GANGOLLI. BIKE ACCIDENT. ONE KILLED


ಗಂಗೊಳ್ಳಿ:ದಿನಾಂಕ:26/09/15 ರಂದು ಪಿರ್ಯಾದಿದಾರರಾದ ನಾಗರಾಜ ಶೆಟ್ಟಿ (32) ತಂದೆ:ಶೀನಪ್ಪ ಶೆಟ್ಟಿ, ವಾಸ:ಇಡೂರು ಬೆನ್‌ಕಲ್, ಇಡೂರು ಗ್ರಾಮ, ಕುಂದಾಪುರ ತಾಲೂಕುರವರು ತನ್ನ ಸಂಬಂಧಿ ಶರತ್ ಶೆಟ್ಟಿ ಚಲಾಯಿಸುತ್ತಿದ್ದ ಅವರ ಕೆ ಎ 05 ಹೆಚ್.ಪಿ 1453 ನೇ ನಂಬ್ರದ ಮೋಟಾರು ಸೈಕಲ್ ನಲ್ಲಿ ಸಹಸವಾರರಾಗಿ ಕುಳಿತುಕೊಂಡು ಆಲೂರಿನಿಂದ ಇಡೂರಿಗೆ ಹೋಗುತ್ತಿದ್ದು, ನಾಗರಾಜ ಶೆಟ್ಟಿರವರ ಮುಂದಿನಿಂದ ಕಿರಣ ಶೆಟ್ಟಿಯು ಕೆ ಎ 20 ಡಬ್ಲ್ಯೂ 8113 ನಂಬ್ರದ ಮೋಟಾರು ಸೈಕಲ್‌ನಲ್ಲಿ ಸವಾರಿ  ಮಾಡಿಕೊಂಡು ಹೋಗುತ್ತಿದ್ದು, ಆಲೂರು ಗ್ರಾಮದ ಕಳಿ ಬೋಗಿ ಮರದ ಸಮೀಪ ತಲುಪುವಾಗ ಸಮಯ ಸುಮಾರು 20:00 ಗಂಟೆಗೆ ಕಿರಣ ಶೆಟ್ಟಿ ತನ್ನ ಬೈಕನ್ನು ಅತೀವೇಗ ಹಾಗೂ ಅಜಾಗರೂಕತೆಯಿಂದ ಸವಾರಿ ಮಾಡಿ ಸ್ಕಿಡ್ ಆಗಿ ಕೆಳಗೆ ಬಿದ್ದು ಬೋಗಿ ಮರಕ್ಕೆ ಡಿಕ್ಕಿ ಹೊಡೆದನು. ಅಪಘಾತದ ಪರಿಣಾಮ ಕಿರಣ್ ಶೆಟ್ಟಿಗೆ ತಲೆಗೆ ತೀವ್ರತರಹದ ರಕ್ತಗಾಯ ಹಾಗೂ ಮುಖ ಹಾಗೂ ಬಾಯಲ್ಲಿ ರಕ್ತ ಬರುತ್ತಿದ್ದು, ಉಡುಪಿ ಆದರ್ಶ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದು ತಲೆಗೆ ಉಂಟಾದ ತೀವ್ರ ಸ್ವರೂಪದ ಗಾಯದಿಂದ ಚಿಕಿತ್ಸೆ ಫಲಕಾರಿಯಾಗದೇ ಈ ದಿನ ದಿನಾಂಕ:27/09/2015 ರಂದು ಮಧ್ಯಾಹ್ನ 2:20 ಗಂಟೆಗೆ ಮೃತಪಟ್ಟಿರುವುದಾಗಿದೆ.ಈ ಬಗ್ಗೆ   ಗಂಗೊಳ್ಳಿ ಠಾಣಾ ಅಪರಾಧ ಕ್ರಮಾಂಕ 119 /2015 ಕಲಂ:279, 304(ಎ) ಐಪಿಸಿಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಗಂಗೊಳ್ಳಿ:-ಗಣೇಶೋತ್ಸವ- ಬಕ್ರೀದ್ ಶಾಂತಿಯುತ ಮುಕ್ತಾಯ


