GANGOLLITIMES

News & Voice of people of Gangolli and around…

ಇಂದಿನಿಂದ ಯೆನೆಪೊಯ ಆಸ್ಪತ್ರೆಯಲ್ಲಿ ಕ್ಯಾನ್ಸರ್ ತಪಾಸಣೆ-ಪತ್ತೆ ಹಚ್ಚುವಿಕೆ ಶಿಬಿರ


ಮಂಗಳೂರು, ಫೆ.8: ದೇರಳಕಟ್ಟೆ ಯೆನೆಪೊಯ ಮೆಡಿಕಲ್ ಕಾಲೇಜು ಆಸ್ಪತ್ರೆಯಲ್ಲಿ ಫೆ.9ರಿಂದ 14 ರ ತನಕ ಉಚಿತ ಕ್ಯಾನ್ಸರ್ ತಪಾಸಣೆ ಮತ್ತು ಪತ್ತೆ ಹಚ್ಚುವಿಕೆ ಶಿಬಿರ ನಡೆಯಲಿದೆ.
ಆಸ್ಪತ್ರೆಯ ನೆಲ ಅಂತಸ್ತಿನಲ್ಲಿರುವ ಸ್ಪೆಷಾಲಿಟಿ ಒಪಿಡಿ ಕೋಣೆಯಲ್ಲಿ ಶಿಬಿರ ನಡೆಯಲಿದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆಯುವಂತೆ ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ.ಮುಹಮ್ಮದ್ ಅಮಿನ್ ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ವೈದ್ಯರ ಸಂದರ್ಶನ, ಸಿಬಿಸಿ, ಇಎಸ್‌ಆರ್, ಪೆರಿಫೆರಲ್ ಸ್ಮಿಯರ್, ಅಲ್ಟ್ರಾಸೌಂಡ್ ಸ್ಕಾನಿಂಗ್, ಎಕ್ಸ್‌ರೇ, ಮೆಮೊಗ್ರಾಮ್, ಪೇಪ್ ಸ್ಮಿಯರ್, ಎಫ್‌ಎನ್‌ಎಸಿ, ಬಯಾಪ್ಸಿ, ಎಂಡೋಸ್ಕೋಪಿ ಉಚಿತ ಸೇವೆಯಾಗಿದೆ. ಕಿಮೋಥೆರಪಿ, ರೇಡಿಯೇಶನ್ ಥೆರಪಿ, ಶಸ್ತ್ರಚಿಕಿತ್ಸೆ, ಎಂಆರ್‌ಐ, ಸಿಟಿ ಸ್ಕಾನ್ ರಿಯಾಯಿತಿ ದರದಲ್ಲಿ ಮಾಡಲಾಗುವುದು ಎಂದವರು ವಿವರಿಸಿದರು.
ಬಾಯಿಯಲ್ಲಿ ದೀರ್ಘಕಾಲದಿಂದ ವಾಸಿಯಾಗದ ಹುಣ್ಣು, ವಿಪರೀತ ಸುಸ್ತು, ಆಹಾರ, ನೀರು ಸೇವಿಸಲು ಸಾಧ್ಯವಾಗದೆ ಇರುವುದು, ಮೂತ್ರ, ಕಫದಲ್ಲಿ ರಕ್ತ ಕಾಣಿಸಿಕೊಂಡರೆ ಈ ಶಿಬಿರದಲ್ಲಿ ತಪಾಸಣೆ ಮಾಡಿಕೊಳ್ಳಬಹುದು ಎಂದು ಕ್ಯಾನ್ಸರ್ ತಜ್ಞ ಡಾ.ಗುರುಪ್ರಸಾದ್ ಹೇಳಿದರು.
ಬಿಪಿಎಲ್ ಕಾರ್ಡ್ ಹೊಂದಿರುವವರಿಗೆ ಸರಕಾರದ ವಾಜಪೇಯಿ ಆರೋಗ್ಯಶ್ರೀ ಯೋಜನೆಯಲ್ಲಿ ಉಚಿತ ಚಿಕಿತ್ಸೆ ಹಾಗೂ ಇತರ ವೈದ್ಯಕೀಯ ಇನ್ಸುರೆನ್ಸ್ ಹೊಂದಿದವರಿಗೆ ಉಚಿತ ಹಾಗೂ ರಿಯಾಯಿತಿ ದರದಲ್ಲಿ ಚಿಕಿತ್ಸೆ ಲಭ್ಯವಿದೆ ಎಂದು ಮಾರುಕಟ್ಟೆ ಕಾರ್ಯನಿರ್ವಾಹಕ ವಿಜಯಾನಂದ ಶೆಟ್ಟಿ ತಿಳಿಸಿದರು.
ಸಮಾಜ ಕಾರ್ಯ ವಿಭಾಗದ ಪ್ರಭಾರ ಮುಖ್ಯಸ್ಥ ಮೊಹಮ್ಮದ್ ಗುತ್ತಿಗಾರು ಉಪಸ್ಥಿತರಿದ್ದರು.

