇ ಸಿ ಬಿ ಹಾಗೂ ಟಿಪ್ಪರ್ ಮೂಲಕ ತ್ಯಾಜ್ಯ ವಿಲೇವಾರಿಗೆ ಮುಂದಾಗಿತ್ತು ಹಾಗೂ ತ್ಯಾಜ್ಯವನ್ನು ಗಂಗೊಳ್ಳಿ ಗ್ರಾಮದ ಸಮುದ್ರ ತೀರದ ಬಳಿಯಲ್ಲಿ ಹೊಂಡ ಮಾಡಿ ಹುಗಿದು ಹಾಕಲು ನಿರ್ಧರಿಸಿ ತ್ಯಾಜ್ಯವನ್ನು ಸಮುದ್ರದ ತೀರದ ಬಳಿಗೆ ಕೊಂಡೊಯ್ದಾಗ ಅಲ್ಲಿನ ಪರಿಸರದ ಕೆಲ ನಾಗರಿಕರು ಆಕ್ಷೇಪ ವ್ಯಕ್ತಪಡಿಸಿ , ಜೇ ಸಿ ಬಿ ಹಾಗೂ ಟಿಪ್ಪರ್ ವಾಹನವನ್ನು ತಡೆದರು. ಸ್ಥಳಕ್ಕೆ ಧಾವಿಸಿದ ಗಂಗೊಳ್ಳಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ರೇಶ್ಮಾ ಖಾರ್ವಿ ನಾಗರಿಕರನ್ನು ಸಮಾಧಾನಪಡಿಸಲು ಮುಂದಾದರು ಪ್ರಯತ್ನ ಫಲ ನೀಡಲಿಲ್ಲ.. ಮಾತಿಗೆ ಮಾತು ಬೆಳೆದು ಪರಿಸ್ಥಿತಿ ವಿಕೋಪಕ್ಕೆ ಹೋಗುವ ಹಂತ ಮುಟ್ಟಿತು.. ತಕ್ಷಣ ಅಧ್ಯಕ್ಷೆ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದರು.. ಕೂಡಲೇ ಸ್ಥಳಕ್ಕೆ ಆಗಮಿಸಿದ ಗಂಗೊಳ್ಳಿ ಠಾಣಾಧಿಕಾರಿ ಗೋವರ್ಧನ ಎಂ ಹಾಗೂ ಸಿಬ್ಬಂಧಿಗಳು ನಾಗರೀಕಾರನು ಸಮಾಧಾನ ಪಡಿಸಿ ತಂದ ಕಸವನ್ನು ಅಲ್ಲಿಯೇ ವಿಲೇವಾರಿ ಮಾಡಲು ಅವಕಾಶ ನೀಡುವಂತೆ ವಿನಂತಿಸಿದರು.. ಇದಕ್ಕೆ ಸಹಮತ ಸೂಚಿಸಿದ ನಾಗರಿಕರು , ಇನ್ನು ಮುಂದೆ ಇಲ್ಲಿ ಕಸ ಹಾಗೂ ತ್ಯಾಜ್ಯವನ್ನು ಯಾವುದೇ ಕಾರಣಕ್ಕೂ ವಿಲೇವಾರಿ ಮಾಡಲು ತರಬಾರದು ಎಂದು ತಿಳಿಸಿದರು..
ಮುಕ್ತಿ ಕಾಣದ ಜಾಮಿಯಾ ಮೊಹಲ್ಲಾದ ಕಸದ ತೊಟ್ಟಿಗಳು:- ತ್ಯಾಜ್ಯ ವಿಲೇವಾರಿಗೆ ಆಕ್ಷೇಪ ವ್ಯಕ್ತವಾದ ಹಿನ್ನೆಲೆಯಲ್ಲಿ ಜಾಮಿಯಾ ಮೊಹಲ್ಲಾದ ಎರಡು ಕಡೆ ತ್ಯಾಜ್ಯದ ತೊಟ್ಟಿಗಳ ತ್ಯಾಜ್ಯಕ್ಕೆ ಮುಕ್ತಿ ದೊರೆಯಲಿಲ್ಲ, ಹಾಗೂ ದೊರೆಯುವುದು ಸಹ ತುಸು ಕಷ್ಟದ ಮಾತು.. ಯಾಕೆಂದರೆ ಈಗ ಪಂಚಾಯತ್ ಬಳಿ ಒಳ್ಳೆಯ ಸಮಾಧಾನ ಪಡಿಸುವ ಉತ್ತರವಿದೆ.. ಅದೇನೆಂದರೆ ನಾವು ಕಸ ತಕೊಂಡು ಹೋಗಿ ವಿಲೇವಾರಿ ಮಾಡುವಾಗ ಆಕ್ಷೇಪ ಬಂದಿದೆ.. ಕಸ ವಿಲೇವಾರಿಗೆ ಜಾಗವಿಲ್ಲ , ನಾವು ಏನು ಮಾಡುವುದು??? ಅಪ್ಪ ಅಮ್ಮನ ಜಗಳದಲ್ಲಿ ಕೂಸು ಬಡವಾಯಿತು, ಇದು ಸದ್ಯದ ಪರಿಸ್ತಿತಿ