ಗಂಗೊಳ್ಳಿ:- ಇಲ್ಲಿನ ಮುಸ್ಲಿಂ ಭಾಂಧವರು ತ್ಯಾಗ ಬಲಿದಾನದ ಹಬ್ಬವಾದ ಬಕ್ರೀದ್ @ ಈದ್ ಉಲ್ ಆಜಾವನ್ನು ಶಾಂತಿ ಸೌಹಾರ್ದತೆಯಿಂದ ಆಚರಿಸಿದರು.. ಈದ್ ದಿನದಂದು ಗಂಗೊಳ್ಳಿಯ ಶಾಹಿ ಜುಮ್ಮಾ ಮಸೀದಿ, ಮೊಹಿಯುದ್ದೀನ್ ಜುಮ್ಮಾ ಮಸೀದಿ ಹಾಗೂ ಕೇಂದ್ರ ಜುಮ್ಮಾ ಮಸೀದಿಗಳಲ್ಲಿ ನೂರಾರು ಸಂಖೆಯಲ್ಲಿದ್ದ ಮುಸ್ಲಿಂ ಭಾಂಧವರು ಈದ್ ವಿಶೇಷ ನಮಾಜ್ ನಿರ್ವಹಿಸಿದರು.. ಗಂಗೊಳ್ಳಿ ಪೊಲೀಸ್ ಠಾಣಾಧಿಕಾರಿ ಸುಬ್ಬಣ್ಣ ಬಿ ಇವರ ನೇತ್ರತ್ವದಲ್ಲಿ ವಿಶೇಷ ಪೊಲೀಸ್ ಬಂದೋಬಸ್ತನ್ನು ಏರ್ಪಡಿಸಲಾಗಿತ್ತು.. ಕೆಲ ದಿನಗಳ ಹಿಂದೆ ಹಿಂದೂ ಭಾಂಧವರು ಗಣೇಶೋತ್ಸವವನ್ನು ಸಹ ಶಾಂತಿಯುತವಾಗಿ ಆಚರಿಸಿದ್ದನ್ನು ಸ್ಮರಿಸಬಹುದು…

ಕೋಟೇಶ್ವರ: ಪ್ರೋ ಅಭಿಷೇಕಂ ಅವರಿಗೆ ಸನ್ಮಾನ ಕಾರ್ಯಕ್ರಮ


02

ಕುಂದಾಪುರ:-ಕೋಟೇಶ್ವರ ಶ್ರೀಕಾಳಾವರ ವರದರಾಜ್ ಎಂ ಶೆಟ್ಟಿ ಸರಕಾರಿ ಪ್ರಥರ್ಮ ದರ್ಜೆ ಕಾಲೇಜಿನ ಪ್ರಾಂಶುಪಾಲ ಎಂ.ಅಭಿಷೇಕಂ ಅವರನ್ನು ಇಲ್ಲಿನ ಹಳೆವಿದ್ಯಾರ್ಥಿಗಳ ಸಂಘದ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು. ಇದೇ ಸಂದರ್ಭದಲ್ಲಿ ಮಾಜಿ ಸಚಿವ ಜಯಪ್ರಕಾಶ ಹೆಗೆ, ಕುಂಭಾಶಿ ಉದ್ಯಮಿ ಹಾಗೂ ಪರಿಸರವಾದಿಗಳಯಾದ ವಿಠಲ ಶೆಟ್ಟಿ ಕೊರ್ಗಿ, ಕುಂದಾಪುರ ಕನ್ನಡ ವೇದಿಕೆಯ ಅಧ್ಯಕ್ಷ ಸುಬ್ರಹ್ಮಣ್ಯ ಶೆಟ್ಟಿ, ಕೋಟೇಶ್ವರ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಜಾನಕಿ ಬಿಲ್ಲವ, ತಾಲೂಕು ಪಂಚಾಯತ್ ಸದ್ಯಸ ಮಂಜು ಬಿಲ್ಲವ, ಕೋಟೇಶ್ವರ ಗ್ರಾಮ ಪಂಚಾಯತ್ ಸದ್ಯಸರಾದ ಕೃಷ್ಣ ಗೊಲ್ಲ, ಶೋಭ, ಉದ್ಯಮಿಗಳಾದ ಜೆ.ಪಿ ಶೆಟ್ಟಿ ಕಾಳವಾರ, ಬುದ್ದರಾಜ್ ಶೆಟ್ಟಿ, ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸುಧೀರ ಶೆಟ್ಟಿ ಮಲ್ಯಾಡಿ, ಹಳೆವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಸಂಕೇತ ಶೆಟ್ಟಿ ಹೊಸಮಠ ಉಪಸ್ಥಿತರಿದರು.

