GANGOLLITIMES

News & Voice of people of Gangolli and around…

ಗಂಗೊಳ್ಳಿ:- ಟಯರ್ ಸ್ಪೋಟಗೊಂಡ ಬೈಕ್ ಚರಂಡಿಗೆ, ಸವಾರ ಸ್ಥಳದಲ್ಲಿಯೇ ಸಾವು


ಗಂಗೊಳ್ಳಿ:- ಬೈಕಿನ ಟಯರು ಸ್ಪೋಟಗೊಂಡು ಸವಾರನ ಹತೋಟಿ ತಪ್ಪಿದ ಬೈಕ್ ಪಕ್ಕದ ಚರಂಡಿಗೆ ಜಾರಿದ ಪರಿಣಾಮ ಬೈಕ್ ಸವಾರ ಸಮೀಪದ ನೂಜಾಡಿ ನಿವಾಸಿ ಮಹೇಶ ಆಚಾರಿ(30) ಸ್ಥಳದಲ್ಲಿಯೇ ಮ್ರತಪಟ್ಟ ಘಟನೆ ಸಮೀಪದ ಕಟ್ಟೀನಮಕ್ಕಿ ಎಂಬಲ್ಲಿಂದ ಇದೀಗ ವರದಿಯಾಗಿದೆ..ಸ್ಥಳಕ್ಕೆ ಗಂಗೊಳ್ಳಿ ಠಾಣಾಧಿಕಾರಿ ಸುಬ್ಬಣ್ಣ ಹಾಗೂ ಸಿಬ್ಬಂಧಿಗಳು ಭೇಟಿ ನೀಡಿದ್ದು, ತನಿಖೆ ನಡೆಯುತ್ತಿದೆ..

ಬ್ಯಾರೀಸ್‌ನಲ್ಲಿ ಪ್ರವಾಸೋದ್ಯಮದ ಕುರಿತು ಮಾಹಿತಿ ಕಾರ್ಯಕ್ರಮ


ಕೋಡಿ/ಕುಂದಾಪುರ, ಮಾ.1: ಬ್ಯಾರೀಸ್ ಪ್ರಥಮ ದರ್ಜೆ ಕಾಲೇಜಿನ ಕೋಮರ್ಸ್ ಅಸೋಸಿಯೇಶನ್ ವತಿಯಿಂದ ಪ್ರವಾಸೋದ್ಯಮದ ಕುರಿತು ಮಾಹಿತಿ ಕಾರ್ಯಕ್ರಮ ನಡೆಯಿತು.
ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿದ ಕುಂದಾಪುರದ ಉದ್ಯಮಿಗಳಾದ ಅಭಿನಂದನ್ ಶೆಟ್ಟಿ ಮಾತನಾಡಿ, ಪ್ರವಾಸೋದ್ಯಮ ಕ್ಷೇತ್ರದಲ್ಲಿ ವಿುಲ ಅವಕಾಶ ಗಳಿದ್ದು, ವಿದ್ಯಾರ್ಥಿಗಳು ಅವುಗಳನ್ನು ಉಪಯೋಗಿಸಿಕೊಳ್ಳಬೇಕು ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಕಾಲೇಜಿನ ಪ್ರಾಂಶುಪಾಲರು ಹಾಗೂ ಬ್ಯಾರೀಸ್ ಸಮೂಹ ಶಿಕ್ಷಣ ಸಂಸ್ಥೆಯ ಆಡಳಿತ ನಿರ್ದೇಶಕ ಪ್ರೊ.ಚಂದ್ರಶೇಖರ ಮಾತನಾಡಿ, ಪದವಿಯ ನಂತರ ಸಾಮಾನ್ಯ ಕೋರ್ಸುಗಳಿಗಿಂತ ವಿಶೇಷವಾದ ಕೋರ್ಸುಗಳಿಗೆ ವಿದ್ಯಾರ್ಥಿಗಳು ದಾಖಲಾತಿ ಪಡೆದು ಒಳ್ಳೆಯ ಉದ್ಯೋಗವನ್ನು ಪಡೆಯಬಹುದು. ನಾವು ಮಾಡುವ ಪ್ರತಿಯೊಂದು ಕೆಲಸದಲ್ಲಿಯೂ ಕೌಶಲ್ಯ, ನೈಪುಣ್ಯತೆ ಇರಬೇಕು ಎಂದರು.
ವಾಣಿಜ್ಯ ವಿಭಾಗದ ಮುಖ್ಯಸ್ಥೆ ಮಾಲತಿ ಸ್ವಾಗತಿಸಿ, ವಿದ್ಯಾರ್ಥಿನಿ ನಸೀಬಾ ಕಾರ್ಯಕ್ರಮ ನಿರೂಪಿಸಿದರು. ನಿಖತ್ ರ್ವೀನ್ ವಂದಿಸಿದರು.

