GANGOLLITIMES

News & Voice of people of Gangolli and around…

ಉಡುಪಿ ಜಿಲ್ಲಾ ಪೊಲೀಸ್ ವತಿಯಿಂದ ಪತ್ರಿಕಾ ಪ್ರಕಟಣೆ


ಉಡುಪಿ:-ಜಿಲ್ಲೆಯ ಕುಂದಾಪುರ ತಾಲೂಕಿನ ಗಂಗೊಳ್ಳಿ ಗ್ರಾಮದಲ್ಲಿ ನವಂಬರ್ 27 ಹಾಗೂ 28 ರಂದು ರಾತ್ರಿ ನಡೆದ ಎರಡು ವಿಭಿನ್ನ ಕೋಮುಗಳ ನಡುವಿನ ಗಲಾಟೆ ಪ್ರಕರಣದಲ್ಲಿ ಇತ್ತಂಡಗಳ ವಿರುದ್ದ 8 ಪ್ರಕರಣ ದಾಖಲಾಗಿದ್ದು, ಕುಂದಾಪುರ ಉಪ ವಿಭಾಗದ ಡಿ ವೈ ಎಸ್ ಪಿ ಯವರಾದ ಸೀ ಬೀ ಪಾಟೀಲ್ ಇವರು ನಿವ್ರತ್ತಿಯಿಂದ ಸ್ಥಾನ ತೆರವಾಗಿದ್ದು, ಸದ್ಯ ಪ್ರಭಾರ ಅಧಿಕಾರವನ್ನು ಕಾರ್ಕಳ ಉಪ ವಿಭಾಗದ ಏ ಎಸ್ ಪಿ ಅಣ್ಣಾಮಲೈ, ಐ ಪಿ ಎಸ್ ಇವರು ವಹಿಸಿಕೊಂಡಿದ್ದು, ಸದ್ರಿ ಪ್ರಕರಣದ ತಪ್ಪಿತಸ್ತರ ಪತ್ತೆಗಾಗಿ 3 ವಿಶೇಷ ತಂಡಗಳನ್ನು ರಚಿಸಿದ್ದು,ಈ ತಂಡಗಳ ನೆರವಿನಿಂದ ಆರೋಪಿಗಳನ್ನು ಶೀಗ್ರ ಪತ್ತೆ ಹಚ್ಚಲಾಗುವುದೆಂದು ತಿಳಿಸಿರುತ್ತಾರೆ..ಹಾಗೂ ಠಾಣಾ ವ್ಯಾಪ್ತಿಯಲ್ಲಿ ಕೋಮು ಪ್ರಚೋದನಾಕಾರಿ ಸಂದೇಶ ಕಳಿಸುವವರ ವಿರುದ್ದ, ಅನಗತ್ಯ ವದಂತಿಗಳನ್ನು ಹರಡುವವರ ವಿರುದ್ಧ ಹಾಗೂ ಕಾನೂನನ್ನು ಕೈಗೆತ್ತಿಕೊಳ್ಳುವವರ ವಿರುದ್ದ ನಿರ್ದಾಕ್ಷಿಣ್ಯ ಕಾನೂನು ಕ್ರಮ ಜರಗಿಸಲು ಇಲಾಖೆ ಹಿಂಜರಿಯುವುದಿಲ್ಲ ಎಂದು ಸಹ ಎಚ್ಚರಿಕೆಯನ್ನು ಮಾನ್ಯ ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿಯವರಾದ ರಾಜೇಂದ್ರ ಕುಮಾರ್ ಇವರು ಪತ್ರಿಕಾ ಪ್ರಕಟಣೆಯ ಮೂಲಕ ನೀಡಿರುತ್ತಾರೆ.. ಹಾಗೂ ಶಾಂತಿಯನ್ನು ಕಾಪಾಡಲು ಇಲಾಖೆಯೊಂದಿಗೆ ಸಾರ್ವಜನಿಕರು ಸಹಕರಿಸಬೇಕೆಂದು ಮನವಿ ಮಾಡಿದ್ದಾರೆ…

ಅಮಾಯಕರ ಬಂಧನ- ಗಂಗೊಳ್ಳಿ ಠಾಣೆಗೆ ಘೇರಾವ್


ಗಂಗೊಳ್ಳಿ:- ಕಳೆದ ಕೆಲವು ದಿನಗಳ ಹಿಂದೆ ನಡೆದ ಘಟನೆಯ ಸಂಬಂಧ ಇಂದು ಪೊಲೀಸರು ಕೆಲವರನ್ನು ವಶಕ್ಕೆ ತೆಗೆದುಕೊಂಡಿದ್ದು, ಇವರಲ್ಲಿ ಅಯ್ಯಪ್ಪ ವ್ರತದಾರಿಗಳೂ ಸೇರಿದ್ದು, ಈ ಹಿನ್ನೆಲೆಯಲ್ಲಿ ಅಮಾಯಕರ ಬಂಧನವಾಗಿದೆ ಎಂದು ಆರೋಪಿಸಿ ಗಂಗೊಳ್ಳಿ ಗ್ರಾಮದ ಮಹಿಳೆಯರ ಸಮೇತ ನೂರಾರು ಮಂದಿ ಗಂಗೊಳ್ಳಿ ಠಾಣೆಗೆ ಮುತ್ತಿಗೆ ಹಾಕಿದ್ದು, ಬಂಧಿತರನ್ನು ಬಿಡುಗಡೆ ಮಾಡಬೇಕೆಂದು ಪಟ್ಟು ಹಿಡಿದಿದ್ದಾರೆ.. ಇಂದು ಪ್ರಕರಣಕ್ಕೆ ಸಂಬಂಧಿಸಿದ ಆರೋಪಿಗಳನ್ನು ಬಂಧಿಸಬೇಕೆಂದು ಮುಸ್ಲಿಮರು ಪ್ರತಿಭಟನೆ ನಡೆಸಿದ್ದರು.. ಠಾಣೆಗೆ ಘೇರಾವ್ ಹಾಕಿರುವ ಹಿನ್ನೆಲೆಯಲ್ಲಿ ಗಂಗೊಳ್ಲಿಯಲ್ಲಿ ಪೊಲೀಸ್ ಬಂದೋಬಸ್ತನ್ನು ಬಿಗುಗೊಳಿಸಲಾಗಿದ್ದು, ಪೊಲೀಸರು ಶಾಂತಿ ಕಡದದಂತೆ ಕಟ್ಟೆಚ್ಚರ ವಹಿಸಿದ್ದಾರ, ಸದ್ಯ ಗಂಗೊಳ್ಲಿಯಲ್ಲಿ ಹೆಜ್ಜೆ ಹೆಜ್ಜೆಗೂ ಪೊಲೀಸರು ಕಾಣಸಿಗುತ್ತಿದ್ದು, ಪೇಟೆ ಜನರಿಲ್ಲದೆ ಬಿಕೋ ಎನ್ನುತ್ತಿದೆ…