ಕೋಟೇಶ್ವರ: ಹಳೆವಿದ್ಯಾರ್ಥಿ ಸಂಘ ಉದ್ಘಾಟನಾ ಸಮಾರಂಭ


01zgddgz

ಕುಂದಾಪುರ:-ವಿದ್ಯಾರ್ಥಿಗಳಿಗೆ ಕಲಿಕೆಯೂ ಒಂದು ಜೀವನ ಇದ್ದಾ ಹಾಗೇ ಅದನ್ನು ಸರಿಯಾದ ರೀತಿಯಲ್ಲಿ ವಿದ್ಯಾರ್ಥಿಗಳು ಬಳಸಿಕೊಂಡು ಸಮಾಜದಲ್ಲಿ ಉನ್ನತ ಸ್ಥಾನಕ್ಕೆ ಬರಲು ಸಾಧ್ಯ ಇದರಿಂದ ತಾವು ಕಲಿತ ಶಾಲೆಗಳಿಗೆ ಹೆಚ್ಚು ಹೆಚ್ಚು ನೆರವು ನೀಡುವಂತೆಹಾಗ ಬೇಕು ಎಂದು ಮಾಜಿ ಸಚಿವ ಜಯಪ್ರಕಾಶ ಹೆಗ್ಡೆ ಹೇಳಿದರು.
ಅವರು ಬುಧವಾರ ಕೋಟೇಶ್ವರ ಶ್ರೀಕಾಳಾವರ ವರದರಾಜ್ ಎಂ ಶೆಟ್ಟಿ ಸರಕಾರಿ ಪ್ರಥರ್ಮ ದರ್ಜೆ ಕಾಲೇಜಿನಲ್ಲಿ ನಡೆದ ಹಳೆವಿದ್ಯಾರ್ಥಿಗಳ ಸಂಘ ಉದ್ಘಾಟನಾ ಸಮಾರಂಭದ ಮುಖ್ಯ ಅತಿಥಿಗಳಾಗಿ ಮಾತನಾಡಿದರು. ಕುಂಭಾಶಿ ಉದ್ಯಮಿ ಹಾಗೂ ಪರಿಸರವಾದಿಗಳಯಾದ ವಿಠಲ ಶೆಟ್ಟಿ ಕೊರ್ಗಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಅವರು ಮಾತನಾಡಿ ಹಳೆವಿದ್ಯಾರ್ಥಿಗಳು ಕಲಿತ ಶಾಲೆಗಳಿಗೆ ತಾವು ಗಳಿಸಿದ ಒಂದಿಷ್ಟು ಹಣವನ್ನು ಶಾಲೆಗಳಿಗೆ ದಾನ ಮಾಡುವುದರಿಂದ ಬಡ ವಿದ್ಯಾರ್ಥಿಗಳ ಜೀವನಕ್ಕೆ ದಾರಿ ಮಾಡಿಕೊಂಡುವುದರಿಂದ ಅವರ ಭವಿಷ್ಯ ಉಜ್ವಲಗೊಳಿಸಲು ಸಹಕಾರಿಯಾಗ ಬೇಕು ಎಂದು ಹಳೆವಿದ್ಯಾರ್ಥಿಗಳಿಗೆ ಕಿವಿ ಮಾತು ಹೇಳಿದರು. ಇದೇ ಸಂದರ್ಭದಲ್ಲಿ ಈ ತಿಂಗಳ ಕೊನೆಯಲ್ಲಿ ನಿವೃತ್ತಿಯಾಗಲಿರುವ ಕಾಲೇಜಿನ ಪ್ರಾಂಶುಪಾಲ ಎಂ.ಅಭಿಷೇಕಂ ಅವರನ್ನು ಸನ್ಮಾನಿಸಲಾಯಿತು. ಕುಂದಾಪುರ ಕನ್ನಡ ವೇದಿಕೆಯ ಅಧ್ಯಕ್ಷ ಸುಬ್ರಹ್ಮಣ್ಯ ಶೆಟ್ಟಿ ಸಭೆಯ ಅಧ್ಯಕ್ಷತೆಯನ್ನುವಹಿಸಿದರು. ಕೋಟೇಶ್ವರ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಜಾನಕಿ ಬಿಲ್ಲವ, ತಾಲೂಕು ಪಂಚಾಯತ್ ಸದ್ಯಸ ಮಂಜು ಬಿಲ್ಲವ, ಕೋಟೇಶ್ವರ ಗ್ರಾಮ ಪಂಚಾಯತ್ ಸದ್ಯಸರಾದ ಕೃಷ್ಣ ಗೊಲ್ಲ, ಶೋಭ, ಉದ್ಯಮಿಗಳಾದ ಜೆ.ಪಿ ಶೆಟ್ಟಿ ಕಾಳವಾರ, ಬುದ್ದರಾಜ್ ಶೆಟ್ಟಿ, ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸುಧೀರ ಶೆಟ್ಟಿ ಮಲ್ಯಾಡಿ, ಹಳೆವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಸಂಕೇತ ಶೆಟ್ಟಿ ಹೊಸಮಠ ಉಪಸ್ಥಿತರಿದರು. ಕುಮಾರಿ ಅಶ್ವನಿ ಕಾರ್ಯಕ್ರಮ ನಿರೂಪಿಸಿ, ಸುಧೀರ ಶೆಟ್ಟಿ ಸ್ವಾಗತಿಸಿ, ಸಂಕೇತ ಧನ್ಯವಾದವಿತ್ತರು .

