GANGOLLITIMES

News & Voice of people of Gangolli and around…

ಗಂಗೊಳ್ಳಿ:- ಹಣಕಾಸಿನ ವಿಚಾರದಲ್ಲಿ ಜಗಳ, ಇಬ್ಬರು ಆಸ್ಪತ್ರೆಗೆ, ದೂರು-ಪ್ರತಿ ದೂರು ದಾಖಲು


ಗಂಗೊಳ್ಳಿ : ಮೀನುಗಾರಿಕಾ ಮೇಲ್ವಿಚಾರಕಾ ಸರಕಾರಿ ನೌಕರರಾದ ದಿವಾಕರ ಎಂಬವರು ದಿನಾಂಕ 14/01/2015 ರಂದು ಮಧ್ಯಾಹ್ನ 03-15ಗಂಟೆಗೆ ಬಂದರು ಒಳಗಡೆ ಸರಕಾರಿ ಮೀನುಗಾರಿಕಾ ಕಛೇರಿಯಲ್ಲಿ ಕೆಲಸ ಮಾಡಿಕೊಂಡಿರುವಾಗ ಇವರ ಪರಿಚಯದ ಜಿ.ಎಂ.ರಫಿಕ್ ಎಂಬವರು KA20-Z-5837 ನೇಯದರಲ್ಲಿ ಬಂದು ಕಛೇರಿಯ ಒಳಗಡೆ ಹೋಗಿ ಬಂದು ಇವರನ್ನು ಕಛೇರಿಯ ಹಾಲ್ ಗೆ ಕರೆದು ದಿವಾಕರ್‌ರವರ ತಮ್ಮ ಕರುಣಾಕರ ಮತ್ತು ಜೆ.ಎಂ.ರಫೀಕ್ ಎಂಬವರ ನಡುವೆ ಇರುವ ಮೀನು ವ್ಯವಹಾರದ ಹಣದ ಲೆಕ್ಕಾಚಾರ ಮಾಡಿಕೊಡುವಂತೆ ಹೇಳಿದ್ದು, ಅದನ್ನು ದಿವಾಕರ್‌ರವರು ನಿರಾಕರಿಸಿದ ಕಾರಣ ಅದೇ ದ್ವೇಷದಲ್ಲಿ ಆರೋಪಿ ಜಿ.ಎಂ ರಫೀಕ್‌ರು ಅವಾಚ್ಯ ಶಬ್ದಗಳಿಂದ ಬೈದು ಜೀವಬೇದರಿಕೆ ಹಾಕಿ ಶರ್ಟ್ ಹಿಡಿದು ಎದೆಗೆ ಕೈ ಯಿಂದ ಗುದ್ದಿ ಕೆಳಗೆ ಬೀಳಿಸಿ ಕಾಲಿನಿಂದ ತುಳಿದು ಹಲ್ಲೆ ನಡೆಸಿ, ಕರ್ತವ್ಯಕ್ಕೆ ತಡೆ ಉಂಟುಮಾಡಿರುತ್ತಾನೆ ಎಂಬುದಾಗಿ ದಿವಾಕರ್‌ರವರು ನೀಡಿದ ದೂರಿನಂತೆ ಗಂಗೊಳ್ಳಿ ಪೊಲೀಸ್‌ ಠಾಣಾ ಅಪರಾಧ ಕ್ರಮಾಂಕ : 07/2015 ಕಲಂ 353, 323, 504, 506 ಐಪಿಸಿ ಪ್ರಕ ರಣ ದಾಖಲಾಗಿರುತ್ತದೆ.

ಗಂಗೊಳ್ಳಿ:ಪಿರ್ಯಾದಿದಾರರಾದ ಮಹಮ್ಮದ್ ರಫೀಕ್ (54) ತಂದೆ:ಜೈನುದ್ದೀನ್ ಕುಕೋಯಾ ವಾಸ:ಸರ್ವ ಪ್ರಕಾಶ್ ನಗರ, ಅಂಕದಕಟ್ಟೆ, ಕುಂದಾಪುರ ತಾಲೂಕುರವರಿಗೆ ಮೀನು ವ್ಯವಹಾರದ 28 ಲಕ್ಷ ರೂಪಾಯಿ ಹಣವನ್ನು ಆಪಾದಿತ ದಿವಾಕರ ಖಾರ್ವಿ, ಬಂದರು ಗಂಗೊಳ್ಳಿ ಎಂಬವರು ಕೊಡಬೇಕಾಗಿದ್ದು ಈ ಹಣವನ್ನು ಮಹಮ್ಮದ್ ರಫೀಕ್‌ರವರು ಅನೇಕ ಬಾರಿ ದಿವಾಕರ ಖಾರ್ವಿರವರಲ್ಲಿ ಕೇಳಿದ್ದರೂ ಕೊಟ್ಟಿರಲಿಲ್ಲ. ದಿನಾಂಕ:14/01/15 ರಂದು ಆಪಾದಿತನು ಮಹಮ್ಮದ್ ರಫೀಕ್‌ರವರ ತಮ್ಮನಿಗೆ ಫೋನ್ ಮಾಡಿ ಗಂಗೊಳ್ಳಿ ಮೀನುಗಾರಿಕಾ ಕಛೇರಿಗೆ ತನ್ನ ಆಫೀಸಿಗೆ ಬರುವಂತೆ ತಿಳಿಸಿದ್ದು, ಅದರಂತೆ ಮಹಮ್ಮದ್ ರಫೀಕ್‌ ತನ್ನ ತಮ್ಮನೊಂದಿಗೆ ಮಧ್ಯಾಹ್ನ 03:30 ಗಂಟೆಗೆ ಗಂಗೊಳ್ಳಿ ಬಂದರು ಮೀನುಗಾರಿಕಾ ಕಛೇರಿಗೆ ಹೋದಾಗ ಕಛೇರಿಯಲ್ಲಿ ದಿವಾಕರ ಖಾರ್ವಿರವರು ಇದ್ದಿದ್ದು ಮಹಮ್ಮದ್ ರಫೀಕ್‌ರವರು ಅವರಲ್ಲಿ ಹಣವನ್ನು ಕೇಳಿದಾಗ ಮಾತಿನ ಚಕಮಕಿ ನಡೆದು ಮಹಮ್ಮದ್ ರಫೀಕ್‌ರಿಗೆ ಬಾಯಿಗೆ ಬಂದಂತೆ ಅವಾಚ್ಯ ಶಬ್ದಗಳಿಂದ ಬೈದು, ಕೈಯಿಂದ ದೂಡಿ ಹಾಕಿದ್ದು, ಬಿದ್ದ ಪರಿಣಾಮ ಸಾಮಾನ್ಯ ಸ್ವರೂಪದ ನೋವು ಉಂಟಾಗಿದ್ದು, ಮಹಮ್ಮದ್ ರಫೀಕ್‌ರಿಗೆ ನಿನ್ನನ್ನು ಬಿಡುವುದಿಲ್ಲ ಎಂದು ಜೀವ ಬೆದರಿಕೆ ಹಾಕಿರುತ್ತಾನೆ.ಈ ಬಗ್ಗೆ ಮಹಮ್ಮದ್ ರಫೀಕ್‌ರವರು ನೀಡಿದ ದೂರಿನಂತೆ ಗಂಗೊಳ್ಳಿ ಠಾಣಾ ಅಪರಾಧ ಕ್ರಮಾಂಕ 08/2015 ಕಲಂ:323,504,506 ಐ.ಪಿ.ಸಿಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಕುಂದಾಪುರ: ಫುಟ್‌ಪಾತ್‌ಗೆ ಬೈಕ್ ಡಿಕ್ಕಿ: ಸವಾರ ಯುವಕ ಧಾರುಣ ಸಾವು