ಗಂಗೊಳ್ಳಿ ಜಾಮೀಯಾ ಕಾಂಪ್ಲೆಕ್ಸ್ ಗೆ ಬೆಂಕಿ ಪ್ರಕರಣ – ಮುಸ್ಲಿಮರಿಂದ ಬ್ರಹತ್ ಪ್ರತಿಭಟನೆ


ಕುಂದಾಪುರ : ಕಳೆದ ಶುಕ್ರವಾರ ರಾತ್ರಿ ಗಂಗೊಳ್ಳಿಯ ಜಾಮೀಯಾ ಕಾಂಪ್ಲೆಕ್ಸ್ ಎನ್ನುವ ಕಟ್ಟಡಕ್ಕೆ ಕಿಡಿಗೇಡಿಗಳು ಬೆಂಕಿ ಹಚ್ಚಿದ್ದು ೪-೫ ದಿನ ಕಳೆದರೂ ಆರೋಪಿಗಳ ಬಂಧನವಾಗದ ಹಿನ್ನೆಲೆಯಲ್ಲಿ ಸ್ಥಳೀಯ ಜಮಾಯತ್ ಮುಸ್ಲಿಂಮಿನ್ ವಾಕ್ಪ್ ಹಾಗೂ ಇತರೇ ಮುಸ್ಲಿಂ ಸಂಘಟನೆ ಒಂದಾಗಿ ಬುಧವಾರ ಬೆಳಿಗ್ಗೆ ಗಂಗೊಳ್ಳಿಯಲ್ಲಿ ಬೃಹತ್ ಪ್ರತಿಭಟನೆ ನಡೆಸಿದರು.
ಘಟನೆಯ ನಂತರ ಪೊಲೀಸ್ ಇಲಾಖೆಯಿಂದ ಯಾವುದೇ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಿಲ್ಲ ಹಾಗೂ ನೈಜ ಆರೋಪಿಯನ್ನು ಈತನಕ ಬಂಧಿಸದ ಕಾರಣ ಮುಸ್ಲಿಂ ಸಮುದಾಯ ನ್ಯಾಯ ವಂಚಿತವಾಗಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನೈಜ ಆರೋಪಿ ಯಾರೆಂದು ತಿಳಿದಿದ್ದರೂ ಕೂಡ ಅವರನ್ನು ಬಂಧಿಸುವಲ್ಲಿ ಪೊಲೀಸ್ ಇಲಾಖೆ ಮೀನಾಮೇಷ ಎಣಿಸುತ್ತಿದೆ. ಇಂದು ೨೪ ಗಂಟೆ ಒಳಗಾಗಿ ಪ್ರಕರಣದ ನೈಜ ಆರೋಪಿಯನ್ನು ಬಂಧಿಸಬೇಕು ಈ ಬಗ್ಗೆ ಜಮಾತ್ ನ ಮುಖಂಡರಿಗೆ ಲಿಖಿತ ಹೇಳಿಕೆ ನೀಡಬೇಕು ಇಲ್ಲವಾದಲ್ಲಿ ನಾಳೆ ಸಂಜೆ ಒಳಗಾಗಿ ಗಂಗೊಳ್ಳಿ ಪೊಲೀಸ್ ಠಾಣೆಗೆ ಮುತ್ತಿಗೆ ಹಾಕುವ ಮೂಲಕ ಬೃಹತ್ ಪ್ರತಿಭಟನೆ ಮಾಡುತ್ತೇವೆ. ಅಲ್ಲದೇ ಇಂತಹ ಘಟನೆ ಮರುಕಳಿಸದಂತೆ ಹಾಗೂ ಪ್ರಕರಣದಲ್ಲಿ ನಮಗೆ ಅನ್ಯಾಯವಾದಲ್ಲಿ ಉಗ್ರ ಹೋರಾಟ ಮಾಡುವುದಾಗಿ ಈ ಸಂದರ್ಭ ಪ್ರತಿಭಟನಾಕಾರರು ಎಚ್ಚರಿಸಿದರು.
pppp
ಗಂಗೊಳ್ಳಿಯ ಜಾಮೀಯ ಕಾಂಪ್ಲೆಕ್ಸ್ ಎದುರಿನಿಂದ ಆರಂಭಗೊಂಡ ಪ್ರತಿಭಟನಾ ಮೆರವಣಿಗೆಯಲ್ಲಿ ಮುಸ್ಲಿಂ ಮಹಿಳೆಯರು, ಯುವಕರು ಸೇರಿದಂತೆ ಸಾವಿರಾರು ಸಂಖ್ಯೆಯಲ್ಲಿ ಜನರು ಪಾಲ್ಗೊಂಡು ನ್ಯಾಯ ಒದಗಿಸುವಂತೆ ಘೋಷಣೆ ಕೂಗಿದರು.
ಪ್ರತಿಭಟನಾ ಮೆರವಣಿಗೆಯ ಬಳಿಕ ಗಂಗೊಳ್ಳಿಯ ಜಾಮೀಯ ಕಾಂಪ್ಲೆಕ್ಸ್ ಎದುರು ಜಮಾಯಿಸಿದ ಪ್ರತಿಭಟನಾಕಾರರೊಂದಿಗೆ ಕುಂದಾಪುರ ಉಪವಿಭಾಗಾಧಿಕಾರಿ ಚಾರುಲತಾ ಸೋಮಲ್, ಹಾಗೂ ಕುಂದಾಪುರ ತಹಶೀಲ್ದಾರ್ ಗಾಯತ್ರಿ ನಾಯಕ್, ಕುಂದಾಪುರ ವೃತ್ತ ನಿರೀಕ್ಷಕ ದಿವಾಕರ್ ಪಿ. ಎಮ್, ಮಾತುಕತೆ ನಡೆಸಿದರು.
ಈ ಸಂದರ್ಭದಲ್ಲಿ ಪೊಲೀಸ್ ಇಲಾಖೆಯ ವೈಫಲ್ಯ ಕುರಿತು ಪ್ರತಿಭಟನಾಕಾರರು ಎಸಿ ಅವರ ಗಮನಕ್ಕೆ ತಂದರು. ಅಲ್ಲದೇ ಮುಂದಿನ 24ಗಂಟೆ ಒಳಗಾಗಿ ಆರೋಪಿ ಬಂಧಿಸುವಂತೆ ಮನವಿ ನೀಡಿದರು. ಮನವಿ ಸ್ವೀಕರಿಸಿ ಮಾತನಾಡಿದ ಕುಂದಾಪುರ ಎಸಿ ಅವರು ಈ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳುವಂತೆ ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಬೈಂದೂರು ವೃತ್ತ ನಿರೀಕ್ಷಕ ಸುದರ್ಶನ್, ಬ್ರಹ್ಮಾವರ ವೃತ್ತ ನಿರೀಕ್ಷಕ ಅರುಣ್ ನಾಯಕ್, ಡಿಸಿಐಬಿ ಇನ್ಪ್ ಕ್ಟರ್ ಜಯಶಂಕರ್ ಹಾಗೂ ವಿವಿಧ ಠಾಣೆಯ ಠಾಣಾಧಿಕಾರಿಗಳು ಸೇರಿದಂತೆ ನೂರಾರು ಪೊಲೀಸ್ ಸಿಬ್ಬಂಧಿಗಳು ಸ್ಥಳದಲ್ಲಿ ಜಮಾಯಿಸಿದ್ದರು.