ಕುಂದಾಪುರ:- ಬಸ್ಸು ನಿರ್ವಾಹಕಿಗೆ ಹಲ್ಲೆ, ಜೀವಬೆದರಿಕೆ, ದೂರು ದಾಖಲು


ಕುಂದಾಪುರ: ಪಿರ್ಯಾದಿ ರೇಖಾ ಗುರುರಾಜ ದೊಡಮನಿ ಇವರು ಭಾರತಿ ಬಸ್ಸಿನಲ್ಲಿ ನಿರ್ವಾಹಕಿಯಾಗಿ ಕೆಲಸ ಮಾಡಿಕೊಂಡಿದ್ದು, ದಿನಾಂಕ 26/09/2015 ರಂದು ಬೆಳಿಗ್ಗೆ 09:30 ಗಂಟೆಗೆ ಕುಂದಾಪುರ ತಾಲೂಕು ಕಸಬಾ ಗ್ರಾಮದ ಕುಂದಾಪುರ ಹೊಸ ಬಸ್‌ ನಿಲ್ದಾಣದಲ್ಲಿ ಬಸ್ಸಿನ ಕಡೆಗೆ ಹೋಗುತ್ತಿದ್ದಾಗ ರಾಜ್‌ಕುಮಾರ್‌ ಬಸ್ಸಿನ ಚಾಲಕ ಸೋಮಶೇಖರ ಎಂಬಾತನು ಆತನ ಬಸ್ಸನ್ನು ಪಿರ್ಯಾದುದಾರರ ಮೈಗೆ ತಾಗಿಸಲು ಪ್ರಯತ್ನಿಸಿದ್ದು, ಸ್ವಲ್ಪದರಲ್ಲೆ ಪಿರ್ಯಾದುದಾರರು ತಪ್ಪಿಸಿಕೊಂಡಿದ್ದು, ನಂತರ ಆಪಾದಿತನು  ಬಸ್ಸಿನ ಡೋರಿನಲ್ಲಿ ನಿಂತು ಕಣ್ಣಿಗೆ ತುಳಿದು ರಕ್ತಗಾಯಗೊಳಿಸಿ, ಬಸ್ಸಿನಲ್ಲಿದ್ದ ರಾಡ್‌ ಹಿಡಿದು ಜೀವ ಬೆದರಿಕೆ ಹಾಕಿರುವುದಾಗಿದೆ. ಈ ಬಗ್ಗೆ ಕುಂದಾಪುರ ಪೊಲೀಸ್‌ ಠಾಣಾ ಅಪರಾಧ ಕ್ರಮಾಂಕ: 313/2015  ಕಲಂ: 354, 506 ಐಪಿಸಿಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಕುಂದಾಪುರ:- ಬೈಕ್ ಸ್ಕಿಡ್, ಸಹಸವಾರ ಸಾವು