ಕೋಮುವಾದಿ ಶಕ್ತಿಗಳ ನಿಗ್ರಹಕ್ಕೆ ಆಗ್ರಹಿಸಿ ಸಿಪಿಎಂ ಪ್ರತಿಭಟನೆ


ಕುಂದಾಪುರ, ಫೆ.28: ಕೋಮುವಾದಿ ಶಕ್ತಿಗಳನ್ನು ನಿಗ್ರಹಿಸುವಂತೆ ಆಗ್ರಹಿಸಿ ಸಿಪಿಎಂ ಕುಂದಾಪುರ ಹಾಗೂ ಬೈಂದೂರು ವಲಯ ಸಮಿತಿ ಶನಿವಾರ ಕುಂದಾಪುರದ ಶಾಸ್ತ್ರಿ ಸರ್ಕಲ್ ಬಳಿ ಪ್ರತಿಭಟನೆ ನಡೆಸಿದವು.
ಕೋಮುವಾದಿ ಶಕ್ತಿಗಳು ಸರಕಾರ ಹಾಗೂ ಪೊಲೀಸ್ ಇಲಾಖೆಯ ಯಾವುದೇ ಭಯವಿಲ್ಲದೆ ಕರಾವಳಿ ಹಾಗೂ ಮಲೆನಾಡು ಪ್ರದೇಶಗಳಲ್ಲಿ ಕೋಮು ಚಟುವಟಿಕೆಗಳನ್ನು ಮುಂದುವರಿಸುತ್ತಿದ್ದು, ಇವುಗಳನ್ನು ನಿಗ್ರಹಿಸುವಲ್ಲಿ ರಾಜ್ಯ ಸರಕಾರ ಯಾವುದೇ ಗಂಭೀರ ಪ್ರಯತ್ನ ಮಾಡದೇ ನಿರ್ಲಕ್ಷ್ಯ ವಹಿಸುತ್ತಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.
ಆದುದರಿಂದ ಸರಕಾರ ತನ್ನ ನಿರ್ಲಕ್ಷ್ಯ ಮತ್ತು ಕೋಮುವಾದಿ ಶಕ್ತಿಗಳ ಕುರಿತ ಭಯ ಮತ್ತು ಉದಾಸೀನ ನೀತಿಯನ್ನು ಕೈಬಿಟ್ಟು ಕಠಿಣ ಕ್ರಮ ಕೈಗೊಳ್ಳಬೇಕು. ಪೊಲೀಸ್ ಇಲಾಖೆ ನಿಷ್ಪಕ್ಷಪಾತವಾಗಿ ಹಾಗೂ ಇಂತಹ ಶಕ್ತಿಗಳನ್ನು ನಿಗ್ರಹಿಸಲು ಕಠಿಣವಾಗಿ ವರ್ತಿಸುವಂತೆ ಸೂಕ್ತ ಕ್ರಮವಹಿಸಬೇಕು. ಶಿವಮೊಗ್ಗ ಹಾಗೂ ಸುರತ್ಕಲ್ ವಿದ್ಯಾರ್ಥಿಗಳ ಮೇಲಿನ ದಾಳಿ ಕುರಿತು ನ್ಯಾಯಾಂಗ ತನಿಖೆಗೊಳಪಡಿಸಬೇಕು ಎಂದು ಅವರು ಆಗ್ರಹಿಸಿದರು. ಕುಂದಾಪುರ ವಲಯ ಕಾರ್ಯದರ್ಶಿ ಎಚ್. ನರಸಿಂಹ, ಜಿಲ್ಲಾ ಸಮಿತಿಯ ಮುಖಂಡ ಕೆ.ಶಂಕರ್ ಪ್ರತಿಭಟನಾಕಾರರನ್ನುದ್ದೇಶಿಸಿ ಮಾತನಾಡಿದರು. ಸಿಪಿಎಂ ಮುಖಂಡರಾದ ದಾಸ ಭಂಡಾರಿ, ವೆಂಕಟೇಶ ಕೋಣಿ, ರಾಜೀವ ಪಡುಕೋಣೆ, ಬಲ್ಕೀಸ್, ರಾಜೇಶ್ ವಡೇರಹೋಬಳಿ, ಬೈಂದೂರು ವಲಯ ಸಮಿತಿಯ ಕಾರ್ಯದರ್ಶಿ ಸುರೇಶ್ ಕಲ್ಲಾಗರ ಮೊದಲಾದವರು ಉಪಸ್ಥಿತರಿದ್ದರು.