ಕುಂದಾಪುರ: ನಿವೃತ್ತ ಪೊಲೀಸ್ ಅಧಿಕಾರಿಗಳಿಗೆ ಸಮ್ಮಾನ


ಕುಂದಾಪುರ: ಪೊಲೀಸ್ ಠಾಣೆಗೆ ಬರುವವರಿಗೆ ಬೇಕಾಗಿರುವುದು ಕರುಣೆಯಲ್ಲ, ಬದಲಿಗೆ ಸಹಾನುಭೂತಿ. ನೊಂದು ಬಂದವರಿಗೆ ಸಾಂತ್ವನ ಹೇಳಿ, ಅವರನ್ನು ಪ್ರೀತಿಯಿಂದ ಮಾತನಾಡಿಸುವುದರಿಂದ, ಸಮಾಜದಲ್ಲಿ ಪೊಲೀಸರ ಮೇಲಿನ ವಿಶ್ವಾಸ ಇನ್ನಷ್ಟು ಹೆಚ್ಚಾಗುತ್ತದೆ ಎಂದು ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರಾಜೇಂದ್ರಪ್ರಸಾದ್ ಹೇಳಿದರು. ಶನಿವಾರ ಇಲ್ಲಿಗೆ ಸಮೀಪದ ಕೋಟೇಶ್ವರದ ಮೆರಿಡಿನ್ ¸ಭಾಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನಿವೃತ್ತರಾಗಿರುವ ಕುಂದಾಪುರದ ಪೊಲೀಸ್ ಉಪವಿಭಾಗದ ಡಿವೈಎಸ್‍ಪಿ ಸಿ.ಬಿ ಪಾಟೀಲ್ ಹಾಗೂ ಕೊಲ್ಲೂರು ಎ.ಎಸ್.ಐ ಜಯರಾಮ ಶೆಟ್ಟಿಯವರನ್ನು ಸನ್ಮಾನಿಸಿ ಅವರು ಮಾತನಾಡಿದರು.

ಕರ್ತವ್ಯವನ್ನೇ ಸೇವೆ ಎಂದು ಪರಿಗಣಿಸುವ ಪೊಲೀಸ್ ಇಲಾಖೆಯ ಸೇವೆ ತ್ಯಾಗದ ಸಂಕೇತ. ಎಷ್ಟೋ ಸಂದರ್ಭಗಳಲ್ಲಿ ಕರ್ತವ್ಯದ ಪಾಲನೆಗಾಗಿ ವಯಕ್ತಿಕ ಸುಖವನ್ನೆ ತ್ಯಾಗ ಮಾಡಬೇಕಾದ ಅನೀವಾರ್ಯತೆಗಳು ಎದುರಾಗುತ್ತದೆ. ಅಧಿಕಾರವನ್ನು ಬಳಸಿಕೊಂಡು, ಸೌಜನ್ಯದಿಂದ ಸಮಾಜನ್ನು ತಿದ್ದುವ ಕೆಲಸಗಳು ಆಗಬೇಕು. ಹಿಂದೆ ಅಪರಾಧ ಪ್ರಕರಣಗಳ ವಿಧಾನಗಳು ಸರಳವಾಗಿದ್ದರಿಂದ ಕೆಲಸಗಳು ಕಡಿಮೆ ಇತ್ತು. ಆಧುನೀಕತೆಯ ಬದಲಾವಣೆಯಿಂದಾಗಿ ಅಪರಾಧ ಪ್ರಪಂಚವೂ ವಿಸ್ತಾರಗೊಂಡಿರುವುದರಿಂದ ಪೊಲೀಸರಿಗೆ ತಂತ್ರಜ್ಞಾನದ ಅರಿವು ಕಡ್ಡಾಯವಾಗಿ ಇರಬೇಕು ಎಂದು ಹೇಳಿದ ಅವರು ಇಲಾಖಾ ಸೇವೆಯನ್ನು ಅಪೇಕ್ಷಿಸುವವರು ತಾಂತ್ರಿಕವಾಗಿ ಹಾಗೂ ವೈಜ್ಞಾನಿಕವಾಗಿ ಗಟ್ಟಿ ಅನುಭವವನ್ನು ಹೊಂದಿರಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಜಿಲ್ಲಾ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಸಂತೋಷ್‍ಕುಮಾರ ಮುಖ್ಯಅತಿಥಿಗಳಾಗಿದ್ದರು. ಡಿವೈಎಸ್‍ಪಿ ಯವರ ಪತ್ನಿ ಶಿವಲೀಲಾ ಇದ್ದರು. ಹಿರಿಯ ನ್ಯಾಯವಾದಿ ರವಿಕರಣ್ ಮುರ್ಡೇಶ್ವರ, ಉದ್ಯಮಿ ದಿನಕರ್ ಶೆಟ್ಟಿ ನ್ಯೂ ಮೆಡಿಕಲ್ಸ್, ಪುರಸಭಾ ಸದಸ್ಯ ರಾಜೇಶ್ ಕಾವೇರಿ, ಸಿಟಿ ಜೇಸಿಸ್‍ನ ಹುಸೇನ್ ಹೈಕಾಡಿ, ಸಂಚಾರಿ ಠಾಣಾಧಿಕಾರಿ ಇಮ್ರಾನ್, ಮಹಿಳಾ ಠಾಣಾಧಿಕಾರಿ ಸುಜಾತ ಅಭಿನಂದನೆಯ ಮಾತುಗಳನ್ನು ಹೇಳಿದರು.