ಗಂಗೊಳ್ಳಿ:- ಬೈಕಿಗೆ ಟಾಟಾ ಏಸ್ ಡಿಕ್ಕಿ, ಸವಾರ ಸಾವು


10615657_818739464827612_866379036_n
ಗಂಗೊಳ್ಳಿ:- ಇಲ್ಲಿಗೆ ಸಮೀಪದ ತ್ರಾಸಿ ಪೊಲೀಸ್ ಠಾಣೆ ಎದುರು ಇಂದು ಮಧ್ಯಾಹ್ನ ನಡೆದ ಬೈಕ್ ಹಾಗೂ ಟಾಟಾ ಏಸ್ ನಡುವಿನ ಅಫಘಾತದಲ್ಲಿ ಬೈಕ್ ಸವಾರ ಆಸ್ಪತ್ರೆ ಸೇರಿಸುವ ದಾರಿ ಮಧ್ಯೆ ಮ್ರತಪಟ್ಟ ಘಟನೆ ವರದಿಯಾಗಿದೆ.. ಮ್ರತಪಟ್ಟವರನು ತ್ರಾಸಿ ನಿವಾಸಿ ಸುರೇಂದ್ರ ಆಚಾರಿ(50) ಎಂದು ಗುರುತಿಸಲಾಗಿದೆ…

ಕುಂದಾಪುರ:- ಬೈಕ್ ಸ್ಕಿಡ್ ಆಗಿ ಗಂಗೊಳ್ಳಿಯ ವ್ಯಕ್ತಿ ಸಾವು…


ಕುಂದಾಪುರ:- ಇಲ್ಲಿಗೆ ಸಮೀಪದ ಬಸ್ರೂರಿನ ಪಂಕದಕಟ್ಟೆ ಜುಮಾ ಮಸೀದಿ ಎದುರು ನಿನ್ನೆ ಬೈಕೊಂದು ಸವಾರನ ನಿಯಂತ್ರಣ ತಪ್ಪಿ ಸ್ಕಿಡ್ ಆದ ಪರಿಣಾಮ ಗಂಭೀರ ಗಾಯಗೊಂಡಿದ್ದ ಸವಾರ ಆಸ್ಪತ್ರೆಯಲ್ಲಿ ಮ್ರತಪಟ್ಟ ಘಟನೆ ವರದಿಯಾಗಿದೆ.. ಮ್ರತಪಟ್ಟವನನ್ನು ಗಂಗೊಳ್ಳಿ ಪೋಸ್ಟ್ ಆಫೀಸ್ ಬಳಿಯ ನಿವಾಸಿ ದಿವಂಗತ ಗುಲಾಮ ಸಾಹೇಬರ ಪುತ್ರ ಮೊಹಮ್ಮದ್ ಗೌಸ್(45) ಎಂದು ತಿಳಿದು ಬಂದಿದೆ.. ಕುಂದಾಪುರ ಸಂಚಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಶವದ ಮರಣೋತ್ತರ ಪರೀಕ್ಷೆಯ ಬಳಿಕ ಶವವನ್ನು ವಾರೀಸುದಾರರಿಗೆ ಬಿಟ್ಟು ಕೊಡಲಾಗಿದೆ..