ಸ್ವಉದ್ಯೋಗ ತರಬೇತಿ: ಅರ್ಜಿ ಆಹ್ವಾನ


ಬ್ರಹ್ಮಾವರ, ಫೆ.8: ಬ್ರಹ್ಮಾವರ ರುಡ್‌ಸೆಟ್ ಸಂಸ್ಥೆಯಲ್ಲಿ ಫೆ.19ರಿಂದ 30 ದಿನಗಳ ವಿದ್ಯುತ್ ಮೋಟಾರ್ ರಿವೈಂಡಿಂಗ್ ಮತ್ತು ಪಂಪ್ ಸೆಟ್ ನಿರ್ವಹಣೆ ಹಾಗೂ ಮಾ.9ರಿಂದ ಆರು ದಿನಗಳ ಕ್ಯಾಂಡಲ್, ಫಿನೈಲ್ ಮುಂತಾದ ವಿವಿಧ ಗೃಹೋಪಯೋಗಿ ಉತ್ಪನ್ನಗಳ ತಯಾರಿ ತರಬೇತಿಗಳನ್ನು ಆಯೋಜಿಸಲಾಗಿದೆ.
ಉಡುಪಿ, ಶಿವಮೊಗ್ಗ, ಉತ್ತರ ಕನ್ನಡ ಜಿಲ್ಲೆಗಳ ವ್ಯಾಪ್ತಿಯಲ್ಲಿ ಬರುವ 18ರಿಂದ 45 ವರ್ಷ ವಯೋಮಿತಿಯೊಳಗಿರುವ, ಸ್ವ ಉದ್ಯೋಗ ಮಾಡಲು ಉತ್ಕಟ ಆಸಕ್ತಿ ಉಳ್ಳ ನಿರುದ್ಯೋಗಿ ಯುವಕ/ಯುವತಿಯರು ಅರ್ಜಿ ಸಲ್ಲಿಸಬಹುದು. ತರಬೇತಿಯಲ್ಲಿ ಸಂಬಂಧ ಪಟ್ಟ ವಿಷಯದ ಜೊತೆಗೆ ಉದ್ಯಮ ನಿರ್ವಹಣೆ ಹಾಗೂ ಬ್ಯಾಂಕಿನ ವ್ಯವಹಾರದ ಬಗ್ಗೆ ಮಾಹಿತಿ ನೀಡಲಾಗುವುದು.
ಈ ತರಬೇತಿಗಳು ಸಂಪೂರ್ಣ ಉಚಿತವಾಗಿದ್ದು, ವಸತಿಯುತ ವಾಗಿವೆ. ಆಸಕ್ತರು ಕೂಡಲೇ ತಮ್ಮ ಹೆಸರು, ವಿಳಾಸ, ದೂರವಾಣಿ ಸಂಖ್ಯೆ, ವಯಸು, ವಿದ್ಯಾರ್ಹತೆ ಅನುಭವಗಳ ವಿವರಗಳೊಂದಿಗೆ ನಿರ್ದೇಶಕರು, ರುಡ್‌ಸೆಟ್ ಸಂಸ್ಥೆ, 52ನೆ ಹೇರೂರು, ಬ್ರಹ್ಮಾವರ-576213 ಉಡುಪಿ ಜಿಲ್ಲೆ ಈ ವಿಳಾಸಕ್ಕೆ ಅರ್ಜಿ ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗೆ ಸಂಸ್ಥೆಯ ದೂ. ಸಂ.: 0820-2563455 ಅಥವಾ ವೆಬ್‌ಸೈಟ್ http://www.rudset itraining.orgಗೆ ಭೆೇಟಿ ನೀಡಬಹುದು ಎಂದು ಪ್ರಕಟನೆ ತಿಳಿಸಿದೆ.