ನಿವೃತ್ತರಾಗುತ್ತಿರುವ ಡಿವೈಎಸ್‍ಪಿ ಸಿ.ಬಿ ಪಾಟೀಲ್ ಹಾಗೂ ಎ.ಎಸ್.ಐ ಜಯರಾಮ ಶೆಟ್ಟಿಯವರನ್ನು ಜಿಲ್ಲಾ ಪೊಲೀಸ್ ಇಲಾಖೆಯ ವತಿಯಿಂದ ಗೌರವಿಸಲಾಯಿತು. ಸಿ.ಬಿ ಪಾಟೀಲ್ ಅವರಿಗೆ ಕುಂದಾಪುರ ಪೊಲೀಸ್ ಉಪವಿಭಾಗ, ಡಿವೈಎಸ್‍ಪಿ ಯವರ ಕಚೇರಿ, ಕುಂದಾಪುರ ಠಾಣೆ, ಮಹಿಳಾ ಠಾಣೆ ಹಾಗೂ ಸಾರ್ವಜನಿಕ ಸಂಘ ಸಂಸ್ಥೆಯಿಂದ ಗೌರವಿಸಲಾಯಿತು.

ಕುಂದಾಪುರ ಪೊಲೀಸ್ ಉಪವಿಭಾಗದ ಪ್ರಭಾರ ಡಿವೈಎಸ್‍ಪಿ ದಿವಾಕರ ಪಿ.ಎಂ ಸ್ವಾಗತಿಸಿದರು, ಜಿಲ್ಲಾ ಗೃಹ ರಕ್ಷಕದಳ ಸೆಕಂಡ್ ಇನ್ ಕಮಾಂಡೆಂಟ್ ರಾಜೇಶ್ ಕೆ.ಸಿ ಪ್ರಾಸ್ತಾವಿಕ ಮಾತುಗಳನ್ನು ಹೇಳಿದರು, ಕುಂದಾಪುರ ಠಾಣಾಧಿಕಾರಿ ನಾಸೀರ್ ಹುಸೇನ್ ವಂದಿಸಿದರು.

ತೆಕ್ಕಟ್ಟೆ:-ಅಕ್ರಮ ಗೋಸಾಗಾಟ: ಇಬ್ಬರ ಬಂಧನ


ತೆಕ್ಕಟ್ಟೆ: ಅಕ್ರಮ ಗೋಸಾಗಾಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೋಟ ಪೊಲೀಸರು ಶುಕ್ರವಾರ ರಾತ್ರಿ ಇಬ್ಬರನ್ನು ಬಂಧಿಸಿದ್ದಾರೆ.
ತೆಕ್ಕಟ್ಟೆ ಆಭರಣ ಶೋರೂಮ್ ಎದುರು ವಾಹನ ತಪಾಸಣೆ ನಡೆಸುತ್ತಿರುವ ವೇಳೆ ಬಿಳಿ ಬಣ್ಣದ ಪೋರ್ಸ್ ಟ್ರಾವೆಲ್ಲರ್ ಗೂಡ್ಸ್ ವಾಹನ ನಿಲ್ಲಿಸಲು ಸೂಚನೆ ನೀಡಿದಾಗ ವಾಹನ ನಿಲ್ಲಿಸದೆ ಪರಾರಿಯಾಗಿದ್ದು ಬೆನ್ನಟ್ಟಿದ ಪೊಲೀಸರು ಕನ್ನುಕೆರೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅಡ್ಡಗಟ್ಟಿ ವಶಕ್ಕೆ ತೆಗೆದುಕೊಂಡಿದ್ದು ವಾಹನದಲ್ಲಿ 5 ಜಾನುವಾರುಗಳನ್ನು ಹಿಂಸಾತ್ಮಕವಾಗಿ ಕಟ್ಟಿ ಹಾಕಿರುವುದು ಪತ್ತೆಯಾಗಿದೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ದಿನೇಶ್ ಕಾಮತ್(54) ಹಾಗೂ ನಂದ್‌ಕುಮಾರ್(45) ಅವರನ್ನು ಬಂಧಿಸಲಾಗಿದೆ. ಜಾನುವಾರುಗಳನ್ನು ವಧಿಸಲು ಸಾಗಿಸುತ್ತಿರುವುದಾಗಿ ಆರೋಪಿಗಳು ಒಪ್ಪಿಕೊಂಡಿದ್ದಾರೆ. 5 ಜಾನುವಾರುಗಳ ಒಟ್ಟು ಅಂದಾಜು ಮೌಲ್ಯ ರೂಪಾಯಿ 20,000 ಆಗಿರುತ್ತದೆ. ಕರ್ನಾಟಕ ಗೋಹತ್ಯೆ ತಡೆ ಕಾಯಿದೆಯಡಿ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಗಂಗೊಳ್ಳಿ:- ಪೊಲೀಸ್ ಪಥ ಸಂಚಲನ, ಬಂದೋಬಸ್ತ್ ಮುಂದುವರಿಕೆ