ಕುಂದಾಪುರ: ದಿನಾಂಕ 26/09/2015 ರಂದು ಸಂಜೆ 5:30 ಗಂಟೆಗೆ  ಕುಂದಾಪುರ  ತಾಲೂಕು ಬಸ್ರೂರು ಗ್ರಾಮದ ಪಾನಕದ ಕಟ್ಟೆಯ ಕಚ್ಚಾ  ರಸ್ತೆಯಲ್ಲಿ ಆಪಾದಿತ  ನರೇಶ  ಆಚಾರ್ಯ ರವರು ತನ್ನ  ಬಾಬ್ತು  KA20-X-7274ನೇ  ಬೈಕಿನಲ್ಲಿ ಅಣ್ಣ ಆನಂತಪದ್ಮನಾಭ  ಆಚಾರ್ಯ ರವರನ್ನು ಸಹ ಸವಾರರಾಗಿ ಕುಳಿರಿಸಿಕೊಂಡು ಪಾನಕದಕಟ್ಟೆ ಕಡೆಯಿಂದ ಬಸ್ರೂರಿನ ಮನೆಗೆ ಅತೀವೇಗ ಹಾಗೂ ಅಜಾಗರುಕತೆಯಿಂದ ಸವಾರಿ ಮಾಡಿಕೊಂಡು ಬಂದು ಪಾನಕದ  ಕಟ್ಟೆಯ  ಹೊಂಡ ಗುಂಡಿ ಇರುವ ಕಚ್ಚಾ ರಸ್ತೆಯಲ್ಲಿ ವಾಹನದ ನಿಯಂತ್ರಣ  ತಪ್ಪಿದ ಕಾರಣ  ಬೈಕ್‌‌‌‌  ಸ್ಕಿಡ್  ಆಗಿ ವಾಹನ ಸಮೇತ ರಸ್ತೆಯಲ್ಲಿ ಬಿದ್ದ  ಪರಿಣಾಮ ಆನಂತಪದ್ಮನಾಭ ಆಚಾರ್ಯ ರವರ ಎಡ ಕೆನ್ನಗೆ, ಎಡಕಾಲಿಗೆ  ತರಚಿದ  ಗಾಯವಾಗಿ   ಪ್ರಜ್ಞೆ  ಕಳೆದುಕೊಂಡವರನ್ನು  ಚಿಕಿತ್ಸೆ ಬಗ್ಗೆ  ಕುಂದಾಪುರ  ಮಂಜುನಾಥ  ಆಸ್ಪತ್ರೆಗೆ  ಕರೆದುಕೊಂಡು ಬಂದಾಗ ಆಸ್ಪತ್ರೆಯ  ವೈದ್ಯರು ಪರೀಕ್ಷಿಸಿ ಆನಂತಪದ್ಮನಾಭ ಆಚಾರ್ಯ ರವರು  ಮೃತಪಟ್ಟಿದ್ದಾಗಿ  ತಿಳಿಸಿರುತ್ತಾರೆ. ಈ ಬಗ್ಗೆ ಕುಂದಾಪುರ ಸಂಚಾರ ಪೊಲೀಸ್‌ ಠಾಣಾ ಅಪರಾಧ ಕ್ರಮಾಂಕ: 118/2015  ಕಲಂ 279,304 (ಎ) ಐಪಿಸಿಯಂತೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಕುಂದಾಪುರ:-ವೈಯಕ್ತಿಕ ಕಾರಣ, ವಿಷ ಸೇವಿಸಿ ಆತ್ಮಹತ್ಯೆ


ಕುಂದಾಪುರ, ಸೆ.26: ವೈಯಕ್ತಿಕ ಕಾರಣದಿಂದ ಮನನೊಂದ ಕಿರಿಮಂಜೇಶ್ವರ ನಿವಾಸಿ ಬಡಿಯ(60) ಎಂಬವರು ಸೆ.25ರಂದು ರಾತ್ರಿ ತಲ್ಲೂರು ಕುಂತಿಯಮ್ಮ ದೇವಸ್ಥಾನದ ಚಾವಡಿಯಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.