ಗಂಗೊಳ್ಳಿಯನ್ನು ಇನ್ನೊಂದು ಭಟ್ಕಳ ಮಾಡಲು ಬಿಡಬೇಡಿ


ಗಂಗೊಳ್ಳಿ: ಹಿಂದೂಗಳ ಮಾತೃ ಭೂಮಿಯಾದ ಭಾರತದಲ್ಲೇ ಹಿಂದೂಗಳು ತಮ್ಮ ಉತ್ಸವಗಳನ್ನು, ಧಾರ್ಮಿಕ ಸಂಪ್ರದಾಯಗಳನ್ನು ಮುಕ್ತವಾಗಿ ಆಚರಿಸಿದರೆ ಅದು ವಿವಾದವಾಗುವಂತಹ ವಿಚಿತ್ರ ಪರಿಸ್ಥಿತಿ ಇಂದು ಇದೆ. ಹಿಂದೂಗಳಿಗೆ ಇಂದು ತಮ್ಮ ಧರ್ಮ ಆಚರಿಸಲು ಎಲ್ಲೆಡೆ ಅಡೆತಡೆಗಳನ್ನು ಒಡ್ಡಲಾಗುತ್ತಿದೆ. ಹಿಂದೂಗಳು ತಮ್ಮ ಸಾಮಾಜಿಕ ಶಕ್ತಿಯನ್ನು ತೋರ್ಪಡಿಸುವುದು ಇಂದಿನ ಅಗತ್ಯವಾಗಿದೆ. ಹಿಂದುತ್ವ ಎಂದರೆ ಭಾರತೀಯತೆಯಾಗಿದ್ದು, ಹಿಂದುತ್ವವು ದೇಶದ ಆತ್ಮ, ಬದುಕು ಮತ್ತು ಉಸಿರಾಗಿದೆ ಎಂದು ಹಿಂದೂ ಜಾಗರಣ ವೇದಿಕೆ ಸಂಚಾಲಕ ಜಗದೀಶ ಕಾರಂತ ಹೇಳಿದರು. ಅವರು ಇಲ್ಲಿನ ಕಾಲೇಜು ಮೈದಾನದಲ್ಲಿ ನಡೆದ ವಿರಾಟ್ ಹಿಂದೂ ಸಮಾವೇಶದಲ್ಲಿ ಮಾತನಾಡಿದರು.
samaa
ಹಿಂದೂ ಸಮಾವೇಶಗಳನ್ನು ಎಲ್ಲೆಡೆ ಮಾಡುತ್ತಿದ್ದರೂ ಎಲ್ಲೂ ಶಾಂತಿ ಕದಡುವ ಘಟನೆಗಳು ವರದಿಯಾಗುವುದಿಲ್ಲ. ಆದರೆ ಶಿವಮೊಗ್ಗದಲಿ ಪಿಎಫ್ಐ ಒಂದು ಸಮಾವೇಶ ಏರ್ಪಡಿಸದರೆ ಗಲಭೆ ಭುಗಿಲೆಳುತ್ತದೆ. ಪೊಲೀಸರು ಹಿಂದೂ ಸಮಾವೇಶಗಳು ನಡೆಯುವಾಗ ವಹಿಸುವಂತಹದ್ದೇ ರೀತಿಯ ಎಚ್ಚರಿಕೆಯನ್ನು ಪಿಎಫ್ಐ ಸಂಘಟನೆ ಏರ್ಪಡಿಸುವ ಸಮಾವೇಶಗಳಲ್ಲಿ ವಹಿಸಿದರೆ ಇಂಥ ಪರಿಸ್ಥಿತಿ ಉದ್ಭವವಾಗುತ್ತಿರಲಿಲ್ಲ ಎಂದವರು ಲೇವಡಿ ಮಾಡಿದರು.
ಭಟ್ಕಳವನ್ನು ಭಯೋತ್ಪಾದಕರ ತವರು ಎಂದು ಲೇವಡಿ ಮಾಡಿದ ಜಗದೀಶ ಕಾರಂತ, ಗಂಗೊಳ್ಳಿಯನ್ನು ಇನ್ನೊಂದು ಭಟ್ಕಳ ಮಾಡಲು ಹಿಂದೂಗಳು ಬಿಡಬಾರದೆಂದು ಕರೆ ನೀಡಿದರು.
ಹಿಂದೂ ಶಾಸಕರು ಇದ್ದರೂ ಇಲ್ಲದಂತೆ
ಗುರುಪುರ ಶ್ರೀ ವಾದಿರಾಜ ಮಠದ ರಾಜಶೇಖರಾನಂದ ಸ್ವಾಮೀಜಿ ಹಿಂದೂಗಳು ತಮ್ಮೊಳಗಿನ ಜಾತಿ ಬೇಧ ಮರೆತು ನಾವೆಲ್ಲರೂ ಒಂದು ಎಂದು ಹಿಂದೂ ಸಮಾಜದ ಒಗ್ಗಟ್ಟಿಗೆ ಕಟಿಬದ್ಧರಾಗಬೇಕು ಎಂದು ಆಶೀರ್ವಚನ ನೀಡಿದರು. ಹಿಂದೂ ಶಾಸಕರು ಇದ್ದರೂ ಅವರು ಇದ್ದೂ ಇಲ್ಲದಂತೆ ವರ್ತಿಸುತ್ತಿದ್ದಾರೆ ಎಂದು ಅವರು ಕಿಡಿಕಾರಿದರು.
ಬಳ್ಳಾರಿ ಉದ್ಯಮಿ ಕೊತ್ವಾಲ್ ಪದ್ಮನಾಭ ಸೇರೆಗಾರ್ ಅಧ್ಯಕ್ಷತೆ ವಹಿಸಿದ್ದರು. ಗಂಗೊಳ್ಳಿ ಪಂಚಾಯತ್ ಅಧ್ಯಕ್ಷೆ ರೇಶ್ಮಾ ಖಾರ್ವಿ, ಕಂಚಗೋಡು ರಾಮ ಮಂದಿರದ ಶಂಕರ ಖಾರ್ವಿ, .ಸ್ಥಳೀಯ ಗಣ್ಯರಾದ ವೇದಮೂರ್ತಿ ವೇದವ್ಯಾಸ ಆಚಾರ್ಯ ಮತ್ತಿತರರು ಉಪಸ್ಥಿತರಿದ್ದರು.
ಗಂಗೊಳ್ಳಿ ಹಿಂಜಾವೇ ಅಧ್ಯಕ್ಷ ಗೋವಿಂದ ಸೇರೆಗಾರ್ ಸ್ವಾಗತಿಸಿದರು. ರಾಮ ಮಂದಿರದಿಮ್ದ ವೀರೇಶ್ವರ ದೇವಸ್ಥಾನದ ತನಕ ಭಾರೀ ಮೆರವಣಿಗೆ ನಡೆಯಿತು.
ಗಂಗೊಳ್ಳಿಯಲ್ಲಿ ಅಘೋಷಿತ ಬಂದ್
ಇತ್ತೀಚಿನ ಶಾಂತಿ ಕದಡಿದ ಘಟನೆಗಳ ಹಿನ್ನೆಲೆಯಲ್ಲಿ ಹಿಂದೂ ಸಮಾವೇಶ ಸಂದರ್ಭ ಗಂಗೊಳ್ಳಿ ಪೇಟೆಯಲ್ಲಿ ಒಂದು ರೀತಿಯ ಉಸಿರು ಕಟ್ಟುವ ವಾತಾವರಣ ನೆಲೆಸಿತ್ತು. ಅನೇಕ ಅಂಗಡಿಗಳು ಸ್ವಯಂ ಪ್ರೇರಿತರಾಗಿ ಅಂಗಡಿಗಳನ್ನು ಮುಚ್ಚಿದ್ದರಿಂದ ಕೆಲ ಕಾಲ ನಗರದಲ್ಲಿ ಅಘೋಷಿತ ಬಂದ್ ಏರ್ಪಟ್ಟಿತ್ತು. ಯಾವ ಕ್ಷಣ ಎಲ್ಲಿ ಯಾವ ಅಹಿತಕರ ಘಟನೆ ನಡೆದೀತೋ ಎಂಬ ಆತಂಕ ನಾಗರಿಕರಲ್ಲಿ ಮೂಡಿತ್ತು. ಬಿಗಿ ಪೊಲೀಸ್ ಪಹರೆ ಏರ್ಪಡಿಸಲಾಗಿದ್ದು, ಅಡಿಗಡಿಗೂ ವಾಹನಗಳ ನೊಂದಣಿ ಸಂಖ್ಯೆಯನ್ನು ಪೊಲೀಸರು ನಮೂದಿಸಿಕೊಳ್ಳುತ್ತಿದ್ದು, ಜನರ ಪೂರ್ವಾಪರ ವಿಚಾರಿಸುತ್ತಿದ್ದ ದೃಶ್ಯಗಳು ಎಲ್ಲೆಲ್ಲೂ ಕಂಡುಬಂದವು. ಗಂಗೊಳ್ಳಿಯ ದಶ ದಿಕ್ಕುಗಳಲ್ಲಿ ಕ್ಯಾಮೆರಾಗಳು ಜನರ ಚಲನವಲನಗಳ ಮೇಲೆ ಬೇಹುಗಾರಿಕೆ ನಡೆಸಿದ್ದು, ಸಮಾವೇಶ ಮುಗಿಯುತ್ತಿದ್ದಂತೆ ಜನ ನಿರಾಳರಾದರು.
ವರದಿ ಕ್ರಪೆ:- ಕರಾವಳಿ ಕರ್ನಾಟಕ