1
ಗಂಗೊಳ್ಳಿ:- ಅಹಿತಕರ ಘಟನೆಯಿಂದ ಉದ್ವಿಗ್ನ ಸ್ಥಿತಿಯಲ್ಲಿದ್ದ ಗಂಗೊಳ್ಳಿ ನಿನ್ನೆಯಿಂದ ಸಹಜ ಸ್ಥಿತಿಗೆ ಮರಳಿದ್ದು , ಪರಿಸರ ಬಿಕೋ ಎನ್ನುತ್ತಿದೆ… ಮುಂಬರುವ ತೆರಾಲಿ ಹಬ್ಬ ಹಾಗೂ ಡಿಸೆಂಬರ್ 6 ರ ಹಿನ್ನೆಲೆಯಲ್ಲಿ ಹಾಗೂ ಜನರಲ್ಲಿ ಧೈರ್ಯ ಹಾಗೂ ಕಿಡಿಗೇಡಿಗಳಿಗೆ ಎಚ್ಚರಿಕೆ ನೀಡುವ ಸಂದೇಶವಾಗಿ ಇಂದು ಗಂಗೊಳ್ಳಿಯ ರಾಮ ಮಂದಿರದ ಬಳಿಯಿಂದ ಮುಖ್ಯ ರಸ್ತೆ ಮಾರ್ಗದಲ್ಲಿ ಉಡುಪಿ ಜಿಲ್ಲಾ ಕಮಾಂಡೋ ಪಡೆ , ಜಿಲ್ಲಾ ಶಶಸ್ತ್ರ ಮೀಸಲು ಪಡೆ, ಕೆ ಎಸ್ ಆರ್ ಪಿ ತುಕಡಿ ಹಾಗೂ ಜಿಲ್ಲೆಯ ವಿವಿಧ ಠಾಣೆಯ ಪೊಲೀಸ್ ನಿರೀಕ್ಷಕರು ಹಾಗೂ ಸಿಬ್ಬಂಧಿಗಳಿಂದ ಪೊಲೀಸ್ ಪಥ ಸಂಚಲನ ನಡೆಯಿತು.. ಇದರ ನೇತ್ರತ್ವವನ್ನು ಕುಂದಾಪುರ ವ್ರತ್ತ ನಿರೀಕ್ಷಕ ದಿವಾಕರ ಪಿ ಎಂ ಹಾಗೂ ಬೈಂದೂರು ವ್ರತ್ತ ನಿರೀಕ್ಷಕ ಸುದರ್ಶನ ಎಂ ವಹಿಸಿದ್ದರು…
2
ಗಂಗೊಳ್ಲಿಯಲ್ಲಿ ಎಸ್ಪಿ ಮೊಕ್ಕಾಂ:-ನಿನ್ನೆಯಿಂದ ಗಂಗೊಳ್ಲಿಯಲ್ಲಿ ಬಿಗು ಪೊಲೀಸ್ ಬಂದೋಬಸ್ತ್ ಏರ್ಪಡಿಸಿದ್ದು, ಅದನ್ನು ಇಂದೂ ಸಹ ಮುಂದುವರಿಸಲಾಗಿದೆ…ರಾತ್ರಿ ವೇಳೆ ಗಲ್ಲಿ ಗಲ್ಲಿಗಳಲ್ಲಿ ಗಸ್ತು ತಿರುಗಲು ಉಡುಪಿ ಜಿಲ್ಲಾ ಪೊಲೀಸ್ ಪಡೆಯ ಚೀತಾ ದ್ವಿಚಕ್ರ ವಾಹನಗಳನ್ನು ಬಳಸಲಾಗುತ್ತಿದೆ…ಈಗಾಗಲೇ ಬಂದರು ಪ್ರದೇಶ ಹಾಗೂ ನಾಯಕವಾಡಿಯಲ್ಲಿ ಪೊಲೀಸ್ ಚೆಕ್ ಪೋಸ್ಟ್‌ಗಳನ್ನು ತೆರೆದಿದ್ದು, ಒಳಬರುವ ಹಾಗೂ ಹೊರ ಹೊರ ಹೊಗುವ ಎಲ್ಲ ವಾಹನಗಳನ್ನು ತಪಾಸಣೆ ಮಾಡಲಾಗುತ್ತಿದೆ… ಅಗ್ನಿ ಪ್ರಕರಣ ಸಂಬಂದ ನಾವು ತಜ್ಞರ ವರದಿಗಾಗಿ ಕಾಯುತ್ತಿದ್ದು, ತನಿಖೆ ಮುಂದುವರಿದಿದೆ ಎಂದು ತಿಳಿಸಿದ ಉಡುಪಿ ಜಿಲ್ಲಾ ಎಸ್ಪಿ ರಾಜೇಂದ್ರ ಪ್ರಸಾದ್ ,ಪರಿಸ್ಥಿತಿ ನಿಯಂತ್ರಣದಲ್ಲಿ ಇದೆ ಎಂದರು.. ಸದ್ಯ ಎಸ್ಪಿ ಹಾಗೂ ಸಹಾಯಕ ಎಸ್ಪಿ ಇವರು ಗಂಗೊಳ್ಲಿಯಲ್ಲಿಯೇ ಮೊಕ್ಕಾಂ ಹೂಡಿದ್ದಾರೆ…

ಮಂಗಳೂರು:- ವರದಿಗಾರಿಕೆಗೆ ತೆರಳಿದ್ದ ಪತ್ರಕರ್ತನ ಮೇಲೆ ಹಲ್ಲೆ, ಕ್ರಮಕ್ಕೆ ಆಗ್ರಹಿಸಿ ಜಿಲ್ಲಾಧಿಕಾರಿಗೆ ಮನವಿ


IMG-20141129-WA0136
ಮಂಗಳೂರು:- ಎರಡು ದಿನದ ಹಿಂದೆ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಗಂಗೊಳ್ಳಿ ಗ್ರಾಮದಲ್ಲಿ ಕ್ಷುಲ್ಲಕ ಕಾರಣಕ್ಕಾಗಿ ನಡೆದ ಗುಂಪು ಘರ್ಷಣೆಯ ವರದಿ ಮಾಡಲು ತೆರಳಿದ್ದ ಪತ್ರಿಕಾ ವರದಿಗಾರ ಬಿ ರಾಘವೇಂದ್ರ ಪೈ ಅವರ ಮೇಲೆ ದುಷ್ಕರ್ಮಿಗಳು ನಡೆಸಿರುವ ಹಲ್ಲೆ ಖಂಡನೀಯವಾಗಿದ್ದು, ತಪ್ಪಿತಸ್ತರ ವಿರುದ್ದ ಕಾನೂನು ಕ್ರಮ ಜರಗಿಸಿ ಶಿಕ್ಷೆಗೆ ಗುರಿಪಡಿಸಬೇಕೆಂದು ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಜಿಲ್ಲಾಧಿಕಾರಿ ಎಂ ಬಿ ಇಬ್ರಾಹಿಂ ಅವರನ್ನು ಭೇಟಿ ಮಾಡಿ ಮನವಿ ಸಲ್ಲಿಸಿದೆ…