ರಾತ್ರಿ ವೇಳೆ ಅತೀ ವೇಗವಾಗಿ ಬಂದ ಬೈಕ್ ಸವಾರನ ನಿಯಂತ್ರಣ ತಪ್ಪಿದ ಬೈಕ್ ಸ್ಕಿಡ್ ಆಗಿ ರಸ್ತೆ ಬದಿಯ ಫೂಟ್‌ಪಾತ್‌ಗೆ ಡಿಕ್ಕಿಯಾಗಿದ್ದು, ಬೈಕಿನಿಂದ ರಸ್ತೆಗೆಸೆಯಲ್ಪಟ್ಟ ಬೈಕ್ ಸವಾರ ಸ್ಥಳದಲ್ಲಿಯೇ ಮೃತಪಟ್ಟ ದಾರುಣ ಘಟನೆ ಕೋಟೇಶ್ವರದ ರಚನಾ ಬಾರ್ ಸಮೀಪ ರಾಷ್ಟ್ರೀಯ ಹೆದ್ದಾರಿ ೬೬ರಲ್ಲಿರುವ ಸರ್ವಿಸ್ ರಸ್ತೆಯಲ್ಲಿ ಭಾನುವಾರ ಮಧ್ಯರಾತ್ರಿ 12 ಗಂಟೆ ನಡೆದಿದೆ. ಮೃತ ಬೈಕ್ ಸವಾರನನ್ನು ತೆಕ್ಕಟ್ಟೆಯ ಕನ್ನುಕೆರೆ ನಿವಾಸಿ ಸುಶೀಲ ಎಂಬುವರ ಪುತ್ರ ಸುಮಂತಕುಮಾರ(18) ಎಂದು ಗುರುತಿಸಲಾಗಿದೆ.
ಘಟನೆಯ ವಿವರ: ಸುಮಂತಕುಮಾರ್ ದೇವಾಡಿಗ ಕುಂದಾಪುರ ಕಡೆಯಿಂದ ತೆಕ್ಕಟ್ಟೆಯ ಕಡೆಗೆ ತನ್ನ ಡಿಸ್ಕವರ್ ಬೈಕ್‌ನಲ್ಲಿ ಪ್ರಯಾಣಿಸುತ್ತಿದ್ದರು. ಅತೀ ವೇಗದಲ್ಲಿದ್ದ ಬೈಕ್ ಸವಾರ ಕೋಟೇಶ್ವರದ ಸರ್ವಿಸ್ ರಸ್ತೆಗೆ ತಿರುಗಿಸುವ ಭರದಲ್ಲಿ ನಿಯಂತ್ರಣ ಕಳೆದುಕೊಂಡಿದ್ದು, ಸರ್ವೀಸ್ ರಸ್ತೆಯ ತೀರಾ ಎಡಬದಿಗೆ ಹತ್ತಿದ್ದು, ಹಾಗೆಯೇ ರಸ್ತೆ ಬದಿಯ ಫುಟ್ಪಾತ್ ಗೆ ಡಿಕ್ಕಿ ಹೊಡೆದಿದ್ದಾನೆ. ಅಪಘಾತದ ತೀವ್ರತೆ ಎಷ್ಟಿತ್ತೆಂದರೆ, ಬೈಕ್‌ನಿಂದ ಸಿಡಿದ ಸವಾರ ರಸ್ತೆಯಲ್ಲಿ ಸುಮಾರು ಹತ್ತು ಅಡಿ ದೂರದಲ್ಲಿ ರಸ್ತೆಯ ಮೇಲೆ ಎಸೆಯಲ್ಪಟ್ಟಿದ್ದಾನೆ. ಬೈಕ್ ಡಿಕ್ಕಿಯಾದ ತಕ್ಷಣ ಆತನ ತಲೆ ಪುಟ್‌ಪಾತ್ ಮೂಲೆಗೆ ತಾಗಿದ್ದು, ರಸ್ತೆಯಲ್ಲೆಲ್ಲಾ ಮೆದುಳು ಚೆಲ್ಲಾಪಿಲ್ಲಿಯಾಗಿ ಸಿಡಿದುಹೋಗಿತ್ತು.
ಸರ್ವೀಸ್ ರಸ್ತೆಯಾಗಿದ್ದರಿಂದ ಅಲ್ಲಿ ಯಾರೂ ಹೋಗದ ಕಾರಣ ಘಟನೆ ನಡೆದು ಸುಮಾರು ಒಂದು ಗಂಟೆಗಳ ನಂತರ ಅಪಘಾತ ಸಂಭವಿಸಿದ ಬಗ್ಗೆ ಮಾಹಿತಿ ಲಭಿಸಿದೆ. ಕುಂದಾಪುರ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಹಲ್ಲೆ ನಡೆಸಿ ಬಾವಿಗೆ ಎಸೆದು ಬಾಲಕನ ಕೊಲೆ, ಆರೋಪಿ ನೆರೆಮನೆಯ 15ರ ಬಾಲಕನ ಸೆರೆ