ದುಬೈ:- ಶಾಣಾನ್ ಸ್ಟಾರ್ ಮಡಿಲಿಗೆ ಗಂಗೊಳ್ಳಿ ಫ್ರೆಂಡ್ಸ್ ಟ್ರೋಫೀ 2015


IMG-20150227-WA0013
ದುಬೈ:- ನಿನ್ನೆ ಇಲ್ಲಿನ ಅಲ್ ಮಂಜಾರ್ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗಿದ್ದ ಗಂಗೊಳ್ಳಿ ಫ್ರೆಂಡ್ಸ್ ಟ್ರೋಫೀ 2015 ಅನ್ನು ಚಿಲ್ಲಿ ವಿಲ್ಲಿ ತಂಡವನ್ನು ಸೋಲಿಸಿ ಶಾಣಾನ್ ಸ್ಟಾರ್ ತಂಡವು ತನ್ನದಾಗಿಸಿಕೊಂಡಿತು…ಈ ಒಂದು ಟೂರ್ನಿಯಲ್ಲಿ 16 ಬಲಿಷ್ಟ ತಂಡಗಳು ಭಾಗವಹಿಸಿದ್ದವು..ಕರ್ನಾಟಕ ಸಂಘ ಸಾರ್ಜಾ ಇದರ ಅಧ್ಯಕ್ಷರು ಹಾಗೂ ಚಿಲ್ಲಿ ವಿಲ್ಲಿಯ ಮಿಸ್ಟರ್ ಸತೀಶ್ ಇವರು ಪಂದ್ಯಕೂಟವನ್ನು ಉಧ್ಘಾಟಿಸಿದರು..
IMG-20150227-WA0016
ಫೈನಲ್ ಪಂದ್ಯದ ಪಂದ್ಯ ಶ್ರೇಷ್ಟ ಪ್ರಶಸ್ತಿಯನ್ನು ಶಾಣಾನ್ ಸ್ಟಾರ್ ತಂಡದ ರಿಜ್ವಾನ್ ಕೋಡಿಯವರು ಪಡೆದರೆ, ಪಂದ್ಯಕೂಟದ ಬೆಸ್ಟ್ ಬ್ಯಾಟ್ಸ್ಮನ್ ಪ್ರಶಸ್ತಿಯನ್ನು ಅಲ್ ಹಿಬಾ ಸ್ಪೋರ್ಟ್ಸ್ ರತ್ನಾಗಿರಿಯ ಮೈನುದ್ದೀನ ತಮ್ಮದಾಗಿಸಿಕೊಂಡರು.. ಪಂದ್ಯಕೂಟದ ಬೆಸ್ಟ್ ಬೋಲರ್ ಪ್ರಶಸ್ತಿಯನ್ನು ಶಾಣಾನ್ ಸ್ಪೋರ್ಟ್ಸ್‌ನ ಫಾವಾಜ್ ಹಾಗೂ ಸರಣೀಶ್ರೇಷ್ಟ ಪ್ರಶಸ್ತಿಯನ್ನು ಚಿಲ್ಲಿ ವಿಲ್ಲಿ ತಂಡದ ಗೋಡ್ವಿನ್ ಇವರು ಪಡೆದುಕೊಂಡರು.. ಗಂಗೊಳ್ಳಿ ಫ್ರೇಂಡ್ಸ್ ಪ್ರಥಮ ಬಾರಿಗೆ ಪಂದ್ಯಕೂಟವನ್ನು ಆಯೋಜಿಸಿತ್ತು…