ಗಂಗೊಳ್ಳಿ ಖಾರ್ವಿಕೇರಿ ಮಾರಿ ಜಾತ್ರೆ


ಕುಂದಾಪುರ: ಗಂಗೊಳ್ಳಿ ಖಾರ್ವಿ ಕೇರಿಯ ಶ್ರೀ ಮಹಾಂಕಾಳಿ ಅಮ್ಮನವರ ದೇವಸ್ಥಾನದಲ್ಲಿ ವರ್ಷಂಪ್ರತಿ ಜರಗುವ ಮಾರಿ ಜಾತ್ರೆಯು ವಿಜೃಂಭಣೆಯಿಂದ ನಡೆಯಿತು.
ಮಾರಿ ಜಾತ್ರೆಯ ಅಂಗವಾಗಿ ಶ್ರೀ ದೇವರಿಗೆ ವಿಶೇಷ ಪೂಜೆ ಪುನಸ್ಕಾರಗಳು, ಹರಕೆ, ಮಡಿಲು ತುಂಬುವ ಸೇವೆ, ಬ್ರಹ್ಮಕಲಶಾಭಿಷೇಕ, ತುಲಾಭಾರ ಸೇವೆ, ಮಹಾಪೂಜೆ, ಪ್ರಸಾದ ವಿತರಣೆ ಮೊದಲಾದ ಧಾರ್ಮಿಕ ಕಾರ್ಯಕ್ರಮಗಳು ಜರಗಿತು. ದೇವಳದ ವ್ಯವಸ್ಥಾಪನಾ ಸಮಿತಿಯ ಸದಸ್ಯರು, ಊರಿನ ಹಾಗೂ ಪರ ಊರಿನ ಅಸಂಖ್ಯ ಭಕ್ತಾದಿಗಳು ಶ್ರೀದೇವರ ಪ್ರಸಾದ ಸ್ವೀಕರಿಸಿದರು.
ಮುಂಜಾಗ್ರತಾ ಕ್ರಮವಾಗಿ ಕುಂದಾಪುರ ಡಿವೈ‌ಎಸ್‌ಪಿ ಮಂಜುನಾಥ ಶೆಟ್ಟಿ ಹಾಗೂ ಬೈಂದೂರು ಪೊಲೀಸ್‌ ವೃತ್ತ ನಿರೀಕ್ಷಕ ಸುದರ್ಶನ್‌ ಮಾರ್ಗದರ್ಶನದಂತೆ ಗಂಗೊಳ್ಳಿ ಪೊಲೀಸ್‌ ಠಾಣೆಯ ಉಪನಿರೀಕ್ಷಕ ಸುಬ್ಬಣ್ಣ ನೇತೃತ್ವದಲ್ಲಿ ಬಿಗು ಪೊಲೀಸ್‌ ಬಂದೋಬಸ್ತ್ ಮಾಡಲಾಗಿತ್ತು.