ಕೋಟ,: ಇಲ್ಲಿಗೆ ಸಮೀಪದ ಬನ್ನಾಡಿ ಗ್ರಾಮದ ಉಪ್ಲಾಡಿ ಎಂಬಲ್ಲಿ ಎರಡು ದಿನಗಳ ಹಿಂದೆ ಸ್ನೇಹಿತನೊಂದಿಗೆ ತೆರಳಿ ನಾಪತ್ತೆ ಯಾಗಿದ್ದ ಸುಘೋಷ್ ಭಟ್(10) ಮೃತದೇಹವು ಇಂದು ಸ್ಥಳೀಯ ಬಾವಿಯೊಂದರಲ್ಲಿ ಪತ್ತೆಯಾಗಿದೆ. ಸುಘೋಷ್‌ನ 15ರ ಹರೆಯದ ಸ್ನೇಹಿತನೆ ಕೊಲೆ ಆರೋಪಿಯಾಗಿದ್ದು, ಹೊಡೆದು ಕೊಲೆ ಮಾಡಿ ರುವ ವಿಚಾರ ಬೆಳಕಿಗೆ ಬಂದಿದೆ.
ಕೊಲೆಯಾದ ಸುಘೋಷ್‌ನ ಮನೆ ಸಮೀಪದ ಚಿಕ್ಕಪ್ಪನ ಮನೆ ಯಲ್ಲಿ ವಾಸವಾಗಿರುವ ಎಸೆಸೆಲ್ಸಿ ಓದುತ್ತಿರುವ ಜೈದೇವ್ ಅಡಿಗ ಕೊಲೆ ಆರೋಪಿಯಾಗಿದ್ದು, ಆತನನ್ನು ಪೊಲೀಸರು ಬಂಧಿಸಿದ್ದಾರೆ. ಉಪ್ಲಾಡಿ ನಿವಾಸಿ ರೇವತಿ ಎಂಬವರ ಇಬ್ಬರು ಪುತ್ರರಲ್ಲಿ ಸುಘೋಷ್ ಕೊನೆಯಾತ.
ತೆಕ್ಕಟ್ಟೆಯ ಖಾಸಗಿ ಶಾಲೆಯೊಂ ದರಲ್ಲಿ ನಾಲ್ಕನೆ ತರಗತಿ ವಿದ್ಯಾರ್ಥಿ ಯಾಗಿದ್ದ ಸುಘೋಶ್ ಶನಿವಾರ ಮಧ್ಯಾಹ್ನ ಶಾಲೆಯಿಂದ ಮನೆಗೆ ಬಂದವನು ಸ್ನೇಹಿತ ತನ್ನ ಮನೆಗೆ ಆಟವಾಡಲು ಕರೆದ ಎಂದು ಆತ ನೊಂದಿಗೆ ಹೋಗಿದ್ದನು. ಸುಘೋಷ್‌ಸಂಜೆಯಾದರೂ ಮನೆಗೆ ವಾಪಸ್ ಬಾರದ ಬಗ್ಗೆ ಆತಂಕಗೊಂಡ ಮನೆ ಯವರು ಹಾಗೂ ಸ್ಥಳೀಯರು ಆತನ ಹುಡುಕಾಟ ನಡೆಸಿದ್ದರು.
UD-J12-KOTA-MURDER3-bck
ಆದರೆ ಸುಘೋಷ್‌ನ ಪತ್ತೆಯೇ ಇರಲಿಲ್ಲ. ಈತ ಮನೆಯಿಂದ ಸ್ನೇಹಿತನ ಮನೆಗೆ ಹೋಗಿದ್ದ ಸೈಕಲ್ ಸ್ನೇಹಿತನ ಮನೆಯ ಬಳಿ ಪತ್ತೆಯಾ ಗಿತ್ತು. ಆಟಕ್ಕೆ ಕರೆದ ಸುಘೋಷ್‌ನ ಸ್ನೇಹಿತನನ್ನು ವಿಚಾರಿಸಿದರೂ ಆತ ನಿಂದ ಸಮರ್ಪಕ ಉತ್ತರ ಬರ ಲಿಲ್ಲ. ಸ್ಥಳೀಯರಿಗೆ ಆತನ ಮೇಲೆ ಗುಮಾನಿ ಇತ್ತು. ಆದರೆ ಬಾಲಕ ನಾಗಿರುವುದರಿಂದ ಹೆಚ್ಚಿನ ವಿಚಾರಣೆ ನಡೆಸಲು ಹಿಂದೇಟು ಹಾಕಲಾಗಿತ್ತು.
ಗುಮಾನಿ ನಿಜವಾಯಿತು: ಮರು ದಿನ ಅಂದರೆ ರವಿವಾರ ಬೆಳಗ್ಗೆ ಟ್ಯೂಶನ್ ಕ್ಲಾಸಿಗೆ ತೆರಳುವುದಾಗಿ ಹೇಳಿ ಮನೆಯಿಂದ ದುಡ್ಡು ಪಡೆದು ಹೋಗಿದ್ದ ಆರೋಪಿ ಬಾಲಕ ಸಂಜೆಯವರೆಗೂ ನಾಪತ್ತೆ ಯಾಗಿ ದ್ದನು.
ಈತ ಕೋಟದ ಜಾತ್ರೆ, ಪಡುಕೆರೆ ಸೇರಿದಂತೆ ಹಲವು ಕಡೆಗಳಲ್ಲಿ ತಿರು ಗಾಡಿ, ಸಂಜೆ ವೇಳೆಗೆ ಕುಂದಾಪುರಕ್ಕೆ ತೆರಳಿ ಅಲ್ಲಿಂದ ಸಾಗರದಲ್ಲಿರುವ ಅಜ್ಜಿ ಮನೆಗೆ ಹೋಗಲು ಶಿವಮೊಗ್ಗ ಬಸ್‌ಗೆ ಹತ್ತಿದ್ದನು. ಅಲ್ಲಿ ಆತನಿಗೆ ಸಾಗರಕ್ಕೆ ತೆರಳುವ ಬಸ್ ಸಿಗದ ಹಿನ್ನೆಲೆಯಲ್ಲಿ ಮತ್ತೆ ವಾಪಸ್ ಅದೇ ಬಸ್‌ನಲ್ಲಿ ಕುಂದಾಪುರಕ್ಕೆ ಮರಳಿದನು.