ಗಂಗೊಳ್ಳಿ:- ವಿರಾಟ್ ಹಿಂದು ಸಂಗಮ, ಬಿಗು ಪೊಲೀಸ್ ಬಂದೋಬಸ್ತ್(UPDATED)


20150228_100408_2800
ಗಂಗೊಳ್ಳಿ:- ಶನಿವಾರ ಗಂಗೊಳ್ಳಿ ಹಿಂದು ಜಾಗರಣಾ ವೇದಿಕೆ ಗಂಗೊಳ್ಳಿ ಘಟಕದ ವತಿಯಿಂದ 505 ಕಲಶಗಳ ಸಾಮೂಹಿಕ ಸತ್ಯನಾರಾಯಣ ಪೂಜೆ ಹಾಗೂ ವಿರಾಟ್ ಹಿಂದು ಸಂಗಮ ಕಾರ್ಯಕ್ರಮವು ಜರುಗಲಿದ್ದು, ಹಿಂ ಜಾ ವೆಯ ರಾಜ್ಯ ಸಂಚಾಲಕರಾದ ಜಗದೀಶ್ ಕಾರಂತ್ ಹಾಗೂ ಗುರುಪುರ ವಜ್ರದೇಹಿ ಮಠದ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಸಹಿತ ಹಲವು ನಾಯಕರು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವವರಿದ್ದು, ಶೋಭಾ ಯಾತ್ರೆಯೂ ನಡೆಯಲಿದೆ..ಈಗಾಗಲೇ ಪರಿಸರದ ಮುಖ್ಯ ರಸ್ತೆ ಮೇಲ್ಭಾಗವನ್ನು ಪತಾಕೆಯಿಂದ ಹಾಗೂ ಅಕ್ಕ ಪಕ್ಕ ಬ್ರಹತ್ ಕತೌಟುಗಳಿಂದ ಶ್ರಂಗರಿಸಲಾಗಿದೆ.. ಕೋಮು ಸೂಕ್ಷ್ಮ ಪ್ರದೇಶವಾಗಿರುವುದರಿಂದ ಕಾರ್ಯಕ್ರಮಕ್ಕೆ ಕುಂದಾಪುರ ಉಪ ವಿಭಾಗದ ಡಿ ವೈ ಎಸ್ಪಿ ಮಂಜುನಾಥ ಶೆಟ್ಟಿ ನೇತ್ರತ್ವದಲ್ಲಿ ಬಂದೋಬಸ್ತ್ ಮಾಡಲಾಗಿದ್ದು, ಭದ್ರತೆಗಾಗಿ 250 ಪೊಲೀಸರು, 3 ಕೆ ಎಸ್ ಆರ್ ಪಿ ತುಕಡಿ, 3 ಜಿಲ್ಲಾ ಶಶಸ್ತ್ರ ಮೀಸಲು ಪಡೆಯ ತುಕಡಿ, ಜಿಲ್ಲಾ ಕಮಾಂಡೋ ಪಡೆಯ ಎರಡು ತುಕಡಿ, 5 ವ್ರತ್ತ ನಿರೀಕ್ಷಕರು, 8 ಜನ ಸಬ್ ಇನ್ಸ್‌ಪೆಕ್ಟರ್ ಹಾಗೂ ಇಪ್ಪತ್ತಕ್ಕೂ ಹೆಚ್ಚು ಸಹಾಯಕ ಸಬ್ ಇನ್ಸ್‌ಪೆಕ್ಟರ್‌ಗಳನ್ನು ನಿಯೋಜಿಸಲಾಗಿದೆ.. ಈಗಾಗಲೇ ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ ಅಣ್ಣಾಮಲೈ ಗಂಗೊಳ್ಳಿಗೆ ಭೇಟಿ ನೀಡಿ ಭದ್ರತೆಯನ್ನು ಪರಿಶೀಲಿಸಿದ್ದು, ಕಾರ್ಯಕ್ರಮದ ದಿನ ಗಂಗೊಳ್ಲಿಯಲ್ಲಿಯೇ ಮೊಕ್ಕಾಂ ಮಾಡಲಿದ್ದಾರೆ..ಅದೇ ರೀತಿ ನಿನ್ನೆ ಎರಡೂ ಕೋಮಿನ ಮುಖಂಡರನ್ನು ಡಿ ವೈ ಎಸ್ಪಿ ಯವರು ಪ್ರತ್ಯೇಕವಾಗಿ ಠಾಣೆಗೆ ಕರೆಯಿಸಿ ಶಾಂತಿ ಕಾಪಾಡಿಕೊಂಡು ಹೋಗುವ0ತೆ ಕೋರಿದ್ದಾರೆ ಎಂದು ತಿಳಿದುಬಂದಿದೆ…ಅದೇ ರೀತಿ ರಸ್ತೆಯ ಹಲವು ಕಡೆ ಪೊಲೀಸ್ ಬ್ಯಾರಿಕೆಡುಗಳನ್ನು ಅಳವಳಿಸಲಾಗಿದೆ…
ಪ್ರಾರ್ಥನಾ ಮಂದಿರ, ವಾಣಿಜ್ಯ ಸಂಕೀರ್ಣ ಸಹಿತ ಹಲವು ಕಡೆ ಶಸ್ತ್ರಸಜ್ಜಿತ ಪೊಲೀಸರು ಕಾವಲು ಕಾಯುತ್ತಿದ್ದು, ಅಧಿಕಾರಿಗಳು ಅಲ್ಲಲ್ಲಿ ಗಸ್ತು ತಿರುಗುತ್ತಿದ್ದಾರೆ…ಅಹಿತಕರ ಘಟನೆ ನಡೆಯದಂತೆ ಎಲ್ಲಾ ರೀತಿಯ ಕ್ರಮಗಳನ್ನು ಕೈಗೊಳ್ಳಲಾಗಿದ್ದು, ಮುಂಜಾಗರೂಕತಾ ಕ್ರಮವಾಗಿ ಅಗ್ನಿ ಶಾಮಕ ದಳದ ವಾಹನವನ್ನೂ ಸಹ ಸನ್ನದ್ದ ಸ್ಥಿತಿಯಲ್ಲಿರಿಸಲಾಗಿದೆ. ಒಟ್ಟಿನಲ್ಲಿ ಗಂಗೊಳ್ಳಿ ಎಲ್ಲಾ ಕಡೆಯಲ್ಲಿಯೂ ಪೊಲೀಸರೇ ಕಾಣಸಿಗುತ್ತಿದ್ದು, ಶಾಂತಿ ಕದಡದಿರಲಿ ಎಂಬುದೇ ಶಾಂತಿಪ್ರಿಯರ ಸಹಿತ ಎಲ್ಲರ ಆಶಯ…
ವದಂತಿಗಳಿಗೆ ಕಿವಿ ಕೊಡಬೇಡಿ, ತಪ್ಪು ಸಂದೇಶಗಳನ್ನು ರವಾನಿಸಬೇಡಿ:- ಸಾರ್ವಜನಿಕರು ವದಂತಿಗಳಿಗೆ ಕಿವಿಗೊಡದಂತೆ ಮನವಿಯನ್ನು ಮಾಡಿರುವ ಪೊಲೀಸರು ಹಾಗೂ ಮುಖಂಡರು, ಸಾಮಾಜಿಕ ಜಾಲತಾಣಗಳಲ್ಲಿ ತಪ್ಪು ಸಂದೇಶಗಳನ್ನು ರವಾನಿಸಿ, ಶಾಂತಿ ಕದಡಲು ಯತ್ನಿಸಿದಲ್ಲಿ ಕಠಿಣ ಕಾನೂನು ಕ್ರಮ ಜರುಗಿಸಲಾಗುವುದು ಎಂದು ಪೊಲೀಸರು ಎಚ್ಚರಿಕೆಯನ್ನು ನೀಡಿದ್ದಾರೆ..