RIYADH:- ANNUAL GENERAL BODY OF KHIDMAH FOUNDATION HELD


RIYADH:-Khidmah Foundation (KF) Riyadh unit held its annual general body meeting at the Maqsoura Conference Hall of the East Ramada Hotel Batha
The meeting commenced with the recitation of the Holy Quran by Mohammed Nasrullah Kandlur

Doctor Shafiq Ahmed was the chief guest. Speaking on the occasion he appreciated the efforts of KF and urged the audience and KF members to follow the Quran and prophet Mohammed ( SWA) and his peace full life . He noted some verses from the Quran related to virtues of helping the neighbor &needy brothers. He further explained that Islam is a religion of peace we must indulge in tolerance &forgiveness. We should prove our self by practicing high moral standards and set an example to entire community.

Saifuddin Kirimanjeshwar, Mh Tahir and Abdul Gafoor shaikh Basrur expressed their feeling and advised to youngsters importance for the social activities
SAM_0071

General secretory of Khidmah foundation Riyadh unit Brother Fazlu Rahman Kolkar briefed about efforts of KF in Kundapur Taluk during the year 2014-2015 with a slide show. He thanked the members and committee for their support during his tenure and appealed youngsters to join KHIDMAH to continue the 2ND years’ noble mission.

Treasurer Abdul Abdul Gafoor shaikh Basrur presented the annual report and the annual financial report was presented.

A total of 38 executive committee members were elected for the term and Six new members joined the committee.

Abdussalam Moulana welcomed the gathering and expressed his gratitude to all the Khidmah life members, office bearers of other organization and the guests.

Chairman Kolkar Jaffer Vice chairman Ansar Shaik and president Moulana Abu Mohammed available at the stage

Brother Nasrullah facilitated the programme and thanked all the attendees and executive committee members of Khidmah Riyadh for extending their support.

ಹೆಮ್ಮಾಡಿ:- ಬೈಕಿಗೆ ಲಾರಿ ಡಿಕ್ಕಿ, ಗಾಯ


ಕುಂದಾಪುರ ಸಂಚಾರ: ದಿನಾಂಕ 04/02/15 ರಂದು ಸಮಯ ಸುಮಾರು 09:00 ಗಂಟೆಗೆ ಕುಂದಾಪುರ ತಾಲೂಕು ಹೆಮ್ಮಾಡಿ ಗ್ರಾಮದ ಜಾಲಾಡಿಯ ರಾ.ಹೆ 66 ರಸ್ತೆಯಲ್ಲಿ ಪಿರ್ಯಾದಿ ಸತೀಶ್‌ ಖಾರ್ವಿ ಪ್ರಾಯ 33 ವರ್ಷ ತಂದೆ:ಕೆ. ಸಂಜೀವ ವಾಸ: ಮೂಕಾಂಬಿಕ ನಿಲಯ,ಸಂಗಮೇಶ್ವರ ದೇವಸ್ಥಾನದ ಬಳಿ ನಾಯಕ್‌ವಾಡಿ,ಗುಜ್ಜಾಡಿ ಗ್ರಾಮ, ಕುಂದಾಪುರ ಇವರು KA20 W 8834 ನೇ ಬೈಕ್‌ ನಲ್ಲಿ ತನ್ನ ಮಗನನ್ನು ಕುಳ್ಳಿರಿಸಿಕೊಂಡು ಗಂಗೋಳ್ಳಿ ಕಡೆಯಿಂದ ಕುಂದಾಪುರ ಕಡೆಗೆ ಸವಾರಿ ಮಾಡಿಕೊಂಡು ಬಂದು, ಎದುರುಗಡೆಯಿಂದ ವಾಹನ ನೋಡಿ ಸ್ವಲ್ಪ ನಿಧಾನಿಸಿದಾಗ ಅದೇ ದಿಕ್ಕಿನಲ್ಲಿ ಅಂದರೆ ಅಂದರೆ, ಗಂಗೊಳ್ಳಿ ಕಡೆಯಿಂದ ಕುಂದಾಪುರ ಕಡೆಗೆ ಆಪಾದಿತ ಹನುಮಂತ ಎಂಬವರು KA 20 C 6663 ನೇ ಲಾರಿಯೊಂದನ್ನು ಅತೀವೇಗ ಹಾಗೂ ಅಜಾಗರುಕತೆಯಿಂದ ಚಲಾಯಿಸಿ ಬೈಕ್‌ಗೆ ಹಿಂದಿನಿಂದ ಡಿಕ್ಕಿ ಹೊಡೆದ ಪರಿಣಾಮ ಬೈಕ್‌ ಸಮೇತ ಪಿರ್ಯಾದುದಾರರು ಹಾಗೂ ಬೈಕಿನಲ್ಲಿ ಕುಳಿತಿದ್ದ ಅವರ ಮಗ ತೇಜಸ್‌ ರಸ್ತೆಗೆ ಬಿದ್ದ ಪರಿಣಾಮ ಪಿರ್ಯಾದಿದಾರರ ಎಡಕೈ ಗಂಟಿಗೆ, ಮೊಣಗಂಟಿಗೆ ಒಳನೋವು ,ಎಡಕಾಲಿನ ಗಂಟಿಗೆ ಹಾಗೂ ಅಂಗೈಗೆ ತರಚಿದ ಗಾಯವಾಗಿದ್ದು ಪಿರ್ಯಾದಿದಾರರ ಮಗನಿಗೆ ತಲೆಗೆ ರಕ್ತಗಾಯ ನೋವು ಆಗಿದ್ದು ಚಿಕಿತ್ಸೆ ಬಗ್ಗೆ ಕುಂದಾಪುರ ಆದರ್ಶ ಆಸ್ಪತ್ರೆಗೆ ದಾಖಲಾಗಿರುತ್ತಾರೆ ಈ ಬಗ್ಗೆ ಕುಂದಾಪುರ ಸಂಚಾರ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 12/2015 ಕಲಂ 279, 337 ಐಪಿಸಿ, ರಂತೆ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ.