ಇತ್ತ ಆತನ ಮನೆಗೆ ವಿಚಾರಣೆ ನಡೆಸಲು ಕೋಟ ಪೊಲೀಸರು ಬೆಳಗ್ಗೆಯೇ ಬಂದಿದ್ದರು. ಆದರೆ ಮನೆಯಿಂದ ಹೋಗಿದ್ದ ಬಾಲಕ ಇನ್ನು ಬಂದಿಲ್ಲ ಎಂದು ಆತನ ಚಿಕ್ಕಪ್ಪ ಕಲ್ಯಾಣಕುಮಾರ್ ಅಡಿಗ ಪೊಲೀಸರಿಗೆ ತಿಳಿಸಿದರು. ಇದರಿಂದ ಸ್ಥಳೀಯರು ಹಾಗೂ ಪೊಲೀಸರಿಗೆ ಸುಘೋಷ್ ನಾಪತ್ತೆಯಲ್ಲಿ ಆತನ ಕೈವಾಡವಿರುವ ಶಂಕೆ ಇನ್ನಷ್ಟು ಬಲ ವಾಯಿತು.
ಕುಂದಾಪುರದಿಂದ ಕೋಟಕ್ಕೆ ಬಂದು ಬಸ್ ಇಳಿಯುತ್ತಿದ್ದ ಬಾಲಕನನ್ನು ಸ್ಥಳೀಯರು ಹಿಡಿದು ವಿಚಾರಣೆ ನಡೆಸಿದರು. ಕೂಡಲೇ ಕೋಟ ಪೊಲೀಸರಿಗೆ ಸುದ್ದಿ ಮುಟ್ಟಿ ಸಲಾಯಿತು. ಅಲ್ಲಿಗೆ ಆಗಮಿಸಿದ ಪೊಲೀಸರು ಬಾಲಕನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಿ ದರು. ಆಗ ಈ ಕೊಲೆ ಪ್ರಕರ ಣದ ಬೆಳಕಿಗೆ ಬಂತು. ಇದೀಗ ಪೊಲೀಸರ ವಶದಲ್ಲಿರುವ ಆರೋಪಿ ಬಾಲಕನನ್ನು ಕೋಟ ಪೊಲೀಸರು ಇಂದು ರಾತ್ರಿ ವೇಳೆ ಉಡುಪಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರ ಮುಂದೆ ಹಾಜರು ಪಡಿಸಿ, ಶಿವಮೊಗ್ಗದ ರಿಮಾಂಡ್ ಹೋಮ್‌ಗೆ ಕಳುಹಿಸಿ ಕೊಡಲಿದ್ದಾರೆ. ಈ ಬಗ್ಗೆ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಮನೆಗೆ ಕಲ್ಲು ತೂರಾಟ: ಸುಘೋಷ್ ಕೊಲೆಯಾಗಿರುವ ವಿಚಾರ ತಿಳಿಯುತ್ತಿದ್ದಂತೆ ಸ್ಥಳೀಯರು ತೀವ್ರ ಆಕ್ರೋಶಗೊಂಡು ಆರೋಪಿ ಬಾಲಕ ವಾಸವಾಗಿರುವ ಮನೆಯ ಮೇಲೆ ಇಂದು ಬೆಳಗ್ಗೆ ಕಲ್ಲು ತೂರಾಟ ನಡೆಸಿದರು
ಹಲ್ಲೆಗೈದು ಬಾವಿಗೆಸೆದ…..
ಸುಘೋಷ್ ಹಾಗೂ ಆತನ ಜೈದೇವ್‌ಗೆ ವಾರದ ಹಿಂದೆ ಯಾವುದೋ ಸಣ್ಣ ವಿಚಾರದಲ್ಲಿ ಜಗಳ ಆಗಿತ್ತು. ಅದೇ ಈ ಕೊಲೆಗೆ ಕಾರಣ ಎಂಬ ಮಾಹಿತಿ ಪೊಲೀಸ್ ವಿಚಾರಣೆಯಿಂದ ತಿಳಿದು ಬಂದಿದೆ.
ಶನಿವಾರ ಸಂಜೆ ಸುಘೋಷ್‌ನನ್ನು ಮನೆಗೆ ಆಟ ಆಡಲು ಕರೆದುಕೊಂಡು ಹೋದ ಆರೋಪಿ ಬಾಲಕ, ಆತನೊಂದಿಗೆ ಮತ್ತೆ ಜಗಳಕ್ಕೆ ಇಳಿದಿದ್ದನು. ಈ ವೇಳೆ ಬಾಲಕನು ಸುಘೋಶ್‌ಗೆ ಹಲ್ಲೆ ನಡೆಸಿ ದೂಡಿದ ಪರಿಣಾಮ ಆತ ಮರದ ಕಂಬಕ್ಕೆ ಬಡಿದು ಬಿದಿದ್ದಾನೆ. ಇದರಿಂದ ಮೂರ್ಛೆ ತಪ್ಪಿದ ಸುಘೋಷ್‌ಗೆ ಬಾಲಕ ಮತ್ತೆ ಮೂರು ಬಾರಿ ತಲೆಗೆ ಹಲ್ಲೆ ಮಾಡಿದ್ದಾನೆ. ಇದರಿಂದ ಸುಘೋಷ್ ಸತ್ತಿರಬಹುದು ಎಂದು ಭಾವಿಸಿದ ಬಾಲಕ ಆತನನ್ನ ಎತ್ತಿ ಮನೆ ಯಿಂದ 10 ಮೀಟರ್ ದೂರದಲ್ಲಿರುವ ಬಾವಿಗೆ ಎಸೆದಿದ್ದಾನೆ. ನಂತರ ಮನೆಗೆ ಬಂದ ಬಾಲಕ ತನಗೇನೂ ತಿಳಿಯದಂತೆ ಇದ್ದನು ಎಂಬುದಾಗಿ ಸ್ವತಃ ಆತನೆ ವಿಚಾರಣೆ ವೇಳೆ ಬಾಯಿಬಿಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪ್ರತ್ಯೇಕ ಮಹಿಳಾ ಬ್ಯಾಂಕ್ ತೆರೆಯಲು ಚಿಂತನೆ: ಸೊರಕೆ