ಗಂಗೊಳ್ಳಿ:- ಕಬ್ಬಿಣ ಬೋಟ್ ದುರಸ್ಥಿ ವಿರೋಧಿಸಿ ಮನವಿ


ಗಂಗೊಳ್ಳಿ:-ಗಂಗೊಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಫೆರಿ ರಸ್ತೆಯ ಸಮೀಪದಲ್ಲಿ ಕಬ್ಬಿಣ ಬೋಟ್ ದುರಸ್ಥಿ ಕಾರ್ಯದಿಂದ ಆಗುತ್ತಿರುವ ತೊಂದರೆಗಳ ಬಗ್ಗೆ ಸ್ಥಳೀಯ ಪರಿಸರದ ಜನರು ಗಂಗೊಳ್ಳಿ ಗ್ರಾಮ ಪಂಚಾಯತ್‌ಗೆ ಮನವಿ ಸಲ್ಲಿಸಿ ಸೂಕ್ತ ಕ್ರಮಕೈಗೊಳ್ಳುವಂತೆ ಮನವಿ ಮಾಡಿದ್ದಾರೆ.
AS
ಗಂಗೊಳ್ಳಿ ಗ್ರಾಮ ಪಂಚಾಯತ್‌ಗೆ ಭೇಟಿ ನೀಡಿದ ಪರಿಸರದ ಜನರು ಈ ಸಂಬಂಧ ಮನವಿಯನ್ನು ಗ್ರಾಮ ಪಂಚಾಯತ್ ಅಧ್ಯಕ್ಷೆ ರೇಷ್ಮಾ ಆರ್.ಖಾರ್ವಿ, ಉಪಾಧ್ಯಕ್ಷ ಮಹೇಶರಾಜ್ ಪೂಜಾರಿ, ಪಿಡಿ‌ಒ ಪ್ರವೀಣ ಡಿಸೋಜ ಅವರಿಗೆ ಹಸ್ತಾಂತರಿಸಿದರು. ಗ್ರಾಪಂ ಸದಸ್ಯರಾದ ಬಿ.ಗಣೇಶ ಶೆಣೈ, ರಾಜಾ ಖಾರ್ವಿ, ಯೂನಿಸ್ ಸಾಹೇಬ್, ಸಂತೋಷ, ಲಲಿತಾ ಖಾರ್ವಿ, ಕಮಲಾ ಮೊದಲಾದವರು ಉಪಸ್ಥಿತರಿದ್ದರು. ಸ್ಥಳೀಯರಾದ ಸುಂದರ, ಸುಧಾಕರ, ಗಣೇಶ, ಅರುಣ, ರಾಜಾ, ಸಂದೇಶ, ನಾಗರಾಜ, ವಿಶ್ವನಾಥ, ಸುಶೀಲ, ಚಂದು ಮೊದಲಾದವರು ನಿಯೋಗದಲ್ಲಿದ್ದರು.