ಗಂಗೊಳ್ಳಿ: ಅಪಘಾತ ನಡೆಸಿ, ಜೀವ ಬೆದರಿಕೆ ನೀಡಿದ ಪ್ರಕರಣ


ಗಂಗೊಳ್ಳಿ: ದಿನಾಂಕ 04/02/2015 ರಂದು ಬೆಳ್ಳಿಗ್ಗೆ 11:00 ಗಂಟೆಗೆ ಪಿರ್ಯಾದಿದಾರರಾದ ವೆಂಕಟೇಶ್ ಪೂಜಾರಿ ಇವರು ನಾಯಕವಾಡಿ ಜಟ್ಟಪ್ಪ ಸರ್ಕಲ್ ಬಳಿ ಮೋಟಾರು ಸೈಕಲ್ ನಂಬ್ರ KA 20 EC 6863 ರಲ್ಲಿ ಬರುತ್ತಿರುವಾಗ ಅಪಾದಿತ ಶ್ರೀಧರ ಪೂಜಾರರವರು ಮುಳ್ಳಿಕಟ್ಟೆ ರಸ್ತೆಯಿಂದ ಎದುರಾಗಿ ದ್ವಿಚಕ್ರ ಸುಜುಕಿ ಮೋಟಾರು ಸೈಕಲ್ ನಲ್ಲಿ ಬಂದು ಪಿರ್ಯಾದಿದಾರರ ವಾಹನಕ್ಕೆ ಢಿಕ್ಕಿ ಹೊಡೆದು ಪರಾರಿಯಾಗಿರುತ್ತಾರೆ. ಅಪಾದಿತರಿಗೂ ಮತ್ತು ಪಿರ್ಯಾದಿದಾರರಿಗೂ ಸಿಮಿಲ್ ಕೋರ್ಟಿನಲ್ಲಿ ವಾಜ್ಯ ಇದ್ದು ಆರು ತಿಂಗಳ ಹಿಂದೆ ತನ್ನ ಸಹೋದರರೊಂದಿಗೆ ಅಡ್ಡಗಟ್ಟಿ ಜೀವ ಬೆದರಿಕೆಗೆ ಒಡ್ಡಿದ್ದು ಮತ್ತೆ ಪುನ: ಪಿರ್ಯಾದಿದಾರರನ್ನು ಕೊಲ್ಲುವ ಉದ್ದೇಶದಿಂದ ಅಪಾದಿತನು ಪರವಾನಿಗೆ ಇಲ್ಲದ ಮೋಟಾರ್ ಸೈಕಲ್ ನಲ್ಲಿ ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಬಂದು ಪಿರ್ಯಾದಿದಾರರ ಬೈಕಿಗೆ ಡಿಕ್ಕಿ ಹೋಡೆದು ಜೀವಕ್ಕೆ ಅಪಾಯ ತಂದೊಡ್ಡಿದ್ದಾರೆ ಎಂಬುದಾಗಿ ವೆಂಕಟೇಶ್ ಪೂಜಾರಿ ರವರು ನೀಡಿದ ದೂರಿನಂತೆ ಗಂಗೊಳ್ಳಿ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 20/2015 ಕಲಂ 279, 506 ಐ.ಪಿ.ಸಿ & 134(a) & (b)ಮೋಟಾರು ವಾಹನ ಕಾಯ್ದೆಯಂತೆ ಪ್ರಕರಣ ದಾಖಲಿಸಲಾಗಿದೆ.