ಕುಂದಾಪುರ, ಜ.10: ರಾಜ್ಯದಲ್ಲಿ ಮಹಿಳೆಯರು ಆರ್ಥಿಕವಾಗಿ ಸದೃಢರಾಗಲು ಹಾಗೂ ಅವರ ಆರ್ಥಿಕ ಆವಶ್ಯಕತೆಗಳಿಗಾಗಿ ಪ್ರತ್ಯೇಕ ಮಹಿಳಾ ಬ್ಯಾಂಕ್ ಒಂದು ತೆರೆಯಲು ಸರಕಾರ ಚಿಂತನೆ ನಡೆಸಿದೆ ಎಂದು ರಾಜ್ಯ ನಗರಾಭಿವೃದ್ಧಿ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ವಿನಯಕುಮಾರ್ ಸೊರಕೆ ಹೇಳಿದ್ದಾರೆ.
ತ್ರಾಸಿಯ ಕ್ಲಾಸಿಕ್ ಆಡಿಟೋರಿಯಂ ಸಭಾಭವನದಲ್ಲಿ ಜಿಪಂ ಹಾಗೂ ಕುಂದಾಪುರ ತಾಪಂಗಳ ಜಂಟಿ ಆಶ್ರಯದಲ್ಲಿ ಶನಿವಾರ ನಡೆದ ಬೈಂದೂರು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಸರಕಾರದ ವಿವಿಧ ಇಲಾಖೆಗಳ ಸವಲತ್ತು ವಿತರಣಾ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು. ಮಹಿಳೆಯರ ಸಬಲೀಕರಣಕ್ಕೆ ಸರಕಾರ ಬದ್ಧವಾಗಿದ್ದು, ಈಗಾಗಲೇ ಮಹಿಳಾ ಸ್ವ ಸಹಾಯ ಸಂಘಗಳ ಸುತ್ತುನಿಧಿಯನ್ನು 5,000 ರೂ.ನಿಂದ 20,000 ರೂ.ಗಳಿಗೆ ಹಾಗೂ ಸ್ತ್ರೀಶಕ್ತಿ ಸಂಘಗಳಿಗೆ ಶೇ.3ರ ಬಡ್ಡಿದರದಲ್ಲಿ ನೀಡುವ ಸಾಲದ ಮೊತ್ತವನ್ನು 1 ಲಕ್ಷ ರೂ.ನಿಂದ 3 ಲಕ್ಷ ರೂ.ಗೆ ಹೆಚ್ಚಿಸಲಾಗಿದೆ ಎಂದು ಸೊರಕೆ ತಿಳಿಸಿದರು.
ಸಿದ್ದಾಪುರದಲ್ಲಿ ವಾರಾಹಿ ಯೋಜನೆ ಕುರಿತಂತೆ ವ್ಯಾಪಕ ಪ್ರತಿಭಟನೆ ನಡೆಯುತ್ತಿದೆ. ಈ ಕುರಿತು ರಾಜ್ಯದ ಅರಣ್ಯ, ಕಂದಾಯ ಹಾಗೂ ನೀರಾವರಿ ಸಚಿವರು ಮತ್ತು ರಾಜ್ಯಸಭಾ ಸದಸ್ಯರೊಂದಿಗೆ ಭೇಟಿ ನೀಡಿ ಸಮಸ್ಯೆಯನ್ನು ಬಗೆಹರಿಸಲಾಗುವುದು. ಕಸ್ತೂರಿ ರಂಗನ್ ವರದಿ ಕುರಿತಂತೆ ರಾಜ್ಯದ ಸಚಿವ ಸಂಪುಟ ಉಪ ಸಮಿತಿಯು ಇದೇ ಜ.21ಕ್ಕೆ ಜಿಲ್ಲೆಗೆ ಭೇಟಿ ನೀಡಿ ಸಂಬಂಧಪಟ್ಟ ಗ್ರಾಮಗಳ ಜನಾ ಭಿಪ್ರಾಯ ಸಂಗ್ರಹಿಸಿ ಕೇಂದ್ರ ಸರಕಾರಕ್ಕೆ ವರದಿ ಸಲ್ಲಿಸಲಿದೆ ಎಂದು ಸೊರಕೆ ಹೇಳಿದರು.
ಜಿಲ್ಲೆಯಲ್ಲಿ ಹಲವು ಅಭಿವೃದ್ಧಿ ಕಾರ್ಯಕ್ರಮಗಳ ಉದ್ಘಾಟನೆಗೆ ಹಾಗೂ ಜಿಲ್ಲೆಯಲ್ಲಿ ನಡೆಸಲು ಉದ್ದೇಶಿಸಿರುವ ಮೀನುಗಾರರ ಮಹಾಸಭೆಗೆ ಮುಖ್ಯಮಂತ್ರಿ ಆಗಮಿಸುವರು. ಈ ಸಂದರ್ಭ ಜಿಲ್ಲೆ ಯಲ್ಲಿ ಹೆಚ್ಚಿನ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಕೈಗೊಳ್ಳಲು ಅವರಿಗೆ ಮನವಿ ಸಲ್ಲಿಸಲಾಗುವುದು ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಶಾಸಕ ಗೋಪಾಲ ಪೂಜಾರಿ ಮಾತನಾಡಿ, ಬೈಂದೂರು ವ್ಯಾಪ್ತಿಯಲ್ಲಿ ಹೆಚ್ಚುವರಿ ಮನೆ ನಿರ್ಮಾಣಕ್ಕೆ ಸರಕಾರದಿಂದ ಮಂಜೂರಾತಿ ಪಡೆದಿದ್ದು, ಎಲ್ಲರಿಗೂ ಮನೆ ನಿರ್ಮಾಣ ಮಾಡಿ ಕೊಡಲಾಗುವುದು ಎಂದರು. ತ್ರಾಸಿ ಗ್ರಾಪಂ ಅಧ್ಯಕ್ಷೆ ವನಿತಾ, ಕುಂದಾಪುರ ತಾಪಂ ಅಧ್ಯಕ್ಷ ಭಾಸ್ಕರ ಬಿಲ್ಲವ, ಜಿಪಂ ಸದಸ್ಯೆ ಇಂದಿರಾ ಶೆಟ್ಟಿ, ಕುಂದಾಪುರ ತಾಪಂ ಸದಸ್ಯರಾದ ರಾಜು ಪೂಜಾರಿ, ರಮೇಶ್, ಮಂಜಯ್ಯ ಶೆಟ್ಟಿ ಉಪಸ್ಥಿತರಿದ್ದರು. ತಾಪಂ ಕಾರ್ಯನಿರ್ವಹಣಾಧಿಕಾರಿ ಶೇಷಪ್ಪ ಸ್ವಾಗತಿಸಿದರು. ಸೀತಾರಾಮ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು.
ಇದೇ ಸಂದರ್ಭ ಸಚಿವರು ಕುಂದಾಪುರ ತಾಪಂ ವತಿಯಿಂದ 800 ಮಂದಿಗೆ 623 ಲಕ್ಷ ರೂ., ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ವತಿಯಿಂದ 199 ಮಂದಿಗೆ 96.36 ಲಕ್ಷ ರೂ., ಮೀನುಗಾರಿಕಾ ಇಲಾಖೆ ಯಿಂದ 27 ಲಕ್ಷ ರೂ., ತೋಟಗಾರಿಕಾ ಇಲಾಖೆ 50 ಲಕ್ಷ ರೂ., ಹಿಂದುಳಿದ ವರ್ಗಗಳ ಇಲಾಖೆಯ ವತಿಯಿಂದ 170 ಲಕ್ಷ ರೂ. ಸೌಲಭ್ಯ ಸೇರಿದಂತೆ ಒಟ್ಟು 1,307 ಫಲಾನುಭವಿಗಳಿಗೆ ವಿವಿಧ ಇಲಾಖೆಗಳ ಒಟ್ಟು 750 ಲಕ್ಷ ರೂ. ಮೊತ್ತದ ಸವಲತ್ತುಗಳನ್ನು ವಿತರಿಸಿದರು.