ಸಹಜ ಸ್ಥಿತಿಯತ್ತ ಮರಳುತ್ತಿರುವ ಗಂಗೊಳ್ಳಿ, ಸಚಿವರ ಭೇಟಿ


20141129_110853
ಗಂಗೊಳ್ಳಿ:- ಕಳೆದ ಎರಡು ದಿನಗಳಿಂದ ಉದ್ವಿಗ್ನಗೊಂಡಿರುವ ಗಂಗೊಳ್ಳಿಗೆ ಇಂದು ರಾಜ್ಯಸಭಾ ಸದಸ್ಯ ಆಸ್ಕರ್ ಫೆರ್ನಾಂಡಿಸ್, ಜಿಲ್ಲಾ ಉಸ್ತುವಾರಿ ಹಾಗೂ ನಗರಾಭಿವ್ರದ್ಧಿ ಸಚಿವ ವಿನಯ ಕುಮಾರ್ ಸೊರಕೆ, ಶಾಸಕ ಗೋಪಾಲ ಪೂಜಾರಿ, ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ರಾಜೇಂದ್ರ ಪ್ರಸಾದ್, ಸಹಾಯಕ ಕಮಿಷನರ್ ಚಾರುಲತಾ ಸೋನಮ್, ತಹಶೀಲ್ದಾರ್ ಗಾಯತ್ರಿ ನಾಯಕ್ , ಪಿ ಎಫ್ ಐ ನಿಯೋಗ, ಜಿಲ್ಲಾ ಮುಸ್ಲಿಂ ಒಕ್ಕೂಟದ ನಿಯೋಗ ಸಹಿತ ಹಲವರು ಭೇಟಿ ನೀಡಿ ಪರಿಸ್ಥಿತಿಯನ್ನು ಅವಲೋಕಿಸಿದ್ದು , ಗಂಗೊಳ್ಲಿಯಲ್ಲಿ ಪೊಲೀಸ್ ಬಂದೋಬಸ್ತನ್ನು ಬಿಗುಗೊಳಿಸಿ ಮುಂದುವರಿಸಲಾಗಿದೆ..ಸದ್ಯ ಗಂಗೊಳ್ಲಿಯಲ್ಲಿ 70 ಪೊಲೀಸರ 2 ಕೆ ಎಸ್ ಆರ್ ಪಿ ತುಕಡಿ, 60 ಪೊಲೀಸರ ಜಿಲ್ಲಾ ಶಶಾಸ್ತ್ರ ಮೀಸಲು ಪಡೆಯ ತುಕಡಿ, 40 ಸದಸ್ಯರ ಕಮಾಂಡೋ ಪಡೆ, 5 ವ್ರತ್ತ ನಿರೀಕ್ಷಕರು, 12 ತಾಣಾಧಿಕಾರಿಗಳು ಹಾಗೂ ಉಡುಪಿ ಜಿಲ್ಲೆಯ ವಿವಿಧ ಠಾಣೆಯ 60 ಪೊಲೀಸರನ್ನು ಗಂಗೊಳ್ಲಿಯಲ್ಲಿನ ಆಯಕಟ್ಟಿನ ಪ್ರದೇಶದಲ್ಲಿ ಬಂದೋಬಸ್ತಿಗಾಗಿ ನೇಮಿಸಲಾಗಿದೆ…
20141129_112556_21197
ನಿನ್ನೆ ರಾತ್ರಿ ಅಗ್ನಿ ಅನಾಹುತಕ್ಕೀಡಾದ ವಾಣಿಜ್ಯ ಸಂಕೀರ್ಣ ಸಂಬಂಧ 4 ಕೇಸು ದಾಖಲಾಗಿದ್ದು, ಪೊಲೀಸರು ಆರೋಪಿಗಳ ಬಂಧನಕ್ಕಾಗಿ ಬಲೆ ಬೀಸಿದ್ದಾರೆ… ಈಗಾಗಲೇ ಬೇರೆ ಬೇರೆ ತಂಡಗಳನ್ನು ರಚಿಸಲಾಗಿದೆ ಎಂದು ಉನ್ನತ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.. ಅಗ್ನಿ ಅನಾಹುತದಿಂದ ಹೊತ್ತಿ ಉರಿದ ಕಟ್ಟಡದ ಮಹಜರನ್ನು ಮಂಗಳೂರಿನ ಫೋರೆನ್ಸಿಕ್ ಪ್ರಯೋಗಾಲಯದವರು ನಡೆಸಿದ್ದು , ಆದಷ್ಟು ಶೀಗ್ರಾ ಘಟನೆಯ ಸ್ಪಷ್ಟ ಚಿತ್ರಣ ದೊರೆಯಲಿದೆ ಎಂದು ತಿಳಿದುಬಂದಿದೆ…
ನಮಗೆ ಪರಿಹಾರ ನೀಡಿ, ತಪ್ಪಿತಸ್ತರನ್ನು ಬಂಧಿಸಿ ಶಿಕ್ಷೆಗೆ ಒಡಾಪಡಿಸಿ:-ನೊಂದವರು
ಸ್ಥಳಕ್ಕೆ ಭೇಟಿ ನೀಡಿದ ಸಚಿವ ಹಾಗೂ ರಾಜ್ಯಸಭಾ ಸದಸ್ಯರಲ್ಲಿ , ತಮಗೆ ಪರಿಹಾರ ನೀಡಬೇಕು ಹಾಗೂ ತಪ್ಪಿತಸ್ತರನ್ನು ಶಿಕ್ಷೆಗೆ ಒಳಪಡಿಸಬೇಕೆಂದು ಘಟನೆಯಿಂದ ನೊಂದವರು ಆಗ್ರಹಿಸಿದರು.. ಇದಕ್ಕೆ ಸ್ಪಂದಿಸಿದ ಸಚಿವರು ಆದಷ್ಟು ಶೀಗ್ರಾ ಆರೋಪಿಗಳನ್ನು ಪತ್ತೆ ಹಚ್ಚುತ್ತೇವೆ ಹಾಗೂ ಪರಿಹಾರವನ್ನು ಸಹ ಒದಗಿಸುವ ಭರವಸೆಯನ್ನು ನೀಡಿದರು…

ಪತ್ರಕರ್ತನ ಮೇಲೆ ಹಲ್ಲೆ. ಕುಂದಾಪುರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ ಖಂಡನೆ


ಕುಂದಾಪುರ: ವರದಿಗೆ ತೆರಳಿದ್ದ ಪತ್ರಕರ್ತ ಗಂಗೊಳ್ಳಿಯ ರಾಘವೇಂದ್ರ ಪೈ ಮೇಲೆ ಕಿಡಿಗೇಡಿಗಳು ನಡೆಸಿದ ಹಲ್ಲೆಯನ್ನು ಕುಂದಾಪುರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘವು ಖಂಡಿಸಿದೆ. ಒಂಟಿಯಾಗಿದ್ದ ರಾಘವೇಂದ್ರ ಪೈ ಅವರ ಮೇಲೆ ಏಕಾಏಕಿಯಾಗಿ ನಡೆಸಿದ ಹಲ್ಲೆಯಿಂದ ರಾಘವೇಂದ್ರ ಪೈ ಅವರಿಗೆ ಗಾಯಗಳಾಗಿದ್ದು ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಘಟನೆಯನ್ನು ಮಾಧ್ಯಮಗಳ ಮೇಲೆ ನಡೆಸಿದ ಹಲ್ಲೆ ಎಂದಿರುವ ಕುಂದಾಪುರ ತಾ.ಕಾ.ನಿ. ಪ ಸಂಘವು ರಾಘವೇಂದ್ರ ಪೈ ಅವರ ಮೇಲೆ ಹಲ್ಲೆ ನಡೆಸಿದವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದೆ. ಪೆಟ್ಟು ಹೊಡೆದವರೇ ಪುನಃ ರಾಘವೇಂದ್ರ ಪೈ ಅವರ ಮೇಲೆ ಪ್ರತಿ ದೂರು ನೀಡಿದ್ದಾರೆ ಎನ್ನಲಾಗುತ್ತಿದ್ದು ಇದು ಸಹ ಅತ್ಯಂತ ಖಂಡನೀಯವಾಗಿದೆ. ಕರ್ತವ್ಯದ ಮೇಲೆ ತೆರಳಿದ್ದ ಪತ್ರಕರ್ತರ ಮೇಲೆ ಸುಳ್ಳು ದೂರು ನೀಡಿದ್ದರೆ ಅದನ್ನು ಪೊಲೀಸರು ಪರಿಗಣಿಸಬಾರದು ಮತ್ತು ಯಾವುದೇ ಕಾರಣಕ್ಕೂ ರಾಘವೇಂದ್ರ ಪೈ ಅವರಿಗೆ ಅನ್ಯಾಯವಾಗಲು ಬಿಡಬಾರದು ಎಂದು ಸಂಘದ ಹೇಳಿಕೆ ತಿಳಿಸಿದೆ. ಸಂಘದ ಅಧ್ಯಕ್ಷರು ಈಗಾಗಲೇ ಡಿವೈಎಸ್‌ಪಿ ಮತ್ತು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಜೊತೆ ಸಂಪರ್ಕದಲ್ಲಿದ್ದು ಪತ್ರಕರ್ತರ ರಕ್ಷಣೆಗೆ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.