ಕುಂದಾಪುರ:-ಪ್ರತ್ಯೇಕ ಪ್ರಕರಣ, ಇಬ್ಬರು ನಾಪತ್ತೆ


knd missin amar
ಕುಂದಾಪುರ:ಕುಂದಾಪುರ ತಾಲೂಕು ತಲ್ಲೂರು ಗ್ರಾಮದ ಲಕ್ಷ್ಮಿ ಹೋಮ್‌ ಇಂಡಸ್ಟ್ರಿಸ್ ಎಂಬ ಫ್ಯಾಕ್ಟರಿಯಲ್ಲಿ ಸುಮಾರು 3 ವರ್ಷದಿಂದ ಸೇಲ್ಸ್‌‌ಮೆನ್‌ ಆಗಿ ಕೆಲಸ ಮಾಡಿಕೊಂಡಿದ್ದ ಶಿವಮೊಗ್ಗದ ಅಮರ (21) ತಂದೆ:ಉಮೇಶ್‌ ವಾಸ:ಎಮ್ಮೆಹಟ್ಟಿ, ಹೊಳೆಹೊನ್ನೂರು ಅಂಚೆ, ಭದ್ರಾವತಿ ತಾಲೂಕು, ಶಿವಮೊಗ್ಗ ಜಿಲ್ಲೆ ಎಂಬವರು ದಿನಾಂಕ:30/01/2015 ರ ಸಂಜೆ 7:00 ಗಂಟೆಗೆ ಪೇಟೆ ಕಡೆಗೆ ಹೋದವರು ವಾಪಾಸು ಮರಳಿ ಬಾರದೆ ಕಾಣೆಯಾಗಿದ್ದು, ಈ ಬಗ್ಗೆ ಶಿವಮೊಗ್ಗ ಜಿಲ್ಲೆಯ ಹೊಳೆಹೊನ್ನೂರಿನಲ್ಲಿರುವ ಆತನ ಮನೆಯಲ್ಲಿ ವಿಚಾರಿಸಿದಾಗ ಪತ್ತೆಯಾಗಿರುವುದಿಲ್ಲ. ಆತನಿಗೆ ಬುದ್ದಿಮಾತು ಹೇಳಿದ ಕಾರಣದಿಂದಲೇ ಖಾಯಂ ವಿಳಾಸಕ್ಕೂ ಹೋಗದೇ ಫ್ಯಾಕ್ಟರಿಗೂ ಬಾರದೇ ಕಾಣೆಯಾಗಿರುವುದಾಗಿದೆ. ಈ ಬಗ್ಗೆ ಅಭಿಷೇಕ್‌ ಶೆಟ್ಟಿ (26) ತಂದೆ:ಕೆ. ಹರ್ಷವರ್ಧನ್‌ ಶೆಟ್ಟಿ ವಾಸ:ಸೌಪರ್ಣಿಕ, ಎನ್‌.ಹೆಚ್‌-66, ಭಾರತ್‌ ಪೆಟ್ರೋಲಿಯಂ ಎದುರು, ತಲ್ಲೂರು, ಕುಂದಾಪುರ ತಾಲೂಕುರವರು ನೀಡಿದ ದೂರಿನಂತೆ ಕುಂದಾಪುರ ಠಾಣಾ ಅಪರಾಧ ಕ್ರಮಾಂಕ 29/2105 ಕಲಂ:ಗಂಡಸು ಕಾಣೆ ಎಂಬುದಾಗಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.
image001
ಕುಂದಾಪುರ: ಪಿರ್ಯಾದಿದಾರರಾದ ಶ್ರೀಮತಿ ಖತಿಜಾಬಿ (34) ಗಂಡ: ಝಕರಿಯ ವಾಸ: ಬೆಳ್ವೆ ಕಲೀಲ್‌ ಮನೆ, ಕೋಡಿ, ಕಸಬಾ ಗ್ರಾಮ, ಕುಂದಾಪುರ ತಾಲೂಕು ರವರ ಗಂಡ ಝಕರಿಯ ಪ್ರಾಯ 40 ವರ್ಷ ಎಂಬವರು ದಿನಾಂಕ 23.01.2015 ರಂದು ರಾತ್ರಿ 8:00 ಗಂಟೆಯಿಂದ ಕುಂದಾಪುರ ತಾಲೂಕು ಕಸಬಾ ಗ್ರಾಮದ ಕೋಡಿಯಲ್ಲಿರುವ ಪಿರ್ಯಾದುದಾರರ ತವರು ಮನೆಯಿಂದ ಹೊರಗೆ ಹೋದವರು ಈ ತನಕ ವಾಪಾಸು ಬಾರದೆ ಕಾಣೆಯಾಗಿರುತ್ತಾರೆ ಎಂಬುದಾಗಿ ಶ್ರೀಮತಿ ಖತಿಜಾಬಿ ರವರು ನೀಡಿದ ದೂರಿನಂತೆ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 30/2015 ಕಲಂ 174 ಮನುಷ್ಯ ಕಾಣೆಯಂತೆ ಪ್ರಕರಣ ದಾಖಲಿಸಲಾಗಿದೆ