annual get together of nagoor jamat-ul-muslimeen Committee UAE held


DUBAI:- The annual get together of nagoor jamat-ul-muslimeen Committee UAE was held @ hotel golden square, Deira, Dubai.
The program started with Qirath rendered by MH.Thouheed.
Mr.MH Zaid, introduced the dignitaries and welcomed the gathering.
Moulana Ibrahim MH rashadi and shahabuddin abdus suboor from gangolli along with usman jafer were the Guest of honors.
10912911_886330944751730_836106293_n
The program was further continued with Food festival Which was won by Mr.arief momin and family. while, the runners up were Mr.NG Gosha and family.
Moulana Ibrahim MH rashadi Presided over the function conveying an important message to the members of nagoor jamat-ul-muslimeen.
A Lucky draw was held in the end, which was won by dipty yousuf.

ಬ್ಯಾರೀಸ್-ಪ್ರಥಮ ದರ್ಜೆ ಕಾಲೇಜಿನ ವಾರ್ಷಿಕ ಕ್ರೀಡಾಕೂಟ


ಕೋಡಿ/ಕುಂದಾಪುರ, ಜ.9: ಶಿಸ್ತು ಎಂಬುದು ಪ್ರತಿವ್ಯಕ್ತಿಗೆ ಜೀವನದಲ್ಲಿ ಅತಿಮುಖ್ಯ ಎಂದು ಬಸ್ರೂರು ಶ್ರೀ ಶಾರದ ಕಾಲೇಜಿನ ನಿವೃತ ದೈಹಿಕ ಶಿಕ್ಷಣ ನಿರ್ದೇಶಕ ಮೋಹನ್‌ದಾಸ್ ಶಾನುಬೋಗ್ ಹೇಳಿದರು. ಅವರು ಬ್ಯಾರೀಸ್ ಪ್ರಥಮ ದರ್ಜೆ ಕಾಲೇಜಿನಲ್ಲಿ ನಡೆದ ವಾರ್ಷಿಕ ಕ್ರೀಡಾಕೂಟವನ್ನು ಉದ್ಘಾಟಿಸಿ ಮಾತನಾಡಿ, ಪ್ರತಿಯೊಬ್ಬ ವ್ಯಕ್ತಿಯು ಸಂಸ್ಥೆಯನ್ನು ಪ್ರತಿನಿಧಿಸುವುದರ ಜೊತೆಗೆ ತನ್ನನ್ನು ತಾನೇ ಪ್ರತಿನಿಧಿಸಬೇಕು ಎಂದರು.
thvgn
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಬ್ಯಾರೀಸ್ ಸಮೂಹ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಹಾಜಿ ಮಾಸ್ಟರ್ ಮೆಹಮೂದ್ ಕ್ರೀಡಾಪಟುಗಳಿಗೆ ಶುಭಕೋರಿದರು. ಬ್ಯಾರೀಸ್ ಸಮೂಹ ಶಿಕ್ಷಣ ಸಂಸ್ಥೆಯ ನಿರ್ದೇಶಕ ಹಾಗೂ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲ ಪ್ರೊ.ದೋಮ ಚಂದ್ರಶೇಖರರವರು ಮಾತನಾಡಿದರು.
ಶಿಕ್ಷಣ ಮಹಾವಿದ್ಯಾಲಯದ ಪ್ರಾಂಶುಪಾಲ ಸಿದ್ದಪ್ಪಕೆ.ಎಸ್. ಹಾಗೂ ಬ್ಯಾರೀಸ್ ಕಾಲೇಜಿನ ದೈಹಿಕ ಶಿಕ್ಷಣ ನಿರ್ದೆಶಕ ಪ್ರೀತೇಶ ಶೆಟ್ಟಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಹಾಜಿ.ಕೆ.ಮೊಹಿದ್ದೀನ್ ಬ್ಯಾರಿ ಸ್ಮಾರಕ ಪ್ರೌಢ ಶಾಲೆಯ ದೈಹಿಕ ಶಿಕ್ಷಣ ಶಿಕ್ಷಕ ಇಲ್ಯಾಸ್ ಹಾಗೂ ಸೀ ಸೈಡ್ ಪಬ್ಲಿಕ್ ಸ್ಕೂಲ್‌ನ ದೈಹಿಕ ಶಿಕ್ಷಣ ಶಿಕ್ಷಕ ರತ್ನಾಕರ ಉಪಸ್ಥಿತರಿದ್ದರು.
ಆಂಗ್ಲ ಉಪನ್ಯಾಸಕಿ ಪ್ಲೇವಿಯಾ ರೆಬೆಲ್ಲೊ ಕಾರ್ಯಕ್ರಮ ನಿರೂಪಿಸಿದರು. ವಾಣಿಜ್ಯ ವಿಭಾಗದ ಉಪನ್ಯಾಸಕಿ ಮಾಲತಿ ಸ್ವಾಗತಿಸಿದರು. ಗಣಕ ವಿಭಾಗದ ಉಪನ್ಯಾಸಕಿ ನೂತನಾ ವಂದಿಸಿದರು.

ಗಂಗೊಳ್ಳಿ : ಎಜ್ಯು ಪ್ರೊಜೆಕ್ಟರ್ ಹಸ್ತಾಂತರ


ಗಂಗೊಳ್ಳಿ:- ಗಂಗೊಳ್ಳಿಯ ಖಾರ್ವಿಕೇರಿಯ ಕೊಂಚಾಡಿ ರಾಧಾ ಶೆಣೈ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ದುಬೈನ ಉದ್ಯಮಿ ಕೊಂಚಾಡಿ ಗಣಪತಿ ಶೆಣೈ ಅವರು ಕೊಡುಗೆಯಾಗಿ ನೀಡಿದ ಎಜ್ಯು ಪ್ರೊಜೆಕ್ಟರ್‌ನ್ನು ಇತ್ತೀಚಿಗೆ ಹಸ್ತಾಂತರಿಸಲಾಯಿತು.
10-1-2015-7
ಗಂಗೊಳ್ಳಿಯ ಉದ್ಯಮಿ ಎಚ್.ಗಣೇಶ ಕಾಮತ್ ಅವರು ಎಜ್ಯು ಪ್ರೊಜೆಕ್ಟರ್‌ನ್ನು ಕುಂದಾಪುರ ವಲಯ ಕ್ಷೇತ್ರ ಶಿಕ್ಷಣಾಧಿಕಾರಿ ಗೋಪಾಲ ಶೆಟ್ಟಿಯವರಿಗೆ ಹಸ್ತಾಂತರಿಸಿದರು. ಕುಂದಾಪುರ ತಾಪಂ ಅಧ್ಯಕ್ಷ ಭಾಸ್ಕರ ಬಿಲ್ಲವ, ತಾಪಂ ಸದಸ್ಯೆ ಪೂರ್ಣಿಮಾ ಖಾರ್ವಿ, ಗಂಗೊಳ್ಳಿ ಗ್ರಾಪಂ ಅಧ್ಯಕ್ಷೆ ರೇಷ್ಮಾ ಆರ್.ಖಾರ್ವಿ, ಗಂಗೊಳ್ಳಿ ವಲಯ ನಾಡದೋಣಿ ಮೀನುಗಾರರ ಸಂಘದ ಅಧ್ಯಕ್ಷ ಮಂಜು ಬಿಲ್ಲವ, ಕುಂದಾಪುರದ ಉದ್ಯಮಿ ಸದಾನಂದ ಉಪ್ಪಿನಕುದ್ರು, ಪತ್ರಕರ್ತ ಗಣೇಶ್ ಪಿ. ಗಂಗೊಳ್ಳಿ, ಸ್ಥಳದಾನಿ ಮೋಹನದಾಸ ಕಾನೋಜಿ, ಎಸ್‌ಡಿ‌ಎಂಸಿ ಅಧ್ಯಕ್ಷ ಜಿ.ನಾಗರಾಜ ಖಾರ್ವಿ, ಶಾಲೆಯ ಮುಖ್ಯೋಪಾಧ್ಯಾಯಿನಿ ಸುಜಾತಾ ಕೆ., ನಿವೃತ್ತ ಶಿಕ್ಷಕಿ ಹೇಮಲತಾ ಕೆ. ಮೊದಲಾದವರು ಉಪಸ್ಥಿತರಿದ್ದರು.