ಜಮಾತ್ ಅಧೀನದ ವಾಣಿಜ್ಯ ಸಂಕೀರ್ಣದ ಅಂಗಡಿಗಳಿಗೆ ಬೆಂಕಿ, ಸೇಡಿನ ಕ್ರತ್ಯ ಶಂಕೆ, ಗಂಗೊಳ್ಳಿ ಮತ್ತೆ ಉದ್ವಿಗ್ನ


29knd1
ಗಂಗೊಳ್ಳಿ:-ನಿನ್ನೆ ರಾತ್ರಿ ಕ್ಷುಲ್ಲಕ ಕಾರಣಕ್ಕಾಗಿ ಗುಂಪು ಘರ್ಷಣೆ ನಡೆದು ಉದ್ವಿಗ್ನ ಗೊಂಡು ಸಹಜ ಸ್ಥಿತಿಗೆ ಮರಳುತ್ತಿದ್ದ ಗಂಗೊಳ್ಳಿ ಗ್ರಾಮ ಇಂದು ರಾತ್ರಿ ನಡೆದ ಬೆಂಕಿ ಅನಾಹುತ ಪ್ರಕರಣದಿಂದ ಮತ್ತೆ ಉದ್ವಿಗ್ನಗೊಂಡಿದೆ..ಸ್ಥಳದಲ್ಲಿ ಬಿಗುವಿನ ವಾತಾವರಣ ನಿರ್ಮಾಣಗೊಂಡಿದ್ದು, ಅಂಗಡಿ ಬೆಂಕಿ ಪ್ರಕರಣ ನಿನ್ನೆ ನಡೆದ ಘಟನೆಯ ಸೇಡಿನ ಕ್ರತ್ಯ ಎಂದು ಆರೋಪಿಸಿರುವ ಮುಸ್ಲಿಂ ಬಾಂಧವರು, ಕಿಡಿಗೇಡಿಗಳನ್ನು ಆದಷ್ಟು ಶೀಗ್ರಾ ಬಂಧಿಸಬೇಕೆಂದು ಆಗ್ರಹಿಸುತ್ತಿದ್ದು, ಸ್ಥಳದಲ್ಲಿ ಹಾಗೂ ಗಂಗೊಳ್ಳಿ ಗ್ರಾಮದಾದ್ಯಂತ ಹೆಚ್ಚುವರಿ ಪೊಲೀಸರನ್ನು ನಿಯೋಜಿಸಲಾಗಿದೆ… ಶುಕ್ರವಾರ ತಡರಾತ್ರಿ ಅಂದರೆ ಶನಿವಾರ 1 ಗಂಟೆಯ ಸುಮಾರಿಗೆ ಗಂಗೊಳ್ಳಿ ಪೊಲೀಸ್ ಹೊರಠಾಣೆಯ ಬಳಿಯಲ್ಲಿರುವ ಜಮಾತುಲ್ ಮುಸ್ಲಿಮೀನ್ ಗಂಗೊಳ್ಳಿ ಇದರ ಅಧೀನದ ಹತ್ತು ಅಂಗಡಿಗಳ ಒಂದು ಅಂತಸ್ತಿನ ಕಟ್ಟಡದ ಕೆಳಭಾಗದ ಅಂಗಡಿಯೊಂದರ ಮುಂಭಾಗ ಬೆಂಕಿ ಕಾಣಿಸಿಕೊಂಡಿದ್ದು, ಸ್ಥಳಕ್ಕೆ ಪೊಲೀಸರು, ಅಂಗಡಿಗಳ ಮಾಲೀಕರು ಹಾಗೂ ಸಾರ್ವಜನಿಕರು ಆಗಮಿಸಿ ಬೆಂಕಿಯನ್ನು ಹತೋಟಿಗೆ ತರಲು ಪ್ರಯತ್ನಿಸಿದರೂ ವಿಫಲರಾದರು. ಅದಾಗಲೇ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಲಾಗಿತ್ತು… ತದನಂತರ ಆಗಮಿಸಿದ ಅಗ್ನಿಶಾಮಕ ದಳ ಬೆಂಕಿ ನಂದಿಸಲು ಹರಸಾಹಸ ಪಟ್ಟರೂ, ಬೆಂಕಿ ಇಡೀ ಕಟ್ಟಡಕ್ಕೆ ವ್ಯಾಪಿಸಿಯಾಗಿತ್ತು… ನಂತರ ಎರಡನೆಯ ಅಗ್ನಿಶಾಮಕ ವಾಹನವನ್ನು ಕರೆಸಲಾಯಿತು, ಹಾಗೂ ಬೆಳಿಗ್ಗೆ 4 ಗಂಟೆಯ ಸುಮಾರಿಗೆ ಬೆಂಕಿಯನ್ನು ಹತೋಟಿಗೆ ತಂದರು ಆದರೆ ಅದಾಗಲೇ ಎಲ್ಲ ಅಂಗಡಿಗಳಿಗೆ ಹಾನಿಯಾಗಿತ್ತು.. ಅಂಗಡಿ ಬೆಂಕಿ ಪ್ರಕರಣದಿಂದ ಲಕ್ಷಾಂತರ ರೂಪಾಯಿ ನಷ್ಟ ಸಂಭವಿಸಿರಬೇಕೆಂದು ಅಂದಾಜಿಸಲಾಗಿದ್ದು, ಪೊಲೀಸರು ತನಿಕೆಯನ್ನು ಆರಂಬಿಸಿದ್ದಾರೆ…