ಗಂಗೊಳ್ಳಿ:- ಸರಕಾರಿ ಉರ್ದು ಶಾಲೆಯಲ್ಲಿ ಪ್ರತಿಭಾ ಅನ್ವೇಷಣೆ ಕಾರ್ಯಕ್ರಮ


10999811_851090134930300_2162880579789723744_n
ಗಂಗೊಳ್ಳಿ:- ಸ್ಥಳೀಯ ಅತ್ಯಂತ ಪುರಾತನ ಸರಕಾರಿ ಉರ್ದು ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಾಲಾ ವಿಧ್ಯಾರ್ಥಿಗಳ ಪ್ರತಿಭಾ ಅನ್ವೇಷಣೆ ಕಾರ್ಯಕ್ರಮವು ಇತ್ತೀಚಿಗೆ ಶಾಲಾ ಹಳೇ ವಿಧ್ಯಾರ್ಥಿ ಸಂಘದ ಮಾಜಿ ಕಾರ್ಯದರ್ಶಿಯಾದ ಕತಾರ್ ಮೂಲದ ಉದ್ಯಮಿ ಜನಾಬ್ ಪೀ ಎಂ ಹಸೈನಾರ್ ಇವರ ಅಧ್ಯಕ್ಷತೆಯಲ್ಲಿ ನಡೆಯಿತು.. ಅನಿವಾಸಿ ಭಾರತೀಯ ಹಾಗೂ ಶಾಲಾ ಹಳೇ ವಿಧ್ಯಾರ್ಥಿ ಪರ್ವೇಜ್ ಅಹ್ಮದ್, ಎಸ್ ಡಿ ಎಂ ಸಿ ಯ ಮೊಹಮ್ಮದ್ ಹನೀಫ್ ಉಮ್ಮಾರ್ಜಿ, ಹಳೇ ವಿಧ್ಯಾರ್ಥಿ ಸಂಘದ ಉಪಾಧ್ಯಕ್ಷರಾದ ಮೌಲಾನಾ ಅಬ್ದುಲ್ ಹಾದಿ ರಶಾದಿ ಹಾಗೂ ಶಾಲಾ ಮುಖ್ಯ ಶಿಕ್ಷಕಿ ಸಯೀದಾ ಬಾನು ವೇದಿಕೆಯಲ್ಲಿದ್ದರು..ಇದೆ ಸಂಧರ್ಭದಲ್ಲಿ 2014-2015 ಸಾಲಿನ ಬಹುಮಾನ ವಿತರಣೆಯೂ ನಡೆಯಿತು.. ಕಾರ್ಯಕ್ರಮದ ಬಳಿಕ ವಿದ್ಯಾರ್ಥಿಗಳಿಂದ ಮನೋರಂಜನಾ ಕಾರ್ಯಕ್ರಮ ನಡೆಯಿತು..ಶಿಕ್ಷಕಿ ಶಕೀಲಾ ತಬಸ್ಸುಂ ಸ್ವಾಗತಿಸಿದರು..

ಗಂಗೊಳ್ಳಿ:- ಮಟ್ಕಾ ಜುಗಾರಿ ಪ್ರಕರಣ, ಓರ್ವನ ಸೆರೆ


ಗಂಗೊಳ್ಳಿ:ದಿನಾಂಕ:25/02/2015 ರಂದು ಗಂಗೊಳ್ಳಿ ಪೊಲೀಸ್ ಠಾಣೆಯ ಉಪನಿರೀಕ್ಷಕರಾದ ಶ್ರೀ ಸುಬ್ಬಣ್ಣ ಬಿ. ರವರು ಸಿಬ್ಬಂದಿಯವರೊಂದಿಗೆ ಠಾಣಾ ಸರಹದ್ದಿನ ರೌಂಡ್ಸ ಕರ್ತವ್ಯದಲ್ಲಿರುವ ಸಮಯದಲ್ಲಿ ಆಲೂರು ಪೇಟೆಯಲ್ಲಿ ಪ್ರೇಮ ನಾಯ್ಕ ಫೂಟ್‌ವೇರ್ ಬಳಿ ಸಾರ್ವಜನಿಕ ರಸ್ತೆಯಲ್ಲಿ ಓರ್ವ ವ್ಯಕ್ತಿ ಮಟ್ಕಾ ಜುಗಾರಿ ಆಟದ ಬಗ್ಗೆ ಸಾರ್ವಜನಿಕರನ್ನು ಒಟ್ಟುಗೂಡಿಸಿ ಹಣವನ್ನು ವಸೂಲಿ ಮಾಡಿ, ಮಟ್ಕಾ ಜುಗಾರಿ ಆಟ ಆಡುತ್ತಿರುವುದಾಗಿ ಖಚಿತ ಮಾಹಿತಿ ದೊರೆತ ಮೇರೆಗೆ 11:00 ಗಂಟೆಗೆ ಸಿಬ್ದಂದಿಯವರರೊಂದಿಗೆ ದಾಳಿ ಮಾಡಿದ್ದು, ಮಟ್ಕಾ ಜುಗಾರಿ ಆಟ ಆಡುತ್ತಿರುವ ಸೂಲ್ಯ (43) ತಂದೆ:ಬಚ್ಚ ನಾಯ್ಕ, ವಾಸ:ನಾಯಿಮಣ್ಣು ಮನೆ, ಆಲೂರು ಗ್ರಾಮ, ಕುಂದಾಪುರ ತಾಲೂಕು ಈತನನ್ನು ದಸ್ತಗಿರಿ ಮಾಡಿದ್ದು, ಸಾರ್ವಜನಿಕರಿಂದ ಮಟ್ಕಾ ಜುಗಾರಿ ಆಟಕ್ಕೆ ಸಂಗ್ರಹಿಸಿದ ನಗದು 1080/-ರೂಪಾಯಿ, ಮಟ್ಕಾ ನಂಬ್ರ ಬರೆದ ಕಾಗದದ ಚೀಟಿ-1, ಬಾಲ್ ಪೆನ್‌-1 ನ್ನು ಮಹಜರು ಮುಖಾಂತರ ಸ್ವಾಧೀನಪಡಿಸಿಕೊಂಡು ಠಾಣಾ ಅಪರಾಧ ಕ್ರಮಾಂಕ 25/2015 ಕಲಂ:78 (i)(iii) ಕೆ.ಪಿ ಕಾಯ್ದೆಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಗಂಗೊಳ್ಳಿ : ಸೋಮಶೇಖರ್ ಖಾರ್ವಿಗೆ ದೇಹದಾರ್ಡ್ಯ ಪ್ರಶಸ್ತಿಗಳ ಮಾಲೆ