ಗಂಗೊಳ್ಳಿ ಪೊಲೀಸ್ ಠಾಣಾ ಸರಹದ್ದು ಬೈಂದೂರು ವೃತ್ತಕ್ಕೆ ಸೇರ್ಪಡೆ ?


ಬೈಂದೂರು : ಕುಂದಾಪುರ ಪೊಲೀಸ್ ವೃತ್ತ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಗಂಗೊಳ್ಳಿ ಪೊಲೀಸ್ ಠಾಣೆಯನ್ನು ಬೈಂದೂರು ಪೊಲೀಸ್ ವೃತ್ತ ವ್ಯಾಪ್ತಿಗೆ ಸೇರಿಸಿ ಆದೇಶ ಹೊರಡಿಸಲಾಗಿದೆ ಎಂಬ ಮಾಹಿತಿ ಬಲ್ಲ ಮೂಲಗಳಿಂದ ತಿಳಿದು ಬಂದಿದ್ದು, ಈ ವಿಚಾರ ಮತ್ತೊಂದು ವಿವಾದಕ್ಕೆ ಕಾರಣವಾಗಲಿದೆ.
 
 ಅತಿ ಸೂಕ್ಷ್ಮ ಪ್ರದೇಶವೆಂದು ಗುರುತಿಸಲ್ಪಟ್ಟಿರುವ ಗಂಗೊಳ್ಳಿಯಲ್ಲಿ 1984ರಲ್ಲಿ  ನಂತರ ನಿರಂತರವಾಗಿ ನಡೆಯುತ್ತಿದ್ದ ಕೋಮು ಗಲಭೆಗಳ ಹಿನ್ನಲೆಯಲ್ಲಿ ಗಂಗೊಳ್ಳಿ ಪೊಲೀಸ್ ಠಾಣೆಯನ್ನು ಆರಂಭಿಸಲಾಗಿತ್ತು. ಗಂಗೊಳ್ಳಿ ಗ್ರಾಮವು ಕುಂದಾಪುರದೊಂದಿಗೆ ನಿಕಟ ಸಂಪರ್ಕ ಹೊಂದಿರುವ ಹಿನ್ನಲೆಯಲ್ಲಿ ಗಂಗೊಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯನ್ನು ಕುಂದಾಪುರ ವಲಯಕ್ಕೆ ಸೇರಿಸಿಲಾಗಿತ್ತು. ಗಂಗೊಳ್ಳಿ ಪೊಲೀಸ್ ಠಾಣೆಯು ಗಂಗೊಳ್ಳಿ, ಮರವಂತೆ, ತ್ರಾಸಿ, ಗುಜ್ಜಾಡಿ, ನಾಡಾ-ಗುಡ್ಡೆಯಂಗಡಿ, ಪಡುಕೋಣೆ, ಆಲೂರು ಸೇರಿದಂತೆ ಕೆಲ ಗ್ರಾಮಾಂತರ ಪ್ರದೇಶಗಳನ್ನು ಒಳಗೊಂಡು ರಚಿಸಲಾಗಿತ್ತು. ಕೆಲವು ವರ್ಷ ಗಂಗೊಳ್ಳಿಯಲ್ಲಿ ಬಾಡಿಗೆ ಕಟ್ಟಡದಲ್ಲಿ ಕಾರ್ಯಾಚರಿಸುತ್ತಿದ್ದ ಗಂಗೊಳ್ಳಿ ಪೊಲೀಸ್ ಠಾಣೆ ಗುಜ್ಜಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಗೆ ಸೇರಿದ ರಾಷ್ಟ್ರೀಯ ಹೆದ್ದಾರಿ 66ರ ಬಳಿ ಕಾರ್ಯನಿರ್ವಹಿಸುತ್ತಿದೆ.
 