ವಿಕಲಾಂಗರಿಗೆ ‘ಸ್ಕೂಟರ್ ಭಾಗ್ಯ’ ಯೋಜನೆ


ಬೆಂಗಳೂರು: ಹಿಂದುಳಿದ ವರ್ಗಕ್ಕೆ ಈಗಾಗಲೇ ಇರುವ ಅನ್ನ ಭಾಗ್ಯ, ಕ್ಷೀರ ಭಾಗ್ಯ ಮತ್ತು ದಂತ ಭಾಗ್ಯದ ಜೊತೆ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಈಗ ದೈಹಿಕ ವಿಕಲಾಂಗರ ಶ್ರೇಯೋಭಿವೃದ್ಧಿಗೆ “ಸ್ಕೂಟರ್ ಭಾಗ್ಯ” ಯೋಜನೆಯನ್ನು ಘೋಷಿಸಿದ್ದಾರೆ.
ಅಪಘಾತಗಳಲ್ಲಿ ಕಾಲು ಕಳೆದುಕೊಂಡವರಿಗೆ ಹಾಗೂ ಹುಟ್ಟುವಾಗಲೇ ಹೆಳವರಾಗಿ ಹುಟ್ಟಿದವರಿಗೆ ಮೂರು ಚಕ್ರದ ಸ್ಕೂಟರ್ ಗಳನ್ನು ವಿತರಿಸುವ ಈ ಯೋಜನೆಯನ್ನು ಅಂಗವಿಕಲ ಶ್ರೇಯೋಭಿವೃದ್ಧಿ ಇಲಾಖೆ ರೂಪಿಸುತ್ತಿದೆ.
“ಈ ಯೋಜನೆಯ ಅನುಷ್ಠಾನಕ್ಕೆ ಸಮಿತಿಯೊಂದನ್ನು ರಚಿಸಿದ್ದೇವೆ. ಈ ಸ್ಕೂಟರ್ ಗಳನ್ನು ಕೊಳ್ಳಲು ಟೆಂಡರ್ ಕರೆಯಲಿದ್ದೇವೆ. ಈ ಯೋಜನೆಗೆ ಸರ್ಕಾರ ೬.೨೫ ಕೋಟಿ ಅನುದಾನ ಮೀಸಲಿಟ್ಟಿದ್ದು, ಪ್ರಾರಂಭದಲ್ಲಿ ಈ ವರ್ಷ ೧೦೦೦ ಜನಕ್ಕೆ ಈ ಸ್ಕೂಟರ್ ಗಳನ್ನು ವಿತರಿಸಲಿದ್ದೇವೆ” ಎಂದು ಅಂಗವಿಕಲ ಶ್ರೇಯೋಭಿವೃದ್ಧಿ ಇಲಾಖೆಯ ನಿರ್ದೇಶಕ ಪಿ ಸಿ ಜಯಣ್ಣ ತಿಳಿಸಿದ್ದಾರೆ.
೨೦ ವರ್ಷದಿಂದ ೬೦ ವರ್ಷದೊಳಗಿನ ಅಂಗವಿಕಲರು ಈ ಯೋಜನೆಯ ಪಲಾನುಭವಿಗಳಾಗಲಿದ್ದಾರೆ ಎಂದು ತಿಳಿದು ಬಂದಿದೆ. ಇಲಾಖೆಯ ಮೂಲಗಳ ಪ್ರಕಾರ ದ್ವಿಚಕ್ರ ವಾಹನ ಚಾಲನೆ ಪರವಾನಗಿ ಕಡ್ಡಾಯವಾಗಿದ್ದು, ಎರಡೂ ಕೈಗಳಲ್ಲಿ ಯಾವುದೇ ತೊಂದರೆ ಇಲ್ಲದವರನ್ನು ಮಾತ್ರ ಈ ಯೋಜನೆಗೆ ಪರಿಗಣಿಸಲಾಗುವುದು ಎಂದು ತಿಳಿದು ಬಂದಿದೆ.
ಮುಂದಿನ ಬಜೆಟ್ ನಲ್ಲಿ ಸಿದ್ದರಾಮಯ್ಯನವರು ಈ ಯೋಜನೆಗೆ ಇನ್ನೂ ಹೆಚ್ಚಿನ ಅನುದಾನವನ್ನು ನೀಡಲಾಗುವುದು ಎಂದಿದ್ದಾರೆ.