aaaಕುಂದಾಪುರ: ಶ್ರೀ ರಾಮಾಂಜನೇಯ ಹೆಲ್ತ್ ಎಂಡ್ ಫಿಟ್‌ನೆಸ್ ಜಿಮ್ ಅಂಬಲಪಾಡಿ ಇವರು ಪ್ರಾಯೋಜಿಸಿದ ಉಡುಪಿ ಜಿಲ್ಲಾ ಬಾಡಿ ಬಿಲ್ಡಿಂಗ್ ಚಾಂಪಿಯನ್ ಶಿಫ್ ಸ್ಪರ್ಧೆಯಲ್ಲಿ 65 ಕೆ.ಜಿ. ವಿಭಾಗದಲ್ಲಿ ಮಿಸ್ಟರ್ ಉಡುಪಿ-2015 ಪ್ರಶಸ್ತಿಯೊಂದಿಗೆ ಪ್ರಥಮ ಸ್ಥಾನವನ್ನು, ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ (ರಿ) ಮುದೋಳ ಇವರು ಸಂಘಟಿಸಿದ ರಾಜ್ಯ ಮಟ್ಟದ ಬಾಡಿ ಬಿಲ್ಡಿಂಗ್ ಚಾಂಪಿಯನ್ ಶಿಫ್ ಜೈ ಭೀಮ್-2015 ಪ್ರಶಸ್ತಿಯೊಂದಿಗೆ ಪ್ರಥಮ ಸ್ಥಾನವನ್ನು ಹಾಗೂ ಕರ್ನಾಟಕ ಬಾಡಿ ಬಿಲ್ಡರ್ ಅಸೋಸಿಯೇಶನ್ ಮತ್ತು ಡಿಡಿಬಿಬಿ‌ಎ ಇವರು ಧಾರವಾಡದಲ್ಲಿ ಆಯೋಜಿಸಿದ ಮಿಸ್ಟರ್ ಶ್ರಮಜೀವಿ-2015 ಪ್ರಶಸ್ತಿಯೊಂದಿಗೆ ದ್ವಿತೀಯ ಸ್ಥಾನವನ್ನು ಮತ್ತು ನ್ಯೂ ಹರ್ಕ್ಯುಲೆಸ್ ಜಿಮ್ ಎಂಟ್ ಫಿಟ್‌ನೆಸ್ ಸೆಂಟರ್ ಕುಂದಾಪುರ ಪ್ರಾಯೋಜಿಸಿದ ಮಿಸ್ಟರ್ ಕುಂದಾಪುರ-2015 ಪ್ರಶಸ್ತಿಯೊಂದಿಗೆ ದ್ವಿತೀಯ ಸ್ಥಾನವನ್ನು ಗಂಗೊಳ್ಳಿಯ ಸೋಮಶೇಖರ್ ಖಾರ್ವಿ ಇವರು ಪಡೆದಿರುತ್ತಾರೆ.
ಇವರು ಗಂಗೊಳ್ಳಿಯ ಲಲಿತ್ ಫಿಟ್‌ನೆಸ್ ಸೆಂಟರ್ ವ್ಯಾಯಾಮ ಶಾಲೆಯ ಸದಸ್ಯರಾಗಿದ್ದು, ಬಾಡಿಬಿಲ್ಡರ್ ದೇವೇಂದ್ರ ಶಿಪಾಯಿ ಗಂಗೊಳ್ಳಿ ಇವರ ಶಿಷ್ಯರಾಗಿರುತ್ತಾರೆ. ಪ್ರಸ್ತುತ ಸೋಮಶೇಖರ್ ಖಾರ್ವಿ ರಾಷ್ಟ್ರೀಯ ಚಾಂಪಿಯನ್ ಶಿಫ್ ಸ್ಪರ್ಧೆಗೆ ಆಯ್ಕೆಗೊಂಡಿರುತ್ತಾರೆ.

Post Navigation

Follow

Get every new post delivered to your Inbox.

Join 58 other followers