  ಇದೀಗ ಕುಂದಾಪುರ ಪೊಲೀಸ್ ವೃತ್ತಕ್ಕೆ ಹೆಚ್ಚು ಒತ್ತಡ ಬೀಳುತ್ತಿರುವ ಹಿನ್ನಲೆಯಲ್ಲಿ ಗಂಗೊಳ್ಳಿ ಪೊಲೀಸ್ ಠಾಣೆಯನ್ನು ಎರಡು ಪೊಲೀಸ್ ಠಾಣಾ ವ್ಯಾಪ್ತಿ ಹೊಂದಿರುವ ಬೈಂದೂರು ಪೊಲೀಸ್ ವೃತ್ತಕ್ಕೆ ಸೇರ್ಪಡೆಗೊಳಿಸಿ ಆದೇಶ ಹೊರಡಿಸಲಾಗಿದೆ ಎನ್ನಲಾಗಿದೆ. ಗಂಗೊಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ನಾಗರಿಕರಿಗೆ ಕುಂದಾಪುರ ಅತ್ಯಂತ ಸಮೀಪದಲ್ಲಿದ್ದು ಬಸ್ ಸೌಕರ್ಯ ಸೇರಿದಂತೆ ಎಲ್ಲಾ ರೀತಿಯ ಅನುಕೂಲತೆಗಳನ್ನು ಹೊಂದಿದ್ದು, ಇದೀಗ ಬೈಂದೂರಿಗೆ ಹೋಗಬೇಕಾದ ಅನಿವಾರ್ಯತೆ ಸೃಷ್ಟಿಯಾಗಿದೆ. ಗಂಗೊಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯನ್ನು ಬೈಂದೂರು ವೃತ್ತಕ್ಕೆ ಸೇರ್ಪಡೆಗೊಳಿಸಿರುವುದ ಹಿಂದೆ ರಾಜಕೀಯದ ದುರುದ್ದೇಶ ಅಡಗಿದೆ ಎಂಬ ಮಾತು ಕೇಳಿ ಬರುತ್ತಿದೆ.
 
  ಆದರೆ ಗಂಗೊಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯನ್ನು ಕುಂದಾಪುರ ಪೊಲೀಸ್ ವೃತ್ತದಿಂದ ತೆಗೆದು ಬೈಂದೂರು ವೃತ್ತಕ್ಕೆ ಸೇರ್ಪಡೆಗೊಳಿಸಿರುವುದು ಇಲಾಖಾ ಮಟ್ಟದಲ್ಲಿ ಉತ್ತಮ ಎಂಬಂತಿದ್ದರೂ, ಸಾರ್ವಜನಿಕರಿಗೆ ಮಾತ್ರ ಅನಾನುಕೂಲತೆಗಳು ಹೆಚ್ಚು. ಹೀಗಾಗಿ ಸರಕಾರ ಸಾರ್ವಜನಿಕರ ಹಿತದೃಷ್ಟಿಯಿಂದ ಈ ನಿರ್ಧಾರವನ್ನು ಪುನರ್ ಪರಿಶೀಲಿಸಬೇಕು ಮತ್ತು ಸ್ಥಳೀಯ ಜನಪ್ರತಿನಿಧಿಗಳು ರಾಜಕೀಯ ಭೇಧ ಮರೆತು ಈ ಹಿಂದಿನಂತೆ ಗಂಗೊಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯನ್ನು ಕುಂದಾಪುರ ವೃತ್ತಕ್ಕೆ ಮರು ಸೇರ್ಪಡೆಗೊಳಿಸುವಲ್ಲಿ ಶ್ರಮಿಸಬೇಕು ಎಂದು ನಾಗರಿಕರು ಒತ್ತಾಯಿಸಿದ್ದಾರೆ.
 
 
 
 
 
 
 
 