ಕುವೈಟ್:- ಜೆ ಎಂ ಜಿ ಸದಸ್ಯರಿಂದ ಸಭೆ


10155293_790492361039838_5154002136323451621_n
ಕುವೈಟ್:- ಇಲ್ಲಿ ದುಡಿಯುತ್ತಿರುವ ಗಂಗೊಳ್ಳಿ ಮೂಲದ ಜಮಾತುಲ್ ಮುಸ್ಲಿಮೀನ್ ಗಂಗೊಳ್ಳಿ ಇದರ ಸದಸ್ಯರು ಶುಕ್ರವಾರ ಸಭೆಯೊಂದನ್ನು ಸೇರಿ ಜೆ ಎಂ ಜಿ ಕುವೈಟ್ ಘಟಕ ರಚಿಸುವ ಬಗ್ಗೆ ಸಮಾಲೋಚನೆ ನಡೆಸಿದರು…ಈ ಸಂಧರ್ಭದಲ್ಲಿ ಹದಿನೈದಕ್ಕೂ ಹೆಚ್ಚು ಸದಸ್ಯರು ಭಾಗವಹಿಸಿದ್ದರು.. ಮುಂದಿನ ದಿನಗಳಲ್ಲಿ ಮತ್ತೊಂದು ಸಭೆ ಸೇರಿ ಸಮಿತಿ ರಚಿಸಲು ತೀರ್ಮಾನಿಸಲಾಯಿತು…