ಶಾರ್ಟ್ ಸರ್ಕಿಟ್ ಕಾರಣ ಅಲ್ಲ..ಅಂಗಡಿ ಮಾಲಕರು-ಸಾರ್ವಜನಿಕರು:- ಅಂಗಡಿಗಳಿಗೆ ಬೆಂಕಿಗೆ ಶಾರ್ಟ್ ಸರ್ಕಿಟ್ ಕಾರಣ ಅಲ್ಲ.. ಬದಲಾಗಿ ಇದೊಂದು ಸೇಡಿನ ಕ್ರತ್ಯ ಎನ್ನುತ್ತಿದ್ದಾರೆ ಅಂಗಡಿ ಮಾಲಕರು ಹಾಗೂ ಸಾರ್ವಜನಿಕರು.. ಅಂಗಡಿ ಮಾಲಕರ ಹೇಳಿಕೆ ಅಂದರೆ ನಾವು ದಿನಾಲೂ ಮೇನ್ ಸ್ವಿಚ್ ಬಂದ್ ಮಾಡಿ ಹೋಗುವುದನ್ನು ಹಲವು ವರುಷಗಳಿಂದ ರೂಢಿ ಮಾಡಿಕೊಂಡಿದ್ದೆವು.. ಇಂದು ಸಹ ಎಲ್ಲ ಅಂಗಡಿಗಳ ಮಾಲಕರೂ ಮೇನ್ ಸ್ವಿಚ್ ಬಂದ್ ಮಾಡಿಯೇ ಹೋಗಿದ್ದು, ಘಟನೆ ಆಕಸ್ಮಿಕ ಅಥವಾ ಶಾರ್ಟ್ ಸರ್ಕಿಟ್‌ನಿಂದ ಯಾವುದೇ ಕಾರಣಕ್ಕೂ ಆಗಲು ಸಾಧ್ಯವಿಲ್ಲ… ಹಾಗೂ ಇಷ್ಟು ಪೊಲೀಸರ ಬಂದೋಬಸ್ತ್ ಗಂಗೊಳ್ಲಿಯಲ್ಲಿ ಇದ್ದರೂ ದುಷ್ಕರ್ಮಿಗಳು ತಮ್ಮ ಕೈಚಳಕವನ್ನು ತೋರಿಸಿದ್ದು ದುರಂತವೇ ಸರಿ ಎನ್ನುತ್ತಿದ್ದಾರೆ ಅಲ್ಲಿ ಸೇರಿರುವ ಜನರು…ಒಟ್ಟಿನಲ್ಲಿ ಪೊಲೀಸರು ಈ ಪ್ರಕರಣವನ್ನು ಬೇಧಿಸಬೇಕೆಂದು ಆಗ್ರಹ ವ್ಯಕ್ತವಾಗುತ್ತಿದೆ..
ಘರ್ಷಣೆಗೂ ಹಾಗೂ ಬೆಂಕಿ ಪ್ರಕರಣಕ್ಕೆ ಸಂಭಂಧ ಇದೆಯೇ ಎಂದು ತನಿಖೆ ನಡೆಸುತ್ತೇವೆ:-ಪೊಲೀಸರು
ಘಟನಾ ಸ್ಥಳದಲ್ಲಿರುವ ಸೇರಿರುವ ಉದ್ರಿಕ್ತ ಜನರು ತನಿಖೆ ನಡೆಸಿ ಆರೋಪಿಗಳನ್ನು ಬಂಧಿಸಬೇಕೆಂದು ಪೊಲೀಸರಲ್ಲಿ ಆಗ್ರಹಿಸುತ್ತಿದ್ದು, ನಾವು ಸರಿಯಾದ ರೀತಿಯಲ್ಲಿ ತನಿಖೆ ಮಾಡುತ್ತೇವೆ, ಅದೇ ರೀತಿ ಎಫ್ ಎಸ್ ಎಲ್ ತಂಡವನ್ನೂ ಸಹ ಕರೆದಿದ್ದೇವೆ.. ಒಟ್ಟಿನಲ್ಲಿ ಪ್ರಕರಣದ ಬಗ್ಗೆ ತನಿಖೆ ನಡೆಸಿ , ನಿನ್ನೆಯ ಘಟನೆಗೂ ಇಂದಿನ ಅಂಗಡಿ ಬೆಂಕಿ ಪ್ರಕರಣಕ್ಕೂ ಸಂಬಂಧವಿದೆಯೇ ಎಂದು ನೋಡುತ್ತೇವೆ ಎನ್ನುತ್ತಿದ್ದಾರೆ… ಹಾಗೂ ಕಾನೂನಿನ ವಿರುದ್ದ ನಡೆಯುವವರ ವಿರುದ್ಧ ಕಾನೂನು ಕ್ರಮ ಜರಗಿಸಲು ಯಾವುದೇ ಕಾರಣಕ್ಕೂ ಹಿಂಜರಿಯುವುದಿಲ್ಲ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ..
ವದಂತಿಗಳಿಗೆ ಕಿವಿಕೊಟ್ಟು ಅಶಾಂತಿ ಸ್ರಷ್ಟಿಸಬೇಡಿ- ಕಾನೂನನ್ನು ಕೈಗೆತ್ತಿಕೊಳ್ಳಬೇಡಿ:- ಪೊಲೀಸರು- ಮುಖಂಡರು
ಯಾರೂ ಸಹ ಯಾವುದೇ ರೀತಿಯ ವದಂತಿಗಳಿಗೆ ಕಿವಿಗೊಡದೆ, ಶಾಂತಿಯನ್ನು ಕಾಪಾಡಿಕೊಂಡು ಹೋಗಬೇಕು..ಸಾಮಾಜಿಕ ಜಾಲತಾಣದಲ್ಲಿ ಅಶಾಂತಿ ಸ್ರಷ್ಟಿಸುವ ಸಂದೇಶಗಳನ್ನೂ ಸಹ ಮಾಡಬಾರದು..ಅವರ ಮೇಲೂ ಕಾನೂನು ಕ್ರಮ ಜರಗಿಸುತ್ತೇವೆ.. ಅಶಾಂತಿ ಸ್ರಷ್ಟಿಸುವ ಬಗ್ಗೆ ಏನಾದರೂ ಮಾಹಿತಿ ಇದ್ದರೆ ಪೊಲೀಸರಿಗೆ ತಿಳಿಸಿ.. ಬದಲಾಗಿ ಕಾನೂನಿನ ವಿರುದ್ದ ಯಾರೂ ನಡೆಯಬೇಡಿ ಎಂದು ಪೊಲೀಸ್ ಅಧಿಕಾರಿಗಳು ಹಾಗೂ ಮುಖಂಡರು ವಿನತಿಸಿದ್ದಾರೆ..

Post Navigation

Follow

Get every new post delivered to your Inbox.

Join 56 other followers