ಉಡುಪಿ:- ನೂತನ ಎಸ್ಪಿ ಅಧಿಕಾರ ಸ್ವೀಕಾರ


 sp

ದಿನಾಂಕ 11/08/2014 ಬೆಳಿಗ್ಗೆ 10:00 ಗಂಟೆಗೆ ಶ್ರೀ ಪಿ. ರಾಜೇಂದ್ರಪ್ರಸಾದ್‌ ಐಪಿಎಸ್‌ ಇವರು ಉಡುಪಿ ಜಿಲ್ಲಾ ಪೊಲೀಸ್‌ ಅಧೀಕ್ಷಕರಾಗಿ ಅಧಿಕಾರ ವಹಿಸಿಕೊಂಡಿರುತ್ತಾರೆ. ಈ ಸಂದರ್ಭದಲ್ಲಿ ಶ್ರೀ ಸಂತೋಷ್ ಕುಮಾರ್ ಅಡಿಷನಲ್‌ಎಸ್‌ಪಿ ಉಡುಪಿ, ಎಎಸ್‌ಪಿ ಕಾರ್ಕಳ, ಡಿಎಸ್‌ಪಿ ಉಡುಪಿ, ಡಿಎಸ್‌ಪಿ ಕುಂದಾಪುರ ಹಾಗೂ ಜಿಲ್ಲೆಯ ಇತರೇ ಪೊಲೀಸ್‌ ಅಧಿಕಾರಿಗಳು ಉಪಸ್ಥಿತರಿದ್ದರು.

ಗಂಗೊಳ್ಳಿ:- ಬೈಕ್ ಡಿಕ್ಕಿ, ಪಾದಚಾರಿಗೆ ಗಾಯ


ಗಂಗೊಳ್ಳಿ:ದಿನಾಂಕ:09/08/2014ರಂದು ಪಿರ್ಯಾದಿದಾರರಾದ ಜೋಸೆಫ್  ಗೋನ್ಸಾಲಿಸ್ (61) ತಂದೆ:ಲಾರೆನ್ಸ್ ಗೋನ್ಸಾಲಿಸ್ ವಾಸ: ಬೆಣಗೆರೆ ಗುಜ್ಜಾಡಿ ಗ್ರಾಮರವರು ತಮ್ಮ ಸ್ವಂತ ಕೆಲಸ ನಿಮಿತ್ತ ತ್ರಾಸಿ ಗ್ರಾಮದ ಮೊವಾಡಿಗೆ ಹೋಗಿದ್ದು ಸಂಜೆ ಸುಮಾರು 18:45 ಗಂಟೆಗೆ ತ್ರಾಸಿ ಗ್ರಾಮದ ಅರಾಂಗಳ ಮಕ್ಕಿ ಎಂಬಲ್ಲಿ ರಸ್ತೆ ಬದಿಯಿಂದ ನಡೆದು ಕೊಂಡು ಹೋಗುತ್ತಿರುವಾಗ ತ್ರಾಸಿ ಕಡೆಯಿಂದ ಮೊವಾಡಿ ಕಡೆಗೆKA-20-EC-7400 ನಂಬ್ರದ TVS 50 ಮೋಟಾರ್‌ ಸೈಕಲನ್ನು ಅದರ ಚಾಲಕ ಮಂಜುನಾಥ ತಿರುವು ರಸ್ತೆಯಲ್ಲಿ ಅಜಾಗರೂಕತೆ ಹಾಗೂ ನಿರ್ಲಕ್ಷತನದಿಂದ ಚಲಾಯಿಸಿ ಜೋಸೆಫ್  ಗೋನ್ಸಾಲಿಸ್‌ರವರಿಗೆ ಹಿಂಬದಿಗೆ ಢಿಕ್ಕಿ ಹೊಡೆದ ಪರಿಣಾಮ  ಜೋಸೆಫ್  ಗೋನ್ಸಾಲಿಸ್‌ ರಸ್ತೆಗೆ ಬಿದ್ದು  ಎಡಕಾಲಿಗೆ ಮೂಳೆ ಮುರಿತವಾಗಿದ್ದು ಚಿಕಿತ್ಸೆಯ ಬಗ್ಗೆ ಕೆ.ಎಂ.ಸಿ. ಮಣಿಪಾಲ ಆಸ್ಪತ್ರೆಗೆ ದಾಖಲಾಗಿರುವುದಾಗಿದೆ.ಈ ಬಗ್ಗೆ ಜೋಸೆಫ್  ಗೋನ್ಸಾಲಿಸ್‌ರವರು ನೀಡಿದ ದೂರಿನಂತೆ ಗಂಗೊಳ್ಳಿ ಠಾಣಾ ಅಪರಾಧ ಕ್ರಮಾಂಕ 158/2014ಕಲಂ:279,338 ಐಪಿಸಿಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.