ಪಡಿತರ ಚೀಟಿ ಸಮಸ್ಯೆ ಪರಿಹರಿಸುವರೇ ಮನವಿ


ಗಂಗೊಳ್ಳಿ : ಗಂಗೊಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿನ ಪಡಿತರ ಚೀಟಿ ಸಮಸ್ಯೆಯನ್ನು ಪರಿಹರಿಸುವಂತೆ ಗಂಗೊಳ್ಳಿ ಬಿಜೆಪಿ ಸ್ಥಾನೀಯ ಸಮಿತಿ ಕುಂದಾಪುರ ತಹಶೀಲ್ದಾರ್ ಅವರನ್ನು ಒತ್ತಾಯಿಸಿದೆ. ಪಡಿತರ ಚೀಟಿ ಸಮಸ್ಯೆಯನ್ನು ಬಗೆಹರಿಸುವಂತೆ ಒತ್ತಾಯಿಸಿ ಮನವಿಯನ್ನು ಗಂಗೊಳ್ಳಿ ಬಿಜೆಪಿ ಸ್ಥಾನೀಯ ಸಮಿತಿ ಅಧ್ಯಕ್ಷ ರವೀಂದ್ರ ಪಟೇಲ್ ಅವರು ಗಂಗೊಳ್ಳಿ ಗ್ರಾಮ ಕರಣಿಕ ರಾಘವೇಂದ್ರ ಡಿ. ಅವರ ಮೂಲಕ ತಹಶೀಲ್ದಾರ್ ಸಲ್ಲಿಸಿದರು.
ಕಳೆದ ಎರಡು ವರ್ಷಗಳಿಂದ ಗಂಗೊಳ್ಳಿ ಗ್ರಾಮದಲ್ಲಿ ಪಡಿತರ ಚೀಟಿ ಸಮಸ್ಯೆ ಇನ್ನೂ ನಿವಾರಣೆಯಾಗಿಲ್ಲ. ಈ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಈ ಗೊಂದಲದಿಂದ ಜನಸಾಮಾನ್ಯರಿಗೆ ತಮ್ಮ ದೈನಂದಿನ ಕೆಲಸ ಕಾರ್ಯಗಳಿಗೆ ಬಹಳಷ್ಟು ತೊಂದರೆಯಾಗುತ್ತಿದೆ. ಬಡವರಿಗೆ ಪಡಿತರ ಚೀಟಿ ಸಮಸ್ಯೆಯಿಂದ ಆಹಾರ ಸಾಮಾಗ್ರಿ ಪಡೆಯಲು, ಸರಕಾರದ ಅನುದಾನ ಪಡೆಯಲು ಸಾಧ್ಯವಾಗುತ್ತಿಲ್ಲ. ಆದುದರಿಂದ ಗಂಗೊಳ್ಳಿ ಗ್ರಾಮದ ಪಡಿತರ ಚೀಟಿ ಸಮಸ್ಯೆಯನ್ನು ಆದಷ್ಟು ಶೀಘ್ರದಲ್ಲಿ ಬಗೆಹರಿಸಬೇಕಾಗಿ ಆಗ್ರಹಿಸಿರುವ ಸ್ಥಾನೀಯ ಬಿಜೆಪಿ ಸಮಸ್ಯೆ ಇದೇ ರೀತಿಯಲ್ಲಿ ಮುಂದುವರಿದಲ್ಲಿ ಗಂಗೊಳ್ಳಿ ಗ್ರಾಮಸ್ಥರನ್ನು ಒಗ್ಗೂಡಿಸಿ ಗ್ರಾಮ ಪಂಚಾಯತ್ ಎದುರುಗಡೆ ಉಗ್ರ ಹೋರಾಟ ನಡೆಸುವುದಾಗಿ ಮನವಿಯಲ್ಲಿ ಎಚ್ಚರಿಸಿದೆ.
ತಾಪಂ ಮಾಜಿ ಸದಸ್ಯ ಸುರೇಂದ್ರ ಖಾರ್ವಿ, ಗಂಗೊಳ್ಳಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ರೇಷ್ಮಾ ಆರ್.ಖಾರ್ವಿ, ಸ್ಥಾನೀಯ ಬಿಜೆಪಿ ಕಾರ್ಯದರ್ಶಿ ಬಿ.ಗಣೇಶ ಶೆಣೈ, ಅಶೋಕ ಪೂಜಾರಿ, ಮಾಜಿ ಗ್ರಾಪಂ ಸದಸ್ಯ ರಾಘವೇಂದ್ರ ದೇವಾಡಿಗ, ಶಂಕರ ದೇವಾಡಿಗ ಮೊದಲಾದವರು ಉಪಸ್ಥಿತರಿದ್ದರು.

ಕಂಡ್ಲೂರು: ಝಿಯಾ ಶಾಲೆಯ ವಾರ್ಷಿಕೋತ್ಸವ


School-Day-Zia-Kandlur
ಕುಂದಾಪುರ, ಜ.5: ಮಕ್ಕಳನ್ನು ಸುಸಂಸ್ಕೃತಗೊಳಿಸುವುದು ನಮ್ಮೆಲ್ಲರ ಕರ್ತವ್ಯ ಎಂದು ರಾಜ್ಯ ಶಿಕ್ಷಣ ಸಚಿವ ಕಿಮ್ಮನೆ ರತ್ನಾ ಕರ್ ಹೇಳಿದರು. ಅವರು, ಇತ್ತೀಚೆಗೆ ನಡೆದ ಕಂಡ್ಲೂರಿನ ಝಿಯಾ ಪಬ್ಲಿಕ್ ಇಂಗ್ಲಿಷ್ ಮೀಡಿಯಂ ಶಾಲೆಯ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಮಾತನಾಡಿದರು.
ಸಮಾರಂಭದಲ್ಲಿ ಸಚಿವರನ್ನು ಝಿಯಾ ಎಜುಕೇಶನ್ ಟ್ರಸ್ಟ್ ಅಧ್ಯಕ್ಷ ವೌಲಾನ ಉಬೈದುಲ್ಲಾ ಅಬೂಬಕರ್ ನದ್ವಿ ಸನ್ಮಾನಿಸಿದರು. ಈ ಸಂದರ್ಭ ಬೈಂದೂರು ವಿಧಾನ ಸಭಾ ಕ್ಷೇತ್ರದ ಶಾಸಕ ಗೋಪಾಲ ಪೂಜಾರಿ, ವಕ್ಫ್ ಜಿಲ್ಲಾ ಸಲಹಾ ಸಮಿತಿ ಅಧ್ಯಕ್ಷ ನಕ್ವಾ ಯಹ್ಯಾ, ತಾಪಂ ಸದಸ್ಯ ಪ್ರದೀಪ್ ಕುಮಾರ್ ಶೆಟ್ಟಿ, ಕಾವ್ರಾಡಿ ಗ್ರಾಪಂ ಅಧ್ಯಕ್ಷ ಎಸ್. ದಸ್ತಗೀರ್ ಸಾಹೇಬ್, ಉಡುಪಿ ಜಿಲ್ಲಾ ಮುಸ್ಲಿಂ ಒಕ್ಕೂಟದ ಉಪಾಧ್ಯಕ್ಷ ಖಲೀಫಾ ಅಬ್ದುಲ್ ಮುನಾಫ್ ಸಾಹೇಬ್, ಸಮಾಜ ಸೇವಕ ಡಾ. ಬಳ್ಕೂರು ಗೋಪಾಲ ಆಚಾರ್ಯ, ಹಾಜಿ ಅಬ್ದುಲ್ಲಾ ಪರ್ಕಳ ಹಾಗೂ ಅಬ್ದುರ್ರಹ್ಮಾನ್ ತೀರ್ಥಹಳ್ಳಿ ಉಪಸ್ಥಿತರಿದ್ದರು.
ಶಾಲಾ ಅಧ್ಯಕ್ಷ ವೌಲಾನ ಉಬೈದುಲ್ಲಾ ಅಬೂಬಕರ್ ನದ್ವಿ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಪತ್ರಕರ್ತ ಜಿ.ಎಂ.ಶರೀಫ್ ಹೂಡೆ ಕಾರ್ಯಕ್ರಮ ನಿರೂಪಿಸಿದರು. ಮುಖ್ಯೋಪಾಧ್ಯಾಯಿನಿ ಮಂಗಳಾ ವಂದಿಸಿದರು.
ಸಭಾ ಕಾರ್ಯಕ್ರಮದ ಬಳಿಕ ಶಾಲಾ ವಿದ್ಯಾರ್ಥಿಗಳಿಂದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಿತು.

Post Navigation

Follow

Get every new post delivered to your Inbox.

Join 58 other followers