ಗಂಗೊಳ್ಳಿ:- ಪೊಲೀಸ್ ಚೆಕ್ ಪೋಸ್ಟ್ ನಿರ್ಮಾಣ


ಗಂಗೊಳ್ಳಿ:-ಪದೇ ಪದೇ ನಡೆಯುತ್ತಿರುವ ಅಹಿತಕರ ಘಟನೆಗಳಿಂದ ಎಚ್ಚೆತ್ತುಕೊಂಡಿರುವ ಪೊಲೀಸ್ ಇಲಾಖೆ ಮುಂದೆ ಅನಾಹುತಗಳನ್ನು ನಡೆಯುವುದನ್ನು ತಡೆಯುವ ನಿಟ್ಟಿನಲ್ಲಿ ನಾಯಕವಾಡಿ ಎಂಬಲ್ಲಿ ಕಾಯಂ ಚೆಕ್ ಪೋಸ್ಟ್ ಒಂದನ್ನು ನಿರ್ಮಿಸಿದೆ.. ಅದೇ ರೀತಿ ಗಂಗೊಳ್ಲಿಯಲ್ಲಿ ಕೆಲವು ಸ್ಥಳಗಳನ್ನು ಗುರುತಿಸಿದ್ದು, ಅಲ್ಲಿ ಸಿ ಸಿ ಕೆಮರಾ ಅಳವಡಿಸುವ ಕಾರ್ಯವನ್ನೂ ಸಹ ಮುಂದಿನ ಕೆಲವು ದಿನಗಳಲ್ಲಿ ಮಾಡಲಾಗುವುದು ಎಂದು ಮೂಲಗಳು ತಿಳಿಸಿವೆ..

ಗಂಗೊಳ್ಳಿ:- ವಾಹನ ಡಿಕ್ಕಿಯಾಗಿ ಪಾದಚಾರಿಗೆ ಗಾಯ


ಗಂಗೊಳ್ಳಿ: ದಿನಾಂಕ 29/01/2015 ರಂದು ಬೆಳಿಗ್ಗೆ 10:00 ಗಂಟೆಗೆ ಪಿರ್ಯಾದಿ ನಾಗೇಶ ದೇವಾಡಿಗ ಎಂಬವರು ತ್ರಾಸಿ ಮೀನು ಮಾರ್ಕೇಟ್ ಹತ್ತಿರ ನಿಂತಿರುವಾಗ ತ್ರಾಸಿ ಕಡೆಗೆ ಗಂಗೊಳ್ಳಿ ತ್ರಾಸಿ ಮುಖ್ಯ ರಸ್ತೆಯ ಎಡ ಭಾಗದಿಂದ ಅವರ ಸಂಬಂಧಿ ಶಂಕರ ದೇವಾಡಿಗ ನಡೆದುಕೊಂಡು ಬರುತ್ತಿರುವಾಗ KA 20 D 3596 ಟಾಟಾ ಜಿಪ್ಸ್ ವೇಗವಾಗಿ ಬರುತ್ತಿದ್ದು ಅದರ ಹಿಂಬದಿಯ ಬಾಡಿಯ ಗಾರ್ಡ ಪೈಪು ಬಲಗಡೆಯಿಂದ ಜಂಪಿಗೆ ಎದ್ದು ತಿರುಗಿ ರಸ್ತೆಯ ಎಡಗಡೆ ಬದಿಯಲ್ಲಿ ಹೋಗುತ್ತಿದ್ದ ಶಂಕರ ದೇವಾಡಿಗರವರ ತಲೆಯ ಹಿಂಭಾಗಕ್ಕೆ ಬಡಿದ ಪರಿಣಾಮ ತಲೆಗೆ ರಕ್ತ ಗಾಯವಾಗಿದ್ದು ಚಿಕಿತ್ಸೆ ಬಗ್ಗೆ ಚಿನ್ಮಯಿ ಆಸ್ಪತ್ರೆಗೆ ದಾಖಲಾಗಿರುತ್ತಾರೆ. ಈ ಬಗ್ಗೆ ಗಂಗೊಳ್ಳಿ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 18/15 ಕಲಂ: 279, 337 ಐಪಿಸಿಯಂತೆ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ.

Post Navigation

Follow

Get every new post delivered to your Inbox.

Join 